Isai 15:4 - Bible azumeina

⁴ Suma Hesbon-na ki suma Elale-na a nga er ad’uzi akulo, suma a nga humuzi delezi sä woi Jahas. Kayam ndata, azigar suma dur suma Mowap-ma a nga tchi wulula, a nga zlak mi.

Isai 15:4 Referans Kwoze

Jeremi 48:34

Tchina hi suma Hesbon-na mi nde gak mi i Elale. Delezi d’i nde gak ti i Jahas, tinï ad’ud’a Sowar dei gak mba Horonayim, gak mba Eglat-Selisiya, kayam mbiyo ma Nimrim-ma mba mi so woyo.

Vama ndum mbeina 9:6

Kur til ma vahl máma, suma a mba hal matna, wani azi mba fum mbi, azi mba min ala matna mi tchaziya, wani mam mba mi ring ngei avoroziya.

Jonas 4:8

Kid’a afata deîd’a, Alona mi mba ki simet ma hluruk d’igi d’üguna na na. Afata ti nde yam Jonas, mi seyâ, mi tchen Alona ala mi tchumu. Mi dala: An mit pî ni hotei, kal la an kak ki iranda!

Jonas 4:3

Ki tchetchemba, Ma didina, ang tchanu! An mit pî ni hotei, kal la an kak ki iranda!

Jeremi 20:18

Ni kayam me ba, an nde woi kur asun á fe ndaka ki pupuluka á dap burun kur zulona na ge?

Jeremi 8:3

Andjaf suma a mba ar aduk andjaf suma asa’at suma an mba ni ndjoyôzi woi ata yima lara ge petna, a mba dala azi bo pî ni hotei kal la azi kak ki irazi d’a. An Ma didin ma ad’engên kal petna ni de na.

1 Amuleina 19:4

wani mam tamba mi i iram abagei hur fulâ, mi le burâ sop ki tita, mi i kak kä ad’u agu ma gorâ, mi tchen Alona ala mi mid’a. Mi dala: Ma didina, ki tchetchemba, an ndak wa ang hlan muzuganu, kayam an kal nga abuyon ngolo d’i.

Suma ka sariyad’a 11:20

Wani mi min ar Israel-lâ á kal yam ambas mamba d’i. Mi tok sum mama pet, a ve kangâ Jahas, a dur Israel-lâ.

Josue 13:18

ki Jahas, ki Kedemot, ki Mefat,

Gat ta a hat á mbàd’id’a 2:32

Sihon ki azigar mama pet a buzugï atei á durâ avo Jahas.

Ndumba 21:23

Sihon mi ar nga Israel-lâ lovota á kal yam ambas mamba d’i, mi tok sum mama pet. A buzuk á dur ayîna ki Israel-lâ abagei hur fulâ, a mbaza Jahas, a dur ki suma Israel-lâ.

Ndumba 11:15

Le ang lan ni na ni, hotei ang tchanu. Le ang wan hohowonu ni, ar an we ndak manda ki iran ndi.

Ad’u Tinda 27:46

Rebeka ti de mi Isak ala: An kau wa abo akuniyôna Het groma. Le Jakob mi vatchad’a aduk gro arop suma yam andaga d’a kä wandina ni, kak man nda adigazid’a, djivi mata ni me ge?

Ndumba 21:28

Kayam akud’a ti ndeï Hesbon, sinat nga d’i trâ azì ma ngolâ hi Sihon-na, ti ngal azì ma Ar-Mowap-ma woi ki suliyom suma yam yima nding ma halum ma Arnon-na woi mi.

Jeremi 48:21

Sariyad’a mba wa yam ambas sa abo tat papanad’a, yam Holon, yam Jahas, yam Mefat,