Wana ni mbaktumba hi Oze-d’a 5:13 - Bible azumeina

¹³ Suma Efraim-ma a we tugud’ei mazid’a, suma Juda-na a we mbil mazina. Suma Efraim-ma a ge sunda ata amul ma ngol ma Asiri-na. Wani amul máma mi nga kad’enga á sud’uzi d’oze a hazi kumana yam mbil mazina d’uo mi.

Wana ni mbaktumba hi Oze-d’a 5:13 Referans Kwoze

Wana ni mbaktumba hi Oze-d’a 7:11

Suma Efraim-ma a mbut ni d’igi gugu d’a yat nga d’uo d’a bei wad’ud’a ba d’a na, a nga yi Ezipte-na, a nga i Asiri mi.

Wana ni mbaktumba hi Oze-d’a 12:1

Suma Efraim-ma a nguyun kä ki zla d’a kad’a, andjaf suma Israel-lâ a nguyun kä ki mbut ira. Suma Juda-na a nga zlapa ki an Alona tua, a ni suma d’engzengâ avogon an Alo ma bei tchod’a ba na mi.

Wana ni mbaktumba hi Oze-d’a 10:6

A mba i ki sed’em he d’a hawad’a mamul ma ngol ma Asiri-na. Suma Efraim-ma a mba tchuk susub’ok, Israel-lâ a mba mbut zulona yam nga hur mazina mi.

Wana ni mbaktumba hi Oze-d’a 8:9

Azi i Asiri d’igi koro ma abagei ma mi tit vam tuna na. Suma Efraim-ma a wurak suma á ve banad’a ki sed’ezi mi.

Jeremi 30:12

Ma didina mi dala: Dak magid’a ni dak ka ngola, mbil magina ni mbil ma bei tchila ba na.

2 Amuleina 15:19

Pul amul ma Asiri-na mi mba á dur ayîna kandaga d’a Israel-la, wani Menahem mi hum kawei ma hapma tonna dok hindi á ndjunum á siram ad’u amul mamba kä ngingring.

Mise 1:9

Ka d’a a ka azì ma ngol ma Samari-na mbilîd’a, mbil mama mi mbut ni mbil ma bei tchila gak mi i yam ambas sa Juda-d’a, gak mi i avun agrek ma Jerusalem-ma ata yima sum mana a nga kaka kuana.

Wana ni mbaktumba hi Oze-d’a 14:3

Amul ma ngol ma Asiri-na mba mi sud’umi d’i, ami mba fulumi yam akulumeina d’i, ami mba dami mi sun nda ami lat kabomid’a ala: Nda’î alo mamina d’uo d’a. Kayam ni ang ba, we hohowa ma hokuyod’a.

2 Amuleina 16:7

Ahas mi ge sunda ata Tiglat-Pileser amul ma Asiri-na, mi dum ala: An mbut nazong mangâ, an mbut ni gorongâ mi. Ang mbeï sud’un ndei abo amul ma Siri-na kamul ma Israel-lâ suma a mba atan á duruna.

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

Isai 3:7

Kur bur máma mba mi hulong dazi ala: An ndak á le va ki sed’egi d’i. Vama te d’oze baru d’a ngola nga avo hatan ndi. Agi tinindi amula yam suma d’i.

Ezekiyel 23:5

Ohola tala ni manda d’a ti mbut tat gaulangâ, e’eû mat ta yam buniyôt suma Asiri-nid’a ti kal kad’u.

Wana ni mbaktumba hi Oze-d’a 2:7

kayam asuzi natcha d’a gaulangâ, ta vud’uzid’a ti le nahle suma zulona. Nga d’i dala: An ringî bugol buniyôn suma a nga han te mana ki mbiyo manina, ni suma a nga han tumus tumiyô mana ki baru man nda luluîd’a ki mbul mana ki süm guguzlu mandina mi.