Isai 24:6 - Bible azumeina

⁶ Kayam ndata, andagad’a ti b’lak kei abo vun ma ged’a hAlonina. Suma a nga kaka kurutna a hlaneka hi tcho mazid’id’a kaziya. Kayam ndata, a dap peyo, a arî akid’eid’a ngiyeû go.

Isai 24:6 Referans Kwoze

Matiye 7:14

Kayam lovot ta i kur arid’id’a tad’enga heî, vun agre’â mi ni mbed’et mi, suma fatna a nakid’eid’a mi.

Romê-na 9:27

Isai mi de ki delem akulo yam Israel-lâ ala: Ndumba hi gro Israel-lîd’a, ti le ni d’igi les ma avun alum ma ngolîna na pî, nad’uzi d’a ara ba, a mba fe suta.

Sunda hi suma hi Levi-nid’a 26:22

An mba ni sunï amburei suma ayîna a mba vigigi grogina, a mba vigigi d’uwar magina; agi mba feyêgiya, lovot magid’a mba d’i se asuna.

2 Pierre 3:10

Wani burâ hi Salad’ina mba mi mba ni d’igi sama kula na. Kur bur máma akulod’a mba d’i kal lei ki siwel la ngola, ahle suma akulona pet akud’a mba d’i b’lagazi woyo. Andagad’a kahle suma kurutna pet a mba ngal lei mi.

Malatchi 3:9

Agi Israel-lâ pet, an gagi vuna kagi ni kayamba agi lobon iranda.

Malatchi 2:2

Le agi humugi d’uo, le agi tinigi nga hurugi á suburun simiyên nduo ni, an mba ni gagi vuna, an mba ni b’lagagi djivi magid’a woyo. Gagazi, an mba ni b’lagat teyo, kayam agi vagi nga zla manda kurugi d’i.

Ezekiyel 5:3

Ang yo tumus sa ang welet ndata ngiyeû, ang djinit avun baru mangâ.

Isai 1:31

Sama ad’engâ mba mi mbut ni d’igi miyâd’a na, sun mamba mba d’i mbut ni d’igi aku d’a munda na; a mba ngal lei zla tazi djak; sama ndak á tchat teina nga d’uo mi.

Gat ta a hat á mbàd’id’a 28:62

Agi zulugi nablaud’a d’igi tchitchiud’a hina wan pî, agi mba aragi nakid’eid’a hina yegre, kayam agi mba gagi yagi kä ad’u Ma didina Alo magina d’i.

Gat ta a hat á mbàd’id’a 4:27

Ma didina mba mi b’rawagi woi aduk andjaf suma, agi mba mbud’ugi nandjaf ma akid’eina aduk suma Ma didina nga mi igi kua wana.

Matiye 27:25

Ablau suma pet a hulong dum ala: Ar buzuwam kak kami ki gromina mi.

Isai 5:24

Kayam ndata, a mba mbut ni d’igi asu ma sod’a ki kuzad’a na, sin akud’a mba d’i ngalazi woyo, sideyezi mba mi tchim mbeyo, b’ozi mba d’i galal kä woi andaga mi, kayam azi noî gata hi Ma didin ma ad’engêm kal petnid’a woyo, azi gol zlad’a hi Ma tin tam irat vat yam Israel-lîna is mi.

Isai 9:19

A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Isai 34:5

Gola! Mbigeud’a hi Ma didinid’a ti ndeï woi kur akulod’a. Nga d’i ka suma Edom suma Ma didina mi kazi sariyad’a kazi á dabazi woina.

Isai 43:28

Kayam ndata, an mbut suma nglo suma ata Yima a tinim iram vama vama ndjendjed’a, an ni mbut suma hi Jakob-ma ni vama a gum vunina, an mbut Israel-lâ vama ngula mi.

Jeremi 5:14

Ni kayam ndata ba, Ma didin ma ad’engêm kal petna mi dala: Kayamba azi de hina d’a, an nga ni tin zla man nda d’igi akud’a na d’a avunang ang Jeremi. Sum ndazina a mba mbut ni d’igi aguna na mi. Aku ndata mba d’i ngalazi woyo!

2 Amuleina 24:12

Ata yi máma Jojakin amul ma Juda-na mi nde woi avun azina kasum kazungeî mama ki mam suma nglona ki mam suma a ngom hurazinina, a i famul ma Babilon-na. Mam vum dangeina, ni kur biza d’a klavandi d’a Nebukanezar nga mi tamulid’a.

2 Amuleina 25:12

Wani mi he lovota mi suma hou suma aduk suma kur ambasina á ngom guguzlud’a, á zuma mi.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Jeremi 12:4

Ambasa mba d’i so woi hina gagak mindja ge? Asu ma abageina mba mi so woi hina gagak mindja ge? Ni yam tchilad’a hi suma kurutnid’a ba, azureina kambureina kaluweina a nga dap pei wana, kayam suma a nga dala: Mam nga mi wahle suma ei nga leizina d’i.