Wana ni mbaktumba hi Oze-d’a 7:12 - Bible azumeina

¹² Ata yima azi nga ina, an mba ni tchuguzi abei manda kaziya, an mba ni tchuguzi kä d’igi aluwei suma akulona na. Ata yima azi nga tok kuana, an mba ni vigiziya.

Wana ni mbaktumba hi Oze-d’a 7:12 Referans Kwoze

Ezekiyel 12:13

An Ma didina mba ni gun dau mana kä avoromu, mba mi vumu. An mba ni im yam ambas sa Babilon-nda. Wani mam mba mi wat ti, mba mi mit sä kua.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.

Ezekiyel 32:3

Salad’a Ma didina mi dala: An mba ni gun abei mana kä aduk toka hablau sumid’a kangû, suma a mba vangû, a mba tanang akulo del gongôd’id’a.

Ezekiyel 17:20

An mba ni gun dau mana kä avoromu; mba mi ve ki dau mana, an mba ni im Babilon, an mba ni kam sariyad’a kam sä kua yam sun nda tcho d’a mi landjid’a.

Jeremi 44:4

An sunugï azungeî man suma djok vuna pet burâ ki burâ á dagi ala: Ar agi lagi ahle suma ndjendje suma an noyôzina d’i.

Jeremi 16:16

Ma didina mi dala: Gola! An nga ni sun suma tchiuna ablaud’a, a mba tchiwiziya. Bugola, an mba ni sun suma nduwanda ablaud’a, a mba nduwanazi akulo yam ahuniyô suma fuyogeina, yam yima ndingâ kangra ahuniyôna ata yima lara ge pet mi.

Ma tchi wala 9:12

Kayam sana nga mi we yi mama d’i. Ni d’igi kulufâ mi ve kabeina na d’oze d’igi aluweina a ve ki dauna hina mi. Hina mi, ndaka mba d’i mba yam suma ni hina dumuzi bei azi we ba mi.

Wana ni mbaktumba hi Job-pa 19:6

Ar agi wagi ala nAlona ba, mi lan tcho ndata ni mamu, ni mam ba, mi nguyun kä kabei mamba mi.

Wana ni mbaktumba hi Oze-d’a 5:9

Suma Efraim-ma a mba mbut vama b’laka kur bur ma an ngobozina. Zla d’a an nga ni dat mandjafâ hi Israel-lîd’a ni zla d’a gagazi d’a mba d’i led’a.