Isai 24:23 - Bible azumeina

²³ Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Isai 24:23 Referans Kwoze

Isai 60:19

Nafata ba, mba d’i b’o kak falei d’i; ni tilâ ba, mba mi b’o kak kuo mi. Ni Ma didina ba, mba mi b’o kak burâ ki burâ, Alo ma’â mba mi mbut ni subur maka.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Isai 13:10

Kayam tchitchiud’a kades tchitchiu d’a tetenga d’igi dumusa teteng na d’a a mba b’o d’i, afata mba d’i mbut nduvunda ata yat ma deîd’a, tilâ mba mi b’o d’uo mi.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Mise 4:7

Suma dileîd’a an mba ni sud’uziya, suma a yozi magomba woi adjeu deina a mba mbut andjaf ma sib’ika. An Ma didina mba ni te kazi yam ahina d’a Siyon-nda tinï ad’ud’a ata yi máma dei gak didin.

Isai 30:26

Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

Isai 12:6

Agi suma avo Siyon-na, agi eregi ad’ugi akulo ki furîd’a, kayam Ma tin tam irat vat yam Israel-lîna ni ma ngol ma adigagina!

Vama ndum mbeina 19:6

An hum dela d’igi dela hablau sumid’a na nga d’i siwel d’igi mbiyo ma avun vorina na, d’igi breîd’a halonid’a na mi. An hum ti dala: Aleluya! Kayam Salad’a Alo mei ma ad’engêm kal petna nga mi te leud’a.

Vama ndum mbeina 19:4

Suma nglo suma dok mbà yam fid’ina kahle suma ari suma fid’ina a grif kä á kud’or Alo ma nga kaka yam zlam mba amulina, a dala: Amin! Aleluya!

Vama ndum mbeina 14:1

An we Gor timina mi nga tchola yam ahina d’a Siyon-nda. Suma a nga ki sed’em dudubud’a kis yam dudubud’a dok fid’i yam dudubud’a fid’i mi, ni suma simiyêm ki simiyê Abum a nga b’ira avorozina.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Joel 3:15

Afata ki tilâ a mbut nduvunda, tchitchiud’a nga d’i wile d’uo mi.

Joel 2:31

Afata mba d’i mbut nduvunda, tilâ mba mi mbut buzuna avok mbad’a hi burâ hi Ma didininid’a. Bur máma ni bur ma ngolâ, ni bur ma mandarâ mi.

Daniel 7:27

Leud’a, yam mba ted’a ki ngola hi suma kur leu d’a yam andagad’a ka hid’a pet, a mba hat mi suma Ma sä akulo ma kal teglesâ mi tinizi irazi vazina. Leu mam mba ted’a ni leu d’a gak didinda. Suma te yamba pet a mba lum sunda, a mba ge yazi kä avorom mi.

Daniel 7:18

Wani suma ma sä akulo ma kal teglesâ mi tinizi irazi vazina a mba hle leud’a, a mba te leud’a kur atchogoi d’a lara ge pet gak didin.

Isai 52:7

Djivid’a yam sama nga mi djï akulo yam ahuniyôna á de zla d’a djivid’a woina, yam ma nga mi de woi yam b’leng nga halasa, yam djivid’a ki sutina, ma nga mi de mi Jerusalem ala: Alona namul ma’â na.

Sawal la giled’a 97:1

Ma didina nga mi tamula! Ar suma yam andagad’ina pet a ayâ, ar suma yam til la tetengina a le furîd’a mi.

Buzuk ka Abud’a 15:21

Miriyam ti hulong dazi ala: Agi hlagi sawala á gilegi Ma didina, kayam me mi tak ad’eng mam mba kal teglesa woi abua, mi tchuk akulumeina ki suliyozina kä kur alum ma ngolâ.

Matiye 6:10

Ar ang mba á te leu manga yam andagad’a. Ar suma a le min manga yam andagad’a d’igi a nga lat sä akulo na mi.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Matiye 24:29

Jesus mi dazi kua ala: Bugol ndaka hi bur mámid’a, atogo hina zak afata mba d’i mbut nduvunda, tilâ mba mi b’o d’i, tchitchiud’a mba d’i tchugï kä, ahle suma ad’eng suma akulona a mba yira.

Isai 33:17

Irang mba d’i wamulâ kur subur mamba, ti mba d’i wambasa ki bubu mata pet mi.

Isai 60:1

Ndak Jerusalem, ndak tchol akulo, ndak wile kayam b’o maka nga d’i nde woyo, subura hi Ma didinid’a nga d’i tchol akulo kagu, nga d’i b’o kak d’igi afat ta ti deî d’a na.

Isai 60:20

Afat maka mba d’i nik ki, til ma’â mba mi kal nduvun nduo mi, kayam Ma didina mba mi mbut ni b’o maka burâ ki burâ, bur mak ma yor tad’a mba mi kal lei mi.

Ezekiyel 48:35

Gulumun ma ngui azì ma ngol mámina, fiyagam pet ni metred’a 9000. Ar avok hî a mba yi azì ma ngol máma ala Ma didina mi nga kaka ka hî.

Zakari 14:6

Kur bur máma yina mba mi b’o d’i, ab’lenga mba d’i le ki glasâ d’uo mi.

Zakari 14:7

Bur máma ni bur ma mba mi ka’î iram vam zenena, Ma didina mi wumî mam hol, faleid’a nga d’uo mi na, andjeged’a nga d’uo mi, wani b’od’a mba d’i ndeï woi ni fladege.

Isai 33:22

Ma didina ni mei ma ka sariyad’a, ni mei ma dei gatina, namul meina, ni ma sud’ina mi.

Abdiyas 1:21

Suma a sutna a mba djak akulo yam ahina d’a Siyon-nda, a mba te yam ahina d’a Edom-mba mi. Ma didina mba mi kak amula!