Isai 10:14 - Bible azumeina

¹⁴ An yo ndjondjoîd’a hi sumid’a d’igi sana mi yo asena kur azì aleina na, an yo andagad’a pet bei sa mi yo djedjerem akulo atan ba, bei sa mi ngo vunam á dan zla ba, d’igi sana mi yo ase alei ma a aram mbeina na mi.

Isai 10:14 Referans Kwoze

Wana ni mbaktumba hi Job-pa 31:25

An le nga furîd’a yam ahle man suma a zul heîna d’i, an le nga furîd’a yam ndjondjoî d’a an fat kabonda d’uo mi.

Nahum 2:9

Ninif adjeu ni d’igi apo d’a ve mbina heî d’a nga d’i wet teid’a na, a nga dala: Agi tchologiya! Agi tchologiya! Wani sama mi mbut iram blogoma nga d’i.

Abdiyas 1:4

Wani le agi i kagagi sä nakulo dei d’igi b’aruna na d’oze agi minigi aziyagi sä nakulo aduk tchitchiud’a pî, an mba ni tchugugï asegi kä woyo.

Jeremi 49:16

Mbut ta agi nga mbud’ugi suma mandarîd’a ki subur ta magi d’a kurugid’a ti vid’igi wa woi da’. Agi suma nga kaka kur zul la ahuniyôna suma nga lagi sunda akulo yam yima ndingîna, le agi minigi aziyagi sä akulo dei d’igi ma hi b’arunina na pî, an mba ni tchugugi kä! An Ma didina ni de na.

Isai 5:8

Ni zla d’a hohoud’a yam suma a nga nga ad’u azina woi avogovok suma a nga vasinena avogovok gak sa nga mi fe yina hina nde d’uo na tala azi fe yima kaka kur ambasa ni azi go d’a.

Zla d’a d’ogolâ 18:12

Subur tad’a avok tua ba, b’laka ti mba bugolo, wani ge yam mba kä d’a avok tua ba, subura ti mba ni bugol mi.

Isai 14:6

Kur ayî mama mi to suma to d’a bei ara ba d’a, mi te yam andjaf suma kur ayî mama, mi nga mi i avogovok bei sa mi d’elem ba mi.

Ezekiyel 35:13

Ndak tchol akulo, ndak dan zla d’a tchod’a kur zla mak ka ded’a, ndak zul zla mak ka ded’a kan kä hina wik. An hum zla ndata pet.

2 Sunda Hamuleinid’a 32:13

Agi wagi nga vama ami kabuyon ngolo ami lum kandjaf suma yam ambas sa dingina d’uo zu? Alona handjaf suma yam andagad’a ma ndak á prut andaga mazid’a woi abona mi nga zu?

Isai 37:25

An yo golonga, an tche mbiyo ma yam andaga d’a dingina, an mba ni so abo alum ma Nil ma Ezipte-na woi pet kasen ma tita.