Isai 13:4 - Bible azumeina

⁴ Agi humugi siwel la yam ahuniyôna ndata, ni d’igi ablau suma a to’â na. Agi humugi sora handjaf suma a tcholï kur leud’a teteng a tok ndazina. Ma didin ma ad’engêm kal petna nga mi kal á gol b’rang nga nga d’i i á dur ayînid’a.

Isai 13:4 Referans Kwoze

Joel 3:14

Gola! Suma ablaud’a ablaud’a mimiyâk a nga kur hora á ka sariyad’a, kayam burâ hi Ma didinina mi ar wa go á ka sariyad’a kur hor ndata.

Joel 2:25

An mba ni wuragagi yam biza d’a dodob’odjod’a ki djera ki teb’rezena ki djer galagana suma an sunuzi á b’lagagi ahligiyegi woi kuad’a.

Vama ndum mbeina 18:8

Kayam ndata, tugud’ei d’a tcho d’a a nga ngomota, mba d’i tumut bur tu. Tugud’eid’a, yor tad’a ki baktarad’a, a mba ngalat tei kakud’a, kayam Salad’a Alo ma ad’engêm kal petna mi kat sariyad’a kat da’.

Isai 5:26

Ma didina mi hle drapo d’a taka akulo mandjaf suma sä dedeina, nga mi yi andjaf suma dedeina taud’a. Gola! Azi nga b’at tazi á mbad’a atogo zazak.

Isai 5:30

Kur bur máma a mba tchi kazi d’igi alum ma ngolâ vunam mi tchi wü na, a mba gol ambasa a mba we ni nduvunda ki hur ma wurana, b’od’a mba d’i mbut nduvunda abo babarâ mi.

Isai 17:12

Alë! Suma ablau suma mimiyâ’â delezi nga d’i ngir kä d’igi mbiyo alum ma ngolâ delem nga d’i ngir kä na, andjaf suma vunazi nga mi tchi wü d’igi abilâ halum ma ngolîna vunam nga mi tchi wü na.

Isai 48:14

Agi pet, agi togogiya. An nga ki banan ma kokodjo ma mba mi ndak vun nga hur manina. Mba mi te yam suma Babilon-na kad’eng manda. Ni nge adigagi ba, mi de woi yam ahle ndazina ge? Sa nga d’i.

Jeremi 21:4

Ma didina Alona hi Israel-lîna mi dala: Gola! An nga ni mbut ahle suma dur ayî suma a nga abogi suma agi durugi kamul ma Babilon-na ki suma Babilon suma a nga nguid’a abuna ahle suma hawa ya’â, an mba ni tok ahle suma ayî ndazina kur azì ma ngol ma wana krovo.

Jeremi 25:14

Kayam andjaf ma ablauna kamulei suma gangrangâ a mba le suma Babilon ndazina magomba. An mba ni wuragazi yam sun mazid’a, yam sun nda azi lat kabozid’a mi.