Isai 25:8 - Bible azumeina

⁸ Mba mi b’lak matna woi ki iram fafat. Salad’a Ma didina mba mi set sumina woi ir suma pet, mba mi b’lak ahle suma zulo suma a nga le sum mamina woi pet. Gagazi, Ma didina mi de na.

Isai 25:8 Referans Kwoze

Vama ndum mbeina 21:4

Mba mi sed’ezi simina irazi woi pet. Matna mba tchazi d’i, azi mba yor tazi d’oze a tchi tchi ma hohoud’a d’i, ta d’a ted’a nga d’uo mi, kayam ahle suma adjeuna pet a kal wa woyo.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.

1 Korente-na 15:54

Fata ta d’a matna ti tchuk ta d’a bei matnid’a, ta matna mba tchuk ta bei matnid’a mi, ata yi máma, zla d’a a b’irit kur mbaktumba hAlonid’a ala: Kusa ndak wa memet, matna a b’lagam wa woyo d’a mba d’i ndaga.

Wana ni mbaktumba hi Oze-d’a 13:14

An mba ni prud’uzi woi ata yima azuleina zu? An mba ni prud’uzi woi abo matna zu? Ang matna, tugud’ei mang nga tcho d’a tchi matna ti nga ni lara ge? Ang yima azuleina, ad’engêng nga ang b’lak ki sumid’a ti nga ni lara ge? We hohoud’a dap vita iranu.

1 Korente-na 15:26

Ma djangû ma danan ma mam mba mi b’lagam mbeina ni matna.

Vama ndum mbeina 20:14

Matna ki yina hi suma azuleinina a tchuguzi kur apo d’a akud’a, nala, mat ma mbàna.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

2 Timote 1:10

Wani ki tchetchemba, Alona mi nde wa suma ndata woi yam mbad’a hi Ma sud’ina Jesus Christ-sa. Kayam Jesus Christ mi kus yam matna, mi nde ari d’a bei dabid’a ba d’a woi abu pî d’a yam Zla d’a Djivid’a.

Isai 30:26

Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.

Isai 61:7

Yam zulo ma lagina a mba wuragagi ahlena mbàmbà, agi mba lagi furîd’a balum mang nga a mangâgi woid’a. A mba wuragagi ahlena mbàmbà kur ambas magid’a; furî d’a didinda ti mba d’i arî magid’a.

Isai 54:4

Ndak le mandar ri, kayam ndak mba d’i mbut zulona d’i; ndak tchuk susub’ok ki, kayam sa mba mi mangâk kei d’i. Wani ndak mba d’i mar rei yam zulo mak ma lak ki gogoro’â, ndak mba d’i djib’er yam zulo mak ma kur modono makina d’uo mi.

Isai 30:19

Agi suma Siyon suma nga kaka Jerusalem-ma, agi mba tchigi d’uo d’a. Fata agi yumba, mba mi vagi sumad’a! Ata yima mba mi hum tchi maginina, mba mi hulongôgi humba mi!

Sawal la giled’a 69:9

Ni kayam ang ba, an mbut sama dingâ ir b’oziyona, an mbut angeina ir b’oziyon suma asuyona mi.

Isai 65:19

An mba ni mbut Jerusalem hur man ma hapma, sum mana ni furî manda mi. A mba hum siwela hi tchina d’oze wulula kurut tuo mi.

Isai 60:15

Gagazi, a arak keyo, a noyôk kei mi. Sa nga mi kal avo hatak ki. Wani ki tchetchemba, an nga ni mbud’uk vama subura burâ ki burâ, an nga ni mbud’uk vama furîd’a kur atchogoi d’a lara ge pet mi.

Isai 51:11

Ni hina ba, suma Ma didina mi prud’uzi woina, a mba hulongîya, a mba mba kur Siyon ki sawal la bangâna. Furî d’a didinda mba d’i mbut navaval la kazid’a, a mba le hur ma hapma ki furîd’a. Hur ma wurana ki zam tad’a a mba kal lei mi.

Isai 37:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ad’engêt nga á vut gorotna woi d’uo d’a na.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Wana ni Zla d’a Djivi d’a Luc mi b’irita 1:25

Salad’a mi le ki sed’en hina á pat zulona kan ndei avok suma.

Isai 26:19

Magi suma matna a mba hulong zlit akulo, mad’a sum mana a mba tchol akulo. Suma a nga kaka kä aduk andaga d’a gugud’upina, a mba hulong zlit akulo, a mba er ad’uzi akulo ki furîd’a. D’igi mbad’ï magid’a ti d’idje andagad’a ahlena a gra na, andagad’a mba d’i hulong tchol ki suma a bona akulo hina mi.

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Jeremi 31:16

Wani Ma didina mi de kua ala: Ndak ba tchina, ndak set simina irak keyo. Kayam an nga ni wuragak yam sun maka. An Ma didina ni de na. Gro’â a mba tcholï avo hi mazi suma djangûna, a mba mba.

Sawal la giled’a 116:8

Gagazi, Ma didina, ang prud’un ndei avun matna, ang sed’en simi ma irana woyo, ang djigin akulo ata yima an lá puka kä na mi.