Wana ni mbaktumba hi Oze-d’a 4:14 - Bible azumeina

¹⁴ An mba ni mba á ngop grogi suma aropma yam gaulang mazina d’oze grogina amiyôzina yam mizeu mazina d’uo mi. Ni agi ba, an mba ni ngobogiya, kayam agi tagid’a zlabagi karop suma gaulangâ kur gong magi d’a kud’or fileina, agi nga hagi ahle suma ngat buzuna mi fileina ki sed’ezi d’igi suma bei wed’a a nga ring á i kur bad’a na.

Wana ni mbaktumba hi Oze-d’a 4:14 Referans Kwoze

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Hebre-na 12:8

Wani le Alona mi gad’agi nga d’igi groma na d’uo ni, agi ni gro suma a vud’uzi akulo hawa ya’â, nga ni grom suma vuta d’i.

Efes-sâ 4:18

Djib’er mazid’a ti mbut nduvunda, azi wal lei dei kari d’a Alona mi hat mi sumid’a, yam vit mazid’a, yam hur mazi ma b’ala mi.

1 Korente-na 6:16

Agi wagi nga d’ala sama zlap katcha d’a gaulangîna mi mbut ni hliu ma tuna ki ndad’u, d’uo zu? Kayam mbaktumba hAlonid’a ti dala: Azi djak mba mbut ni hliu ma tuna.

Romê-na 3:11

Sama wad’u nga d’i, sama hal Alona nga d’uo mi.

Jean 8:43

Ni kayam me ba, agi humugi zla man nda ded’a d’uo ge? Ni kayamba agi ndagagi á hum zla manda d’uo d’a.

Wana ni mbaktumba hi Oze-d’a 14:9

Ar sama ned’a mi hum ad’u zlad’a hi Oze-d’a, ar sama wad’ud’a mi wäd’u zla ndata, kayam lovota hi Ma didinid’a ni d’ingêr. Suma d’ingêrâ a mba tit kua, wani suma bei hum vuna a mba puk kä.

Wana ni mbaktumba hi Oze-d’a 4:17

Suma Efraim-ma a zlap tazi ki fileina, agi araziya!

Daniel 12:10

A mba mbus suma ablaud’a woi yed’et hapa titil bei zozota ba, wani suma asa’atna a mba wad’ud’a d’i, a mba i avogovok kur tcho mazid’a. Wani suma wed’a a mba wad’ud’a.

Isai 56:11

Azi nadurei suma d’od’ok suma a nga hop ki va d’uo na, azi ni suma pol suma bei wäd’u zlad’ina, azi pet nge nge pî, mi hle ni lovot mamba, nge nge pî, mi halî djivi d’a yam mam tambid’a mi.

Isai 1:5

Ata yima agi tcholi ad’enga ngingring i avogovo’â, agi min ala mi togi nata yima lara d’ei ge? Yagi pet ni mbuleina, hurugi pet ni tugud’eid’a mi.

Zla d’a d’ogolâ 28:5

Suma tchona a nga wäd’u zla d’a d’ingêra d’i, wani suma a nga hal Ma didinina a nga wäd’u ahlena pet.

2 Amuleina 23:7

Josiyas mi to gongîyona hi suma gaulangâ suma a nga kur gulumuna hi gong nga kud’ora hi Ma didinid’ina woyo. Ni gongîyo suma aropma a nga tchil baru d’a a le ki sunda malo d’a a yat ala Asera-d’a kuana.

1 Amuleina 15:12

Mi dik andjuvei suma gaulangâ karop suma gaulangâ woyo, mi b’lak filei ma abuyom ngolo a yoroma woi pet mi.

Gat ta a hat á mbàd’id’a 23:17

Moise mi de kua ala: Ar mandjuf ma Israel-lâ d’oze atcha d’a Israel-la ti kak gaulang ngi.

Wana ni mbaktumba hi Oze-d’a 5:4

Sun mazid’a nga d’i arazi lovota á hulongî gen an Alo mazina d’i, kayam muzuk ma gaulangâ mi nga adigaziya, kayam azi wan nga an Ma didina d’i.

Amos 2:7

a nga miret yam suma kid’aka kä, a nga hum zlad’a hi suma houd’id’a ata yima ka sariyad’a d’i. Gora kabum a nga zlap yam gor atcha d’a tud’a á b’lagan simiyên ma bei tchod’a ba na woyo.

Amos 7:17

Kayam ndata, Ma didina mi dala: Amanga mba d’i le gaulangâ kur azì ma ngolâ, grong suma andjofâ ki grong suma aropma, a mba tchazi avun ayîna, a mba b’rau ir andaga manga ki ziyona. Ang mba mit ni yam andaga d’a ndjendjed’a. A mba yo Israel-lâ magomba, a mba izi woi dei kandaga mazid’a.

Ndumba 25:3

Israel-lâ a zlap tu kalo ma a yum ala Bäl-Peyor-râ. Kayam ndata, Ma didina hurum zal ngola ataziya.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.