Isai 10:33 - Bible azumeina

³³ Gola! Salad’a Ma didin ma ad’engêm kal petna mba mi kus abo aguna woi ndjondjom, mba mi ka agu ma fuyogeina kä woyo, mba mi tchuk ma fuyogei ma kal papana kä woi andaga.

Isai 10:33 Referans Kwoze

Amos 2:9

Hina pet pî, an tchi suma Amor suma fuyogeid’a d’igi agu sedrena na suma ad’engêzi d’igi agu sena na na woi avoroziya, an tchazi vud’uzi woyo, an sozi sideyezi woi mi.

Isai 37:38

Bur tu mi i kur gong nga kud’ora halo mama Nisrok-ka á tchenda. Groma mbà, ma dingâ a yum ala Adramelek, ma dingâ a yum ala Sareser, a tchum ki mbigeu d’a fiyaka, a ring kur andaga d’a Ararat-ta. Gorom ma dingâ a yum ala Esar-Hadon mi vrak tamula blangâmu.

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

Isai 5:15

Kayam ndata, suma pet a mba mbud’uzi zulona, suma yam mba ad’enga a mba hulongôzi yazi kä mi.

Isai 33:3

Ata yima ang nga breîna, andjaf suma a nga ringâ. Ata yima ang tchol akulona, andjaf suma a nga ndjoî woyo.

Jeremi 22:7

An nga ni mba ki suma b’lak yina kagiya. Ni suma a min tazi kahle mazi suma sïnina. A mba kagi agu sedre magi ma djivina kä woyo, a mba tchugum aduk akud’a.

Ezekiyel 31:3

Gola! Suma Asiri-na ni d’igi agu sedre ma Liban ma abom mi djif heî ma d’ufa gugulî ma wul fiyaka gak yam mbi do d’ugulina na.

Nahum 1:12

Ni kayam ndata ba, Ma didina mi de mi suma Juda-na ala: Le magi suma djangûna a nga kad’enga a ablaud’a pî, an mba ni kazi woyo, an mba ni dabazi woi mi. An lagiya wa ndaka, an dok ni lagi kua d’uo d’a.

Isai 18:5

Avok ka bei yima feta ndaka, ata yima b’od’a yak keina, ata yima b’od’a ti tchuk vuta ti nena, a tchau abo guguzlud’a abot ma gurei ma kukulurâ kä woyo, a ka abo guguzlud’a abot ma sed’a, a tchugum kä woi andaga.

Isai 32:19

Wani mogoina mba mi kizak agud’a woi atogo zak, azì ma ngolâ mba mi feî mi.