Biblia Todo Logo
Bib sou entènèt

- Piblisite -




Isai 10:16 - Bible azumeina

16 Kayam ndata, Salad’a Ma didin ma ad’engêm kal petna mba mi sun itna ata suma d’or suma gugundulîna, mba mi fo aku d’a ngal bibiliud’a akulo aduk mazi suma nglona.

Gade chapit la Kopi




Isai 10:16
25 Referans Kwoze  

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.


Ata yi máma na wat, malaikana hi Salad’ina mi tumumu, kayam mi subur nga Alona d’i. Mi tchuk ndjuvulâ, mi mid’a.


Mi hazi vama azi tchenem kama, bugola, mi tchuguzi tugud’ei d’a tchod’a kaziya.


Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.


Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djamad’a avunang mi, an mba ni tanang hulongông avo hatang kur lovot ta ang hlad’ïd’a.


Kur bur máma Israel-lâ a mba mang ngeyo, hliwizi ma d’orâ mba mi id’a.


Mba mi b’lak subura hagu mazid’a kasine mazi ma mi wul ahlena heîna woyo. Azi mba mbut ni d’igi sama mi it abo tugud’eid’ina na.


Kayam mba d’i vud’i gorâ, Alona mba mi hei gorâ. Mba mi tinim á te yamba, mba mi yum ala Ma suma a le atchap kama, Ma de d’alâ, Alo ma ad’engêm kal petna, Abu d’a didinda, Amulâ hi halasina.


Tumiyôna a mba te hur azì ma ngol ma b’lak keina d’igi yi mazi ma tena na, b’ogei suma gureina a mba hal te mazina kua á d’or tazi mi.


Kayam ndata, an Ma didina nga ni kak djangûna ki sed’eziya, mba ni mba kad’enga hi mbiyo alum ma Efrat-na kaziya, nala, amul ma Asiri-na ki subur mamba pet. Alum máma mba mi oî woi ir b’irlim mama, mba mi wet tei avun gongôd’i mamba papadjang,


Alona hurum zal kaziya. Mi tchi suma gangrangâ adigaziya, mi tchi gro azungeî mazi suma iratna woi mi.


Ma didin ma aku mamba nga kur Siyon ma aku mam mba hîhîka nga kur Jerusalem-ma, mi dala: Amul ma Asiri-na mba mi zlak abo mandarâ, mazi suma nglona a mba ring a ar drapo mazid’a kä woi mi.


An nga ni mba á ngobogi yam sun nda agi lata, an nga ni do agu magid’a akud’a; mba d’i ngal ahle suma a nguyugi kä na woi pet. An Ma didina ni de na.


An mba ni hal suma a vit teina, an mba ni hulongî suma a ba woina, an mba ni djin mbuleina hi suma a fe dakina, an mba ni had’enga mi suma tugud’eid’a. Wani suma d’orâ ki suma ad’engâ, an mba ni tchazi woyo, an mba ni polozi pol la d’ingêra.


Ni kayam ndata ba, Ma didina mi de mi suma Juda-na ala: Le magi suma djangûna a nga kad’enga a ablaud’a pî, an mba ni kazi woyo, an mba ni dabazi woi mi. An lagiya wa ndaka, an dok ni lagi kua d’uo d’a.


Ma didina mba mi hlabom akulo á ngop suma abo ma norâ, mba mi dap suma Asiri-na woyo, mba mi mbut azì ma ngol ma Ninif-fâ djona, mba mi mbud’um hur ful ma so ma gangrasâ.


Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.


Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.


Agi suma Mowap-ma, ni nana ba, agi mba dagi ala: Ami ni suma gangrangâ, ami ni azigar suma dur ayîna ge?


Ma didin ma ad’engêm kal petna, mi dan ala:


Swiv nou:

Piblisite


Piblisite