Wana ni mbaktumba hi Oze-d’a 12:5 - Bible azumeina

⁵ Jakob mi ndjiget ki malaikana, mi kus kamu, mi tchenem ala mi b’e vunam kamu. Jakob mi fum sä Betel. Ni kua ba, Alona mi de zlad’a ki sed’emu.

Wana ni mbaktumba hi Oze-d’a 12:5 Referans Kwoze

Buzuk ka Abud’a 3:15

Alona mi de mi Moise kua ala: Ang i de mi Israel-lâ ala: Ma didina Alona habuyogina, Alona hi Abraham-ma, Alona hi Isa’â, Alona hi Jakob-ma, mi sununï gevegi ni mamu. Wana ni simiyên ma a mba yan ki kur atchogoi d’a lara ge petna.

Isai 42:8

An ni Ma didina. Wana ni simiyênu! An mba ni he subur manda malo ma ding ngi, an mba ni ar hu manda mi fileina d’uo mi.

Sawal la giled’a 135:13

Ma didina, simiyêng mi nga gak didin; Ma didina, suma a nga djib’er kangî kur atchogoi d’a lara ge pet.

Ad’u Tinda 32:30

Jakob mi yi yi máma ala Peniyel, kayam mi dala: An wAlona ki iranu, an nga karid’a mi.

Ad’u Tinda 28:16

Jakob mi zlit akulo kur sena, mi dala: Gagazi, Ma didina mi nga ka hî, an we nga d’i.

Sawal la giled’a 30:4

Ma didina, ang ndan ndei ata yima azuleina, ang ngomon karid’a; an nde nga kä kur zula d’i.

Ad’u Tinda 35:9

Kid’a Jakob mi tcholï Padan-Aram mi mbad’a, Alona mi nde tam mbei iram kua, mi b’e vunam kamu,