Isai 26:10 - Bible azumeina

¹⁰ Le sana nga mi we hohowa sama asa’atna ni, nga mi hat á tit tit ta d’ingêra d’i, nga mi mba ki tchod’a yam ambas sa d’ingêra, nga mi djib’er yam ngola hi Ma didinid’a d’uo mi.

Isai 26:10 Referans Kwoze

Wana ni mbaktumba hi Oze-d’a 11:7

Sum mana a so tazi á wal tazi woi ki sed’enu, a nga yazi ala a mbut irazi yam an ma sä akulo ma kal teglesâ pî, sama adigazi ma hle tam hina b’ene’â nga d’i.

Vama ndum mbeina 2:21

An arat wa yina kayam ti mbut hurut yam tcho mata, wani ndat min mbut hurut yam mizeu matna d’i.

Mise 2:10

Agi tchologi akulo, agi igiya! Nga ni yima tuk tad’a d’i! Kayam tcho magid’a, b’lak ka ngola nga d’i mba kagiya, ni b’lak ka kal teglesa.

Jeremi 2:7

An mbagi kur ambas sa tub’ad’a tala agi tagi ahle suma djivi suma kurutna d’a, wani agi mbagiya, agi mbud’un ambas manda ambas sa ndjendjed’a, agi mbud’ugi ambas man nda an tat djonid’a vama ndjendje ma kalâ.

Ma tchi wala 3:16

Wana ni vama an wum yam andagad’a ka hina: Asa’ata ti vrak balum sariya d’a ka d’a irata, asa’ata ti vrak balum d’ingêra mi.

Zla d’a d’ogolâ 1:32

Kayam vita hi suma bei wäd’u zlad’a ba na nga d’i tchaziya, bei djib’era hi suma lilid’id’a nga d’i bazi woi mi.

Sawal la giled’a 106:43

Ma didina mi prud’uzi woi yam ablaud’a, wani azi i avogovok kur so vun mazina, azi rot kä kur tchila mazid’a.

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.

Buzuk ka Abud’a 9:34

Ata yima Faron mi wala alona mi ar bei breîd’a mogoina ad’um ka mi na, nga mi i avogovok ki tcho mamba, mi b’al hurum kazungeî mama kiki.

Buzuk ka Abud’a 8:15

Ata yi máma suma kumana a de mi Faron ala: Vama le wana nad’enga hAlonid’a! Wani Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.

Wana ni mbaktumba hi Oze-d’a 13:6

Ata yima an hagi tena ndak yam mei magid’ina, agi hobogiya, agi hlagi yagi akulo. Ni kayam ndata ba, agi maragi kanu.

Wana ni mbaktumba hi Oze-d’a 9:3

Suma Efraim-ma a mba kak kur ambasa hi Ma didinid’a d’i. Azi mba hulong kur ambas sa Ezipte-d’a, a mba i Asiri á te te ma ndjendjed’a.

Jeremi 31:23

Ma didin ma ad’engêm kal petna, Alona hi Israel-lîna, mi dala: Fata an hulongôzï woi kur magombid’a, a mba de yam ambas sa Juda-d’a kazì mat ma nglona ala: Yima kak ma d’ingêrâ, ahina d’a a tinit irat vata, ar Ma didina mi b’e vunam kagu!

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Isai 24:5

Andagad’a ti mbut ndjendjed’a abo suma a nga kaka katna, kayam azi tchila yam gata, a miret vun ma hed’a kä kaseziya, a but vun ma djin ma didin ma a djinim kAlonina woi mi.

Isai 5:12

A nga bu ading ma nglona kading ma gureina ki daliyâd’a ki taulâd’a, a nga tche süm ma guguzlu d’a ayîna kur lü mazina. Wani a nga djib’er yam sun nda Ma didina mi lata d’i, a nga gol sun nda mam lat kabomba d’uo mi.

Isai 2:10

Ang kal kur zul ahuniyôna, ang tos tang aduk andaga d’a gugud’upa woi dei abo mandarâ hi Ma didinina, abo wiled’a hi ngol mambid’a mi.

Sawal la giled’a 143:10

Ang had’an á le min manga, kayam angî Alo mana. Ar Muzuk mang ma djivina mi tinin yam andaga d’a abo tat tud’a.

1 Samuel 15:17

Samuel mi dum ala: Adjeu d’a ang gol tangî va d’uo d’a ang mbut nga amulâ yam andjafâ hi Israel-lîna d’uo zu? Ni Ma didina ba, mi tining amulâ yam Israel-lâ d’uo zu?

Isai 32:6

Kayam suma lilid’a a de ni zla d’a lilid’a, huruzi ni tinda yam sun nda tchod’a á le sun nda ata yat tuo d’a, á de zla d’a tchod’a yam Ma didina mi. A nga he tena mi sama meid’a tchuma d’i, a nga d’el lovota á he mbina mi sama vunam sona mi.

Matiye 4:5

Ata yi máma, diable mi im kur azì ma ngolâ hAlonina, mi tinim akulo yam gong nga kud’ora hAlonid’a, mi dum ala:

Buzuk ka Abud’a 9:30

Wani an wala ang kazungeî mangâ, agi mba lagi mandara Ma didina Alona d’uo d’ei.

Sawal la giled’a 69:27

Kayam azi nga djop vun suma ang gad’azina, azi nga de woi yam ndaka hi suma ang duruzi mbuleinina.

Isai 32:7

Sunda hi suma mbut irid’a ni sun nda tchod’a, a nga nga huruzi á le tchod’a á ba suma hohoud’a woi ki zla d’a kad’a. Sama houd’a zla mamba ti le ni ki djivid’a ko, a b’lagat teyo.

2 Amuleina 13:6

Hina pî, azi wal nga ki tcho d’a suma hi Jerobowam-ma a lat a zut ki Israel-lâ á le tchod’id’a woi d’i, a ar nga ahina d’a a tched’et ta a yat ala Asera-d’a nga tchola avo Samari tua mi.

Ma tchi wala 8:11

Ni kayamba a nga ngop sama le sun nda tchod’a atogo zak kuo d’a ba, suma a he tazi á le tchod’a ngola ni na.

Isai 1:21

Ang azì ma amul ma d’engzengâ, ni nana ba, ang mbut d’igi atcha d’a gaulangâ na ge? Angî ma a nga ka sariya d’a d’ingêra kurung adjeuna, angî ma a nga le sun nda irata kurung adjeuna mi. Wani ki tchetchemba, suma tchi matna a nga kaka kurungî aziya.