Isai 19:14 - Bible azumeina

¹⁴ Ma didina mi hazi muzuk ma tchazi tatana adigazi á vit Ezipte-na woi kur sun mazid’a pet d’igi sana mi gurut ki süma, mi tib’ak tam ki vin mama na.

Isai 19:14 Referans Kwoze

2 Tasaloni’â 2:11

Kayam ndata, Alona mba mi hazi djib’er ra vita kuruzi á he gagazid’a yam zla d’a kad’a.

Jeremi 25:27

Ang i dazi ala: Ma didin ma ad’engêm kal petna, Alona hi Israel-lîna, mi dala: Agi tchagiya, agi gurud’ugiya, agi vinigiya, agi pugugi kä bei ndak á tchologi akulo abo tchi d’a suma an mba ni sunuzï atagina a mba tchagid’a.

Wana ni mbaktumba hi Job-pa 12:25

A nga lam yina kur nduvunda ata yima bei b’od’a ba na, nga mi tchazi tata d’igi suma a gurut ki sümina na.

Matiye 17:17

Jesus mi hulong dazi ala: Agi suma bei he gagazid’a suma bei hum vuna suma kur atchogoî d’a wandina, an mba ni kak ki sed’egi gak mindja ge? An mba ni ve tan ki sed’egi gak mindja ge? Agi mbeyendjïya.

Jeremi 48:26

Agi gurud’ugi azì ma Mowap-ma woi ki süma kayam mi hle yam akulo avok Ma didina. Ar mi bulul kä aduk vin mama, ar mi mbut vama sanda hi sumina.

Isai 29:14

Kayam ndata, an nga ni zut sum ndazina á le atchap yam ahle man suma yoyouna kahle man suma ndandalâ avogovogo. Ned’a hi mazi suma ned’a mba d’i dap peyo, wed’a hi mazi suma wäd’u ahlenid’a mba d’i vit tei mi.

Isai 19:2

Ma didin ma ad’engêm kal petna mi dala: An nga ni zut Ezipte-na á kak djangûna ata taziya. Nge nge pî mba mi dur ki wiyema, nge nge pî mba mi kak djangûna ki banama, azì ma ngolâ mba mi kak djangûna ki ndram azì ma ngolâ, leud’a mba d’i kak djangûna ki ndrat leud’a mi.

Wana ni mbaktumba hi Job-pa 12:16

Ad’enga ki wed’a ni mamba, sama vit tam mbeina d’oze ma vit suma dingâ woina a ni mama.

Suma ka sariyad’a 9:23

Ata yi máma Alona mi sunï muzuk ma ka ira aduk Abimelek ki suma Sikem-ma. Suma Sikem-ma a nde mbut ir Abimelek.

2 Sunda Hamuleinid’a 18:22

Mise mi de kua ala: Djiviya! Ki tchetchemba, Ma didina mi tin wa zla d’a kad’a avun mang suma djok vun suma a nga ka hina. Gagazi, Ma didina mi nga hurum á mbang ndaka kangû.

Zla d’a d’ogolâ 12:8

Suma a nga yor sana ni yam wäd’u mamba, wani sama hurum tchod’ina, suma a nga golom is.

Isai 3:12

Ma didina mi dala: Sum mana, gugureina a nga djobogi vunagiya, aropma a nga te kagi mi. Agi sum mana, suma avorogina a nga vid’igi woyo, a tchi lovot ta agi tid’igi kura woi mi.

Isai 9:16

Kayam ndata, Salad’a tam nga d’i lum djivid’a yam azungeî mazina d’i, nga mi we hohowa mazi suma hokuyod’a karop mazi suma modonod’a d’uo mi. Kayam azi pet ni suma ndjendjed’a, ni suma asa’atna, ni suma a nga de zla d’a ata yat tuo d’ina mi. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 24:20

Andagad’a mba d’i hle titigir d’igi sama mi hle titigir abo sümina na, mba d’i mbut ni d’igi domina na, tcho mata mba d’i tchat aneka, ti puk kä, mba d’i tchol akulo d’uo d’a.