Isai 11:3 - Bible azumeina

³ Mba mi de zlad’a ni ki mandarâ hi Ma didinina, mba mi ka sariyad’a ni yam ir suma go d’i, mba mi le sunda yam zla d’a de d’a mam humut ki humam hawa go d’a d’i.

Isai 11:3 Referans Kwoze

Jean 7:24

Ar agi kagi sariyad’a yam vama agi wagizi ki iragi hawa go na d’i, wani ar agi kagi ni sariya d’a d’ingêra.

Wana ni Zla d’a Djivi d’a Luc mi b’irita 2:52

Jesus nga mi wula, mi mbut sama ned’a, nga mi lAlona tam djivid’a, nga mi le suma tazi djivid’a mi.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.

Zla d’a d’ogolâ 2:5

ata yi máma ang mba we á le mandara Ma didina, ang mba fe lovota á wAlona mi.

Hebre-na 5:14

Wani avuna ni yam suma a djengâ, suma a ne woi tetet á wal ir djivid’a ki tchod’ina.

1 Amuleina 3:28

Israel-lâ pet a we sariya d’a Salomon mi kat ata yata, a lum mandaramu, a wala nAlona ba, mi hum ne ndata á ka sariya d’a d’ingêra.

Zla d’a d’ogolâ 2:9

Ata yi máma ang mba we d’ingêra ki gagazid’a, ang mba we á lahle suma djivi suma lara ge pet mi.

1 Amuleina 3:9

Wani Ma didina, ang han ned’a á te yam sum mangâ á wal djivid’a adigat ki tchod’a. Kayam sana mi ndak á te yam mang suma ablau ndazina ki ne mamba tata d’i.

2 Samuel 14:17

An wei manga ni de kurun ala zlad’a hi ang salana amul manid’a mba d’i b’lengên hurunu, kayam angî d’igi malaikana hAlonina na. Ang nga kaka go á hum zla d’a djivid’a ki zla d’a tchod’a mi. Ar Ma didina Alo mangâ mi kak ki sed’engû!

Jean 2:25

Mi min ala sana dum yam sa d’i, kayam mam tamba mi we vama nga hur sanina.

Wana ni mbaktumba hi Job-pa 34:3

Kayam ni humba ba, ti wal ir zlad’a woi d’igi sinda ti djuk tena na.

Wana ni mbaktumba hi Job-pa 12:11

Humba nga d’i wal ir zlad’a woi d’igi sinda nga d’i djuk tena na d’uo zu?

Isai 33:6

Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.

Ezekiyel 45:8

Hina wani, amulei mana a mba kak kur andaga mazid’a tata, a mba tamula yam sum mana kad’enga d’uo d’a, a mba ar andaga d’a a hat mandjaf suma Israel-lâ á kaka kuad’a.

Mise 4:3

Mam mba mi mbut ni ma ka sariyad’a aduk andjaf suma ablaud’a, mba mi mbut ni ma min zlad’a handjaf suma sib’ik suma sä deina, mbuguyo mazi suma fuyogeina mba mi zlazi sï kowuyona, asubuyo mazina mba mi zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

2 Samuel 14:8

Amulâ mi de matcha ndata ala: Ndak i avo hatagu! An mba ni dak zlad’a yam zla mak ndata tua.