Isai 21:4 - Bible azumeina

⁴ Vunadigan ndi pat fek, mandarâ mi vanu, fladege d’a an nga ni le furîd’a kuad’a d’i mbut ni fladege d’a ti lan mandarîd’a.

Isai 21:4 Referans Kwoze

Nahum 1:10

Azi le nga hitiud’a ata tazi d’igi aweid’a na, le a nga gurut ni d’igi suma a gurut ki süma hina pî, a mba ngal lei d’igi asu ma sod’a na papana.

Daniel 5:5

Ata yi máma tchitchid’a sana ti nde woi go kagu lalamba, ti b’ir akulo huyok gulumuna hazì ma amula. Ata yima amulâ mi we tchitchit ta b’ir akulo ndatina, ata yi máma amulâ mi tchuk susub’ok, djib’erem b’laga,

Daniel 5:1

Bur tu amulâ Baltazar mi le te ma ngolâ mi mam suma nglo suma te yamba tazi dubu, mi he tam á tche süm guguzlud’a avoroziya.

Jeremi 51:57

An mba ni gurut mat suma nglona, mat suma ned’a, mat suma te yamba, mat suma nglo suma ka sariyad’a ki grang matna. Sum ndazina a mba bur sen ma ki irazi fafatna, a mba zlit akulo d’uo d’a. An amul ma simiyên ala Ma didin ma ad’engên kal petna na ni de na.

Jeremi 51:39

Fata d’od’oka lazid’a, an mba ni lazi te ma luna, an mba ni gurud’uzi woi ki süma, kayam azi le furîd’a. Bugola, a mba bur sen ma ki irazi fafatna, a mba zlit akulo d’uo d’a! An Ma didina ni de na.

Ester 5:12

Haman mi dazi kua ala: Ni an tu go ba, amula Ester ti yan ata te ma lü ma ti luma kamulâ, ti yan nga avin kua kamulâ d’ei.

Gat ta a hat á mbàd’id’a 28:67

Yorogo agi mba dagi ala: Ladjï ni fladege ni d’ö ge, fladege agi mba dagi ala: Ladjï ni yorogo ni d’ö ge, abo mandar ma mba mi oî kurugi abo ahle suma agi mba wagizi ki iragina.

Daniel 5:30

Kur andjege ndata, a tchi Baltazar amul ma Babilon-na woyo.

Gat ta a hat á mbàd’id’a 32:11

Mi le ki sed’ezi ni d’igi agigilauna nga mi gas groma kur aziyam na, nga mi dal akulo kaziya, nga mi tin gigingâm kä ad’uziya, nga mi yozi mi i ki sed’ezi akulo.

Sawal la giled’a 55:5

Vunadigan ndi pat fek, an nga ni le mandara matna.

1 Amuleina 1:49

Suma Adoniya mi yazina pet a le mandarâ abo ahle ndazina, a tum akulo, nge nge pî mi i yi mama.

Sawal la giled’a 55:6

An nga ni le mandarâ, an nga ni zlaga, vunadigan ndi pat fek mi.

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.