Isai 23:12 - Bible azumeina

¹² Mi dala: Ndak gor wei d’a Sidon nda a b’lagaka, ndak nga d’i i avok kur furîd’a d’uo d’a. Le ndak tchol akulo, ndak i yam ambas sa Kitim-mba pî, ndak mba d’i fe lovota á tuk tak ki.

Isai 23:12 Referans Kwoze

Vama ndum mbeina 18:22

Sa dok mi hum dela hi suma bu adingâ ki suma ge sawala ki suma bu taulâd’a ki suma bu adifa kurung nguo d’a. Sama sun ma le d’alâ a mba fum kurung nguo d’a, dok hum del ahina d’a lutna kurung nguo d’a.

Isai 47:1

Ma didina mi de kua ala: Ndak gor wei d’a Babilon-nda, ndak tchuk asek kä, ndak i kak kä aduk andaga d’a gugud’upa. Ndak gor wei d’a Kalde-d’a, ndak i kak kä andaga bei zlamba. Sa dok mi yak ala d’a djif fa wile pipid’ika d’uo d’a.

Ezekiyel 27:6

A min prau mangâ ni kagu sen ma Basan-na, a min bang mangâ ni kagu ma kur til la Kitim-mba ma a gulud’um ki sï ahlo’îna.

Hor ma tchina 4:15

Suma a nga dazi ala: Agi hud’ugizi woi gevemiya! Agi suma ndjendjed’a, hud’ugizi woyo! Hud’ugizi woyo! Ar agi domi d’i! A nga ringâ, a nga tcha tata aduk andjaf suma. Wani a nga dazi ala: Ar agi kagagi avo hatami ka hî d’i!

Hor ma tchina 1:15

Salad’a mi noî suma gangrang suma dur ayî suma a nga ki sed’ena woyo, mi yi tok ka ngola hi azigarîd’a kan á b’lak azungeî mana woyo. Salad’a mi mired’en an gor wei d’a Juda-d’a kä kasem d’igi a miret vud’a guguzlud’a ata yat ma mireta na.

Hor ma tchina 1:3

Suma Juda-na a iziya wa magomba, a hulongôzi wa yazi kä, a nga le sun nda magom mba kal teglesa. A nga kaka aduk andjaf suma dingâ, a nga fe lovota á tuk tazi d’i! Suma a djobozi vunazina pet a mba, a nga lazi ndak ka kal kazid’a.

Jeremi 46:11

Ndak gor wei d’a Ezipte-d’a, ndak i Galät á halï kumana á tchil tagu. Ndak nga d’i hal kumana andjavam teteng pî, ni hawa na! Kuma ma tchilik nga d’i!

Jeremi 14:17

Ang dazi zla ndata ala: Iran nga d’i yak simina falei kandjege bei ara ba, kayam a ka sum mana mbilâ. Ni b’lak ka ngola, mbil mazina ni mbil ma ngol ma kalâ.

Isai 47:5

Ndak gor wei d’a Kalde-d’a, ndak i kak ki vunak ma du’â aduk yima nduvunda. Sa dok mi yak ala Leu d’a kal teglesa d’uo d’a.

Isai 37:22

Ki tchetchemba, ang hum zla d’a mi dat kamba ala: Ang Sanakerip, azì ma ngol ma Siyon-na mi golong is, mi san ad’ungû, Jerusalem mba djifâ ti hle yat tei ad’ungû.

Isai 23:7

Wana nazì magi ma ngol ma agi lagi furîd’a kuana d’uo zu? Ni ma tinï ad’ud’a adjeu dedeina d’uo zu? Ni ma mi i te yam ambas sa sä woi dedeid’ina mi d’uo zu?

Josue 11:8

Ma didina mi hazi abo Israel-lâ. A duruzi abo ma norâ gak a mbaza Sidon kur azì ma ngolâ, gak a mba Misrefot-Mayim, gak a mba kur hor ra Mispa-d’a abo ma yorogona. A tchazi tchi d’a tchod’a bei ar sa tu ba.

Ndumba 24:24

Wani batod’a mba d’i tcholï kur til la Kitim-mba, suma kurutna a mba hulong suma Asiri-na yazi kä, a mba hulong yam andjafâ hi Heber-râ kä mi, wani suma kur bato ndatina a mba b’lak kei mi.

Ad’u Tinda 49:13

Zabulon mba mi kak avun alum ma ngolâ, ata yima a djin batod’a kuana. Haga mamba mba d’i dabï ni Sidon.

Jeremi 2:10

Agi igi yam til la Kitim-mba, agi gologiya. Agi sunugi sä Kedar, agi halagi ad’ud’a, agi gologiya. Na ni vama hina mi le woi yam tu zu?

Daniel 11:30

Azigar suma abo ma fladegena a mba mba ki batod’a á dur ki sed’emu. Tam mba d’i tchuk lus, mba mi hulong kazigam glovod’o. Hurum mba mi zal ata suma Alona mi djin vunam ki sed’ezina, mba mi ndjak vunam ki suma a nga d’engzeng yam vun ma djin ma Alona mi djinim ki sed’ezina d’uo na.

Ad’u Tinda 10:4

Javan groma ba wana: Elisa, Tarsis, Kitim ki Dodanim.