Wana ni mbaktumba hi Oze-d’a 8:5 - Bible azumeina

⁵ Ma didina mi dala: Agi suma Samari-na, agi togi amuhl magi ma yora woyo, kayam agi zalan hurun ngola. Ni mindja ba, agi mba kagagi suma bei zlad’a kagina ge?

Wana ni mbaktumba hi Oze-d’a 8:5 Referans Kwoze

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Jeremi 13:27

An we mizeu ma’â ki breî mak ka d’igi akulumeina na d’a ki gaulang mak ma akulo yam yima ndingâ kabagei kelâ, an we sun mak ka ndjendjed’a mi. Ndak Jerusalem, ni zla d’a hohoud’a kagu. Ndak mba mbut tak yed’et tuo hina gak mindja ge?

Zla d’a d’ogolâ 1:22

Agi suma bei wäd’u zlad’a ba na, agi mba lagi yam bei wäd’u magi ndata hina gak mindja ge? Agi suma las suma, tagi mba d’i lagi djivid’a yam las magi ndata hina gak mindja ge? Agi suma lilid’a, agi mba noyôgi wed’a hina gak mindja ge?

Sunda hi suma a sunuzinid’a 7:41

Kur bur máma a yor vama d’igi gor amuhlâ na na. A mba ki vama ngat buzuna mi filei máma, a le furîd’a yam sun nda a lat kabozid’a.

Wana ni mbaktumba hi Oze-d’a 8:6

Wani amuhl ma agi yoroma ni sun nda sama d’alâ mi lata, nga nalona d’i. Ni kayam ndata ba, a mba to amuhl magi máma woi kikizek.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Gat ta a hat á mbàd’id’a 32:22

Kayam ayî mana mba mi fo d’igi akud’a na, mba mi ngal gak mi i kä ata yima azuleina, mba mi ngal andagad’a kahle suma katna woyo, mba mi ngal ahinad’a kad’ut ta kä d’a woi mi.

Sawal la giled’a 19:13

Ni nge ba, mi ndak á we vama mam lum ata yam mbuo na ge? Ang vat hurung ngei yam vama an lum ir vitina.

Jeremi 48:13

Suma Mowap-ma a mba mbut zulona yam alo mazina Kemos d’igi Israel-lâ a mbut zulona yam alo ma Betel ma azi tin huruzi kama na.

Wana ni mbaktumba hi Oze-d’a 13:2

Ki tchetchemba, a nga le tchod’a, a nga i avogovogo, a nga yor angus ahlena ki kawei ma hapma, a nga yor fileina ki lem mazid’a pet. Ni sun nda sama d’alâ mi lat kabomba. A nga de kat ala: Ar suma a nga mba kahle suma ngat buzunina a sop vun gor amuhl ma a yorom máma.

Amos 8:14

Suma a nga gun tazi kalo ma ka zla ma Samari suma a nga dala: Dan! Ar alo mangâ va mi lum mbuo, d’oze, Ar alo ma Berseba-na va mi lum mbuo mi na, a mba puk kä, a mba tchol akulo bugol luo d’a.

2 Sunda Hamuleinid’a 13:8

Ki tchetchemba, agi djib’eregi ala agi hlagi leu d’a Ma didina mi hat mi David andjavamba, agi yogi azigarâ ablaud’a, agi nga kamuhl ma lor ma Jerobowam mi yorogizi d’igi alona na na mi.

Wana ni mbaktumba hi Oze-d’a 10:8

Yima nding ma teteng ma a tinim iram vam ma Bet-Aven ma Israel-lâ a le tchod’a kuana, a mba b’lagam mbeyo. Kekerezeuna kaweid’a a mba deî ata yi mazi ma ngal ahle suma ngat buzu ma tetengâ. A mba de mahuniyôna ala: Agi ngeyemiya, a mba de mi yima nding ma tetengâ ala: Ang dris kä kamiya.

Mise 1:7

Filei mam ma tcheta mba mi kus seyo, he d’a hawa d’a mi fata, a mba tchugut aduk akud’a. An mba ni to alo mam ma tcheta woi kikizek, kayam mi gus ahle mam ndazina pet ni ki bege d’a gaulangâ, bege ndata a mba hulong wurak gaulang ma dingâ ki sed’et mi.