Isai 14:8 - Bible azumeina

⁸ Agu siprena kagu sedre ma Liban-na pî, a nga le furîd’a yam zla manga ala: Dedei d’a a zud’ung kä d’a, sama djak atami á kad’ina nga d’i.

Isai 14:8 Referans Kwoze

Ezekiyel 31:16

Ata yima an zud’um kä na, andjaf suma mi zlak abo tchi máma. Ata yima an ni im kä azulei zlapa ki suma a i kä azuleina, agu ma kur Eden-na pet, ma djifâ ki ma djivi ma kal tegles ma Liban-na kaguna pet ma nga mi tche mbinina, huruzi mi b’leng kä ad’u andagad’a.

Zakari 11:2

Ang agu siprena, ang tchi wulula, kayam agu sedrena mi galal lei da’, agu ma djifâ mi b’lak kei da’, ang agu sen ma Basan-na, ang tchi wulula, kayam agu d’a ndindika ti dap pei da’.

Sawal la giled’a 29:5

dela hi Ma didinid’a nga d’i kus agu sedrena woyo, agu sedre ma Liban-na tam pî, ti kuzum mbeyo.

Isai 37:24

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a.