Isai 18:2 - Bible azumeina

² ndak nga d’i sun suma sunda yam alum ma Nil-lâ kalum mba tchereuna. Agi suma sun suma afefetna, agi igi avo hi suma fuyogei suma babagazi akulongôd’id’ina, avo hi suma suma yam andagad’ina pet a nga lazi mandarazina, avo handjaf suma sib’ik suma a nga miret mazi suma djangûna kä kasezina, agi hulongôgi kur ambas magi d’a aluma mi walat tei aduk tetenga.

Isai 18:2 Referans Kwoze

Isai 18:7

Kur atchogoi ndata, suma a mba mba ki he d’a hawad’a mi Ma didin ma ad’engêm kal petna. Ni he d’a hawad’a hi suma fuyogei suma babagazi akulongôd’id’ina. Ni suma suma yam andagad’ina pet a nga lazi mandarazina. Nandjaf suma sib’ik suma a nga miret mazi suma djangûna kä kasezi suma aluma mi wal ir ambas mazid’a woi tetengâ. A mba i ki sed’et ata yima Ma didin ma ad’engêm kal petna mi tak simiyêm mbei kua yam ahina d’a Siyon-ndina.

2 Sunda Hamuleinid’a 16:8

Suma Etiyopi-na ki suma Libi-na zlapa ki pus ma dur ayîna ki suma djang akulumeina a nablaud’a hina mimiyâk kuo zu? Wan pî Ma didina mi hangzi abongû, kayamba ang deng tang atamba.

2 Sunda Hamuleinid’a 14:9

Asa ki azigar mama a buzuk kei á ngavamu. Azi a ndjar tazi kur hor ra Sefata d’a go ki Maresa-d’a.

Ezekiyel 30:9

Kur bur máma an mba ni sun suma sunda avoron ki batod’a á mbut suma Etiyopi-na mandarâ kur kak mazi d’a tchugota. Ndaka mba d’i mba kazi ngola kur bur ma an mba ni ka sariyad’a yam suma Ezipte-nina. Gola! Ahle ndazina a nga mba.

Buzuk ka Abud’a 2:3

Ata yima ndat ti wala mi ndak á ngeid’a d’uo na, ti min kes ma tchereuna, ti gulud’um hurum ki dubangâ, ti ge gorotna kuru, ti tinim sä kä aduk ped’eud’a avun aluma.

Wana ni Zla d’a Djivi d’a Luc mi b’irita 10:19

Gola! An hagi ad’enga á miret guguyona ki hurd’ud’a kä ad’u asegiya, á kal yam ad’enga hi ma djangûnid’a pet mi; vama mba mi lagi tchod’ina nga d’i.

Wana ni mbaktumba hi Job-pa 9:26

Mi kal atogo d’igi bato d’a avavatna na, d’igi b’aru ma sir asem kä yam vana á ved’ina na.

Jeremi 49:14

An hum zlad’a tcholï avun Ma didina. Mi ge sunda aduk suma ala: Agi togogïya, agi mbeï durugi suma Edom-ma. Agi tchologi akulo á dur ayîna!

Abdiyas 1:1

Wana ni vama Salad’a Ma didina mi ndum mbei mi Abdiyas yam zla d’a mi dat mi suma Edom-mid’a: Ami humumi zlad’a tcholï ata Ma didina; mi sun sana aduk andjaf suma, mi dala: Agi tchologi akulo, ei i ndeï suma Edom-ma durâ.

Habakuk 1:7

Azi ni suma tcho suma kal lei papa suma suma a nga lazi mandarazina, kur subur ta mazid’a gat mazid’a tcholî ata azi tazid’a.