Isai 24:2 - Bible azumeina

² Vama mi mba yam ma ngat buzunina, mba mi mba yam sama hawana ni na mi; vama mi mba yam magomina, mba mi mba yam salama ni na mi; vama mi mba yam magombina, mba mi mba yam salata ni na mi; vama mi mba yam ma mbut aboma, mba mi mba yam ma a gus ahlena aboma ni na mi; vama mi mba yam ma suma ndahlena aboma, mba mi mba yam ma mi nde vana aboma ni na mi; vama mi mba yam ma mi he beged’a mi suma ki mbinina, mba mi mba yam ma mi nde beged’a aboma ni na mi.

Isai 24:2 Referans Kwoze

Wana ni mbaktumba hi Oze-d’a 4:9

Wani vama mba mi mba yam sumina, mba mi mba yam suma ngat buzuna ni hina mi. An mba ni ngobozi yam tit mazid’a, an mba ni wuragazi yam tcho d’a azi lata mi.

Hor ma tchina 4:13

B’lak ndata ti mba ni yam tchod’a hi mat suma djok vuna, ki tchod’a hi mat suma ngat buzu suma a vo buzuna hi suma d’ingêrâ woina.

Jeremi 42:18

Kayam Ma didin ma ad’engêm kal petna, Alona hi Israel-lîna, mi dala: D’igi an ni wet ayî mana ki hur man ma zal ma gugulu’â woi yam suma a nga kaka avo Jerusalem adjeuna na, le agi igi Ezipte ni, an mba ni wed’em mbei kagi na mi. Agi mba mbud’ugi ni vama ge vuna, vama atchapma, vama a golom isâ ki vama ngula. Agi mba wagi yima kä wana ki iragi d’uo d’a.

Jeremi 41:2

Ata yi máma Ismael Netaniya goroma mi tchol akulo zlapa ki suma dogo suma a nga ki sed’ema, a tchi Gedaliya Ahikam gorom ma Safan gorom ngolonina ki mbigeu d’a fiyaka. Ni hina ba, a tchi Gedaliya ma amul ma Babilon-na mi tinim á te yam ambasina.

Isai 5:15

Kayam ndata, suma pet a mba mbud’uzi zulona, suma yam mba ad’enga a mba hulongôzi yazi kä mi.

Isai 2:9

Kayam ndata, suma pet a mba hulongôzi yazi kä, suma nglona a mba grif kä mi. Ar ang vat hurung ngei kazi d’uo mi.

2 Sunda Hamuleinid’a 36:20

Nebukanezar mi yo suma a sut tei avun ayînina, mi i ki sed’ezi Babilon, mi mbud’uzi magumei mama ki magumeina hi gromina mi gak a mba kur atchogoi d’a amul ma Perse-na mi mba á te leud’id’a.

Ad’u Tinda 41:50

Avok ka bei baktarad’a nde ba d’a, Asenat Potifer ma ngat buzuna hi On-na goromba, ti vut gro andjofâ mbà mi Josef.

Isai 24:3

Andagad’a mba d’i b’lak kei kakazeî, mba d’i mbut ni vama hurumba, kayam Ma didina mi de zla ndata da’.

Isai 28:7

Wani azi tazid’a a nga hle titigir abo süm guguzlud’a, a vit tei abo süm ma ayîna. Suma ngat buzuna ki suma djok vuna, a nga hle titigir abo süm ma ayîna mi. Süm guguzlud’a kal kaziya, a vit tei abo süm ma ayîna. Ata yima a nga djok vun Alonina, a nga hle titigir, a nga tcha tata kur sariya mazi d’a kad’a mi.

Hor ma tchina 4:6

Tchod’a hi sum manid’a, ti ngola kal tchod’a hi Sodom mba a b’lagat tei atogo hina zak bei sa mi tin abom atat ba d’a.

Hor ma tchina 4:16

Ma didina tamba mi ndjoyôzi woi vivreng, mi min wazi d’uo d’a. Sa nga mi he ngola mi suma ngat buzuna d’oze sa nga mi we hohowa momorogeina d’uo mi.