Isai 10:2 - Bible azumeina

² á tos lovot ta ka sariyad’a woi ir suma hohoud’id’a, á b’lak sariya d’a d’ingêra hi man suma hohoud’ina, á mbut arop suma modonod’a te mazina, á mbut suma hokuyod’a va mazi ma hurumba mi na!

Isai 10:2 Referans Kwoze

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Isai 3:14

Nga mi ka sariyad’a yam mam suma nglona, yam suma avok sumina, nga mi dala: Agi b’lagagi guguzlud’a woyo, ahle suma agi hurumuzi abo suma houd’ina a nga avo hatagi mi.

Ezekiyel 22:7

A nga gol abud’a kasud’a is kurungû, a nga djop vun angeina kurungû, a nga b’at ahlena abo ma hokuyod’a katcha d’a modonod’a kurung mi.

Isai 5:23

Azi nga pat zlad’a woi yam sama zlad’a kama á fe bege d’a mbut ira, a nga mbut zlad’a hi sama d’ingêrîd’a tchod’a mi.

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Matiye 23:13

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira. Agi suma nga dugugi vun leu d’a akulod’a woi avok sumina, agi tagid’a nga kalagi kua d’i, wani agi nga ar suma a min kal kuana á kal kua d’uo mi. [

Amos 2:7

a nga miret yam suma kid’aka kä, a nga hum zlad’a hi suma houd’id’a ata yima ka sariyad’a d’i. Gora kabum a nga zlap yam gor atcha d’a tud’a á b’lagan simiyên ma bei tchod’a ba na woyo.

Hor ma tchina 3:35

ata yima ang b’lak d’ingêra hi sanid’a avok Alo ma sä akulo ma kal teglesîna,

Jeremi 7:6

le agi nga kid’eyêgi ir angeina d’oze ma hokuyod’a d’oze atcha d’a modonod’a d’uo, le agi nga tchagi ma bei zlad’a kama ata yima wana d’uo, le agi zlabagi nga tagi kalo ma dingâ d’uo yam hohou d’a nga d’i lagid’a ni,

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Sawal la giled’a 94:6

Azi nga tchi arop suma modonod’a kangoyogeina woyo, azi nga tchi suma hokuyod’a woi mi.

Isai 3:15

Salad’a Ma didin ma ad’engêm kal petna mi dala: Ni kayam me ba, agi mired’egi sum mana kä, agi ndjirebegi suma hohoud’a kä woi na ge?

Isai 32:6

Kayam suma lilid’a a de ni zla d’a lilid’a, huruzi ni tinda yam sun nda tchod’a á le sun nda ata yat tuo d’a, á de zla d’a tchod’a yam Ma didina mi. A nga he tena mi sama meid’a tchuma d’i, a nga d’el lovota á he mbina mi sama vunam sona mi.

Isai 59:15

Gagazid’a ti nga d’i, sama min á le tchod’a d’uo na, a nga hurumumu. Ma didina mi wala ni tchod’a ni kayamba d’ingêra ti nga d’uo d’a.

Buzuk ka Abud’a 23:6

Le sama houd’a mi mba ki sariya mamba avorogiya ni, agi kamzi tchod’a d’i.

Wana ni mbaktumba hi Job-pa 31:16

An noî nga vama suma kid’aka a minima d’i, an le nga atcha d’a modonod’a irat hou d’i,

Zla d’a d’ogolâ 22:22

Ar ang hurum sama kid’aka tala ni ma kid’aka d’a d’i, ang kid’eî ir ma hohoud’a ata yima ka sariyad’a d’uo mi.

Zla d’a d’ogolâ 30:14

Suma dingâ a nga, siyazi mi ni d’igi mbigeu d’a fiyak ka siyat mbàd’a na, agingâzi ti ni d’igi mbigeud’a na á b’lak suma hohou suma kur ambasina woyo, á tchi suma kid’aka woi aduk suma mi.

Isai 1:17

Agi had’agi á le djivid’a, agi halagi d’ingêra, agi hulongôgi ma a nga djobom vunama kur lovot ta djivid’a, agi kagi ir zlad’a hi ma hokuyod’id’a, agi ndjunugi yam atcha d’a modonod’a mi.

Amos 2:6

Ma didina mi dala: Israel-lâ a nga i avogovok kur tchod’a wan pî, an mba ni djok vunan yam zla d’a an data d’i. Azi gus suma d’ingêrâ woi yam kawei ma hapma, a gus ma houd’a woi yam atuguru ma ir tchuka tuna,

Amos 5:19

Mba mi mbut ni d’igi sama ring avok azlona mi ngaf ki ursîna na, d’oze mi kal avo hatam mi gabom yam gulumun mama guguina mi ed’ema na mi!

Mise 3:1

Mise mi dala: Agi andjafâ hi Jakob ma avok sumina, agi suma ka sariya suma Israel-lâ, an nga ni dagiya, agi humugiya. Ni agi ba wagi sariya d’a ka d’a d’ingêra d’uo zu?