Wana ni mbaktumba hi Oze-d’a 5:8 - Bible azumeina

⁸ Agi bugi adifa avo Gibeya, agi bugi adif fa ngola avo Rama, agi eregi ad’ugi akulo avo Bet-Aven. Agi suma Benjamin-na, agi gologi blogogiya!

Wana ni mbaktumba hi Oze-d’a 5:8 Referans Kwoze

Wana ni mbaktumba hi Oze-d’a 9:9

Agi tub’agagi tagi ki tchod’a d’igi agi lagi adjeu avo Gibeya na, wani Ma didina nga mi djib’er yam tcho magid’a, mba mi ngobogi yam tchila magid’a.

Wana ni mbaktumba hi Oze-d’a 4:15

Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

Joel 2:1

Agi bugi adifa kur Siyon, agi tchagi wulula akulo yam ahina man nda a tinit irat vata. Ar suma a nga kaka yam ambasina pet a zlaga! Kayam burâ hi Ma didinina nga mi djïya, mi ar wa go mi.

Jeremi 4:5

Agi i dagi zla ndata woi kur ambas sa Juda-d’a, agi gagi hum suma Jerusalem-ma mi, agi dazi ala: Agi bugi adif fa min tad’a kur ambasa, agi dagi zlad’a woi ki delegi akulo ala: Agi togogïya! Ei i kur azì ma nglo ma ad’eng ma ngunguna!

1 Samuel 15:34

Samuel mi hulong Rama, wani Saul mi hulong Gibeya avo hatamu.

Wana ni mbaktumba hi Oze-d’a 8:1

Ma didina mi dan ala: Oze, ang tin adifa avunangû, kayam ma djangûna nga mi dal akulo yam andagad’a hi an Ma didinid’a d’igi b’aruna na, kayam Israel-lâ a but wa vun man ma djinda woyo, a tchila wa yam gat manda mi.

Isai 10:29

A sulugot kä aduk ahinad’a, a dala: Ar ei buri Geba, suma Rama-na a zlaga, suma kur Gibeya d’a hi Saul-la a ringâ.

Suma ka sariyad’a 5:14

Suma hi Efraim suma a kus yam suma Amale’â a tcholï a mba. Suma hi Benjamin-na a zlap ki azigar mazina. Suma hi Makir-râ a sun mazi suma nglona á dur ayîna zlapa ki suma hi Zabulon suma a nga ki totogo d’a tamula abozina.

Joel 2:15

Agi bugi adifa kur Siyon, agi tchagi wala yam bur ma d’el ta d’a bei te tenid’a, agi yagi tagi á togogi tok ka a tinit irat vata.

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

1 Amuleina 12:29

Jerobowam mi tin ma hina avo Betel, mi tin ma hina avo Dan mi.

2 Samuel 21:6

Kayam ndata, ang hami grom suma andjofâ kid’iziya, ami gabazi akulo avok Ma didina avo Gibeya avo hi Saul amul ma Ma didina mi manama. Amulâ mi dazi ala: An mba ni hagiziya.

1 Samuel 8:4

Suma nglo suma Israel-lâ pet a tok tazi a i gen Samuel avo Rama,

1 Samuel 7:17

Bugol mi hulong Rama avo hatamu, nga mi ka sariyad’a yam Israel suma kur azì mamina mi. Mi min yima ngal ahle suma ngat buzuna mi Ma didina ni kua.

Josue 7:2

Navo Jeriko ba, Josue mi sun suma Aï d’a nga go ki Betel-Aven-nda abo ma yorogona hi Betel-la. Mi dazi ala: Agi i d’ugi ambasa. Sum ndazina a i a d’u Aï,

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?