Isai 10:25 - Bible azumeina

²⁵ Kayam yina mi ar go hur man ma zal ma kagina mba mi vat teyo. Bugola, ayî mana mba mi hulong kazi dabazi woyo.

Isai 10:25 Referans Kwoze

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Hebre-na 10:37

D’igi a de kur mbaktumba hAlonid’a na ala: Yina ar nde, Ma nga mbana nga mi mba, nga mi le lilinga d’i.

2 Amuleina 19:35

Kur andjege ndata malaikana hi Ma didinina mi kal kur kangâ hi Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Isai 54:7

An arak kei ndjö, wani yam we hohou man nda ngola an mba ni vak atanu.

Isai 10:5

Ma didina mi dala: Ni zla d’a hohoud’a yam suma Asiri sumala ni totogo man nda hurun le mi zala ba, an to ki suma d’a. Azi ni tatagam man ma an to ki sumina mi.

Sawal la giled’a 37:10

Ar ndjö ang mba fe sama asa’atna d’i, ang mba hal yima mam kuana, ang mba fum mbi.

Isai 13:6

Agi yorogi tagiya, kayam burâ hi Ma didinina mi ar wa go, nga mi mba ni d’igi b’lak ka ti tcholï ata Ma ad’engêm kal petnid’a na.

Isai 26:20

Sum mana, agi igiya, agi tchugugi klavi hatagiya, agi dugugi vun gonga blogogiya, agi ngeyegi tagi ndjö gak ayî mama mi kal lei tua.

Wana ni mbaktumba hi Aze-d’a 2:6

Yina ar ndjö an mba ni giget akulod’a kandagad’a, alum ma ngolâ ki yima sod’a.

Zla d’a d’ogolâ 22:8

Sama nga mi zar zla d’a kad’ina mba mi dut ni ndaka, totogo mam mbala ni hur mam ma zala d’a mba d’i kus seyo.