Wana ni mbaktumba hi Oze-d’a 3:5 - Bible azumeina

⁵ Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Wana ni mbaktumba hi Oze-d’a 3:5 Referans Kwoze

Jeremi 30:9

Wani a mba le sunda mi an Ma didina Alo mazina, a mba le sunda mi David ma an mba ni tinim amula tua na mi.

Isai 2:2

Kur atchogoi d’a mba d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma pet a mba i kua nunuk.

Romê-na 2:4

Na ni ang min gol sumad’a ngola hAlonid’a ki ve ta mamba ki rit ta mamba is su? Ang we nga d’ala sumad’a hAlonid’a nga d’i tanangî á mbut hurung yam tcho manga d’a d’uo zu?

Mise 4:1

Kur atchogoi d’a nga d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma a mba i kua zuzuk.

Ezekiyel 38:8

Bugol bizad’a ablaud’a, an mba ni sirang kur sun mang nga led’a. Kur atchogoi ndata ang mba kal kur ambas sa Israel-la. Suma a nga kaka kuana ni suma a sud’ï woi avun ayî ma durîna, ni suma a buzugï woi aduk andjaf suma tetengâ, ni suma a tok a hulong kaka yam ahuniyô suma Israel suma a mbut djona adjeuna, ni suma a nga kaka kua ki halasina mi.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Romê-na 11:25

B’oziyona, an min agi wagi ad’u zla d’a muduri ndata, kayam zla ndata mba d’i d’elegi á gologi tagi d’igi suma ned’a na. Nala, suma hiuna aduk andjaf Israel-lâ a b’al huruziya, gak andjaf suma ding suma Alona mi nga hurum kazi suma nda’â a fe suta tua.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Wana ni mbaktumba hi Oze-d’a 5:15

Ma didina mi dala: An mba ni iya, an mba ni hulong ata yan ma kaka gak azi we tcho mazid’a, gak azi mba mba á wan iranu. Fata azi nde kur ndakid’a, a mba halan ki hur ma hata.

Wana ni mbaktumba hi Oze-d’a 5:6

Azi mba i ki tumiyô mazina kamuzlei mazina á halan an Ma didina, wani azi mba fan ndi, kayam an wal tan ndei dei ki sed’eziya.

Daniel 10:14

Ki tchetchemba, an mba nala ang wäd’u ahle suma a nga mba yam sum mangâ kur atchogoi d’a nga d’i mbad’ina d’a. Kayam vama nde tam mbei irang máma mi de zlad’a yam vama nga mi mbana.

Daniel 2:28

Wani Alo ma akulona ni ma nde ad’u ahle suma mudurina woi abuna. Ni mam ba, mba mi tagang ad’u ahle suma a mba le kur atchogoi d’a mba d’i mbad’ina. Adï d’a danga kahle suma a nde tazi woi irang yam azang mangîna ba wana:

Ezekiyel 38:16

Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.

Jeremi 33:17

Ma didina mi dala: David mba mi ba bei fe sama mi vrak blangâm yam zlam mba amula aduk Israel-lîna d’i.

1 Amuleina 12:16

Ata yima Israel-lâ pet a wala amulâ mi min nga zla mazid’a d’uo na, a dum ala: Va mi ndolomi nga ki David ti. Ami nga tami djona ki Jesse gorom mbi! Agi Israel-lâ, ar nge nge pî mi hulong avo kur zlub’u mamba! A dum kua ala: Ki tchetchemba, ang David goroma, ang tamul manga! Ni hina ba, Israel-lâ a i avo hataziya.

Gat ta a hat á mbàd’id’a 4:30

Ahle ndazina a mba mba kagiya. Kur yor ta magid’a agi mba hulongôgi gen Ma didina Alo magina, agi mba humum vunam mi.

Ndumba 24:14

Ki tchetchemba, an nga ni i gen sum mana. Ang mbeya, an ni dang ngei yam vama sum ndazina a mba lum ki sum mangâ kur atchogoi d’a nga d’i mbad’ina.

Jeremi 33:9

Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.

Jeremi 30:24

Ma didina nga mi i avogovok kayî mam ma bibiliuna á ndak vun ahlena pet suma mam nga hurum kazina. Bur tu agi mba wagi ad’ud’a woi tetet.

Isai 2:3

Andjaf suma ablaud’a a mba i kua, a mba dala: Agi mbeyegïya! Ei i djagei akulo yam ahinad’a hi Ma didinid’a, kur gong nga kud’ora hAlona hi Jakob-mid’a kayam mi had’ei gat mamba. Ar ei tid’i kur lovot mam mba mi tageizid’a. Kayam gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Isai 9:13

Kayam ndata, Ma didina mba mi ka yamba kandjaud’a kabo amilaûna ki tchereuna woi aduk Israel-lâ kur bur ma tuna mi.

Isai 17:7

Kur bur máma sana mba mi mbut iramî yam Salam ma mi luma, mba mi tin iramî yam Ma tin tam irat vat yam Israel-lîna.

Wana ni mbaktumba hi Oze-d’a 11:10

Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Isai 60:5

Ndak mba d’i we, hina wani, tak mba d’i lak djivid’a, huruk mba mi oî ki furîd’a, tak mba d’i lak djivid’a mi. Kayam ndjondjoî d’a kur alum ma ngolîd’a mba d’i mba avo hatagu, ndjondjoîd’a handjaf sumid’a mba d’i mba avo hatak mi.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.