Wana ni mbaktumba hi Oze-d’a 11:8 - Bible azumeina

⁸ Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Wana ni mbaktumba hi Oze-d’a 11:8 Referans Kwoze

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Matiye 23:37

Jesus mi de kua ala: Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Wana ni mbaktumba hi Oze-d’a 6:4

Ma didina mi dala: Agi suma Efraim-ma, an lagi ni nana ge? Agi suma Juda-na, an lagi ni nana ge? D’engzeng magid’a ni d’igi amborogei d’a ge yorogod’a na, d’igi mbad’ï d’a ti ge yorogo d’a ti kak ndjö ti gas seid’a na mi.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

Gat ta a hat á mbàd’id’a 29:23

a mba we sama zar awu kat ti, va mba mi deî kat ti, asu mba mi d’uf kat tuo mi, mba d’i hle tat ni d’igi Sodom, Gomor, Atma ki Seboyim suma Ma didina mi b’lagazi woi kur ayî mama ki hur mam ma zalina na.

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

2 Pierre 2:6

Alona mi ka sariyad’a yam azì ma Sodom-ma ki ma Gomor-râ, mi ngalam mbei kakud’a, kayam mi arî vama simata mi suma a min le tchod’ina.

Amos 4:11

An b’lagagi woi d’igi an b’lak Sodom ki Gomor rei na, agi sud’ugi ni d’igi sana mi tanï vana woi aduk akud’a na. Hina pet pî, agi hulongôgï nga geven ndi. An Ma didina ni de na.

Hor ma tchina 1:20

Ma didina, gola, an nga kur ndaka! Aruwad’an nga mi mbuzuk kurun dudu, hurun mi b’lak kurun krovo, kayam an ni sama so vuna gagazi. Mbigeu d’a fiyaka nga d’i tchi suma woi abua, matna nga mi tchi suma krovo mi.

2 Amuleina 13:23

Wani Ma didina mi wazi hohowoziya, mi vat hurum mbei kaziya, kayam vun ma djin ma mam djinim ki Abraham ki Isak ki Jakob-ma. Mi min b’lagazi woi d’i gak ini mi arazi nga woi d’uo mi.

2 Samuel 24:16

Ata yima malaikana abom nga tinda á b’lak Jerusalem-ma, Ma didina mi mbut hat hurum yam b’lak ndata, mi de mi malaika ma tchi suma máma ala: Ndaga! Ki tchetchemba, ang hlabong ngeyo! Malaikana hi Ma didina máma mi tchol go ki yima to awuna hi Arafna ma Jebus-sâ.

Suma ka sariyad’a 10:16

Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.

Ad’u Tinda 14:8

Ata yi máma amul ma Sodom-ma, amul ma Gomor-râ, amul ma Atma-na, amul ma Seboyim-ma kamul ma Bela-na, nala, Sowar, azi iya, a min tazi á dur ayîna ki sed’ezi avun hor ra Sidim-mba.

Vama ndum mbeina 18:18

ata yima azi we andosâ kaku d’a nga d’i ngalambina, a er tchina ki delezi akulo ala: Azì ma ngol ma d’igi azì máma na na, mi nga ni lara ge?

Vama ndum mbeina 11:8

Mad’azi mba mi ar akulo hur azì ma ngolâ, ata yima a b’al Salazina akulo ata aguna kuana. Azì máma a yum ki d’ogolâ ala Sodom mboze Ezipte.

Sofoni 2:9

Kayam ndata, an ma bei matna Ma didin ma ad’engên kal petna, Alona hi Israel-lîna, ni dala: Mowap mba d’i mbut ni d’igi Sodom na, Amon mba d’i mbut ni d’igi Gomor na. Yazi mba mi se kekerezeuna, mba mi mbut ni zul la a djugot ndjuvuna kuad’a, mba mi arî djona ki iram fafat. Sum mana ad’uzi d’a ara a mba hurumuziya, andjaf man suma a mba ar nde na a mba hlambas mazid’a mi.

Amos 7:6

Salad’a Ma didina mi djok djib’er mamba, mi dala: Ahle ndazina a mba mba d’uo mi.

Amos 7:3

Ma didina mi djok djib’er mamba, mi dala: Ahle ndazina a mba mba d’i!

Hor ma tchina 3:33

Nga ni min mamba ba, mi hulong sana yam kä, mi gat grong suma d’uo mi.

Jeremi 9:7

Ni kayam ndata ba, an Ma didin ma ad’engên kal petna ni dala: Gola! An nga ni yoroziya, ni kuguziya. Le hina d’uo ni, an mba ni le ni nana yam sum mana ge?

Jeremi 3:12

Ang i de woi yam zla ndata ki deleng akulo abo ma norâ ala: Ma didina mi dala: Agi Israel suma tchagi tatana, agi hulongôgïya. An mba ni d’us iran atagi d’i, kayam an ni sama od’a, an mba ni vagi kurun baba d’i. An Ma didina ni de na.

Isai 63:15

Ang ma sä kaka akulo ata yi mang ma ang tinim iram vam ma suburina, ang golï irang kä. Zlezleû manga ki djivi manga a nga ni lara ge? Ang ar bei hat hurung kan bei wan hohowon nana ge?

Sawal la giled’a 106:45

Mi djib’er yam vun mam ma djin ma mi djinim ki sed’ezina; kur djivi mamba mi wazi hohowoziya.

1 Amuleina 3:26

Gor ma arina asum mbi le mandarâ kayambala á tchat ni gorotna d’a, ti er ad’ut akulo, ti dala: Salana, an nga ni dangû, ang he gor ma arina matcha ndata! Djivid’a ang tchum mbi! Wani ndrat ta mbàd’a ti dala: Agi ngad’am mbei aduk mbà! Ndat ti kak hawa mi na, an kak hawa mi!

Isai 16:11

Kayam ndata, an nga ni hle sawala ki delen akulo ki hur ma hata yam suma Mowap-ma d’igi tchina hadingîna na, an nga ni tchi yam suma Kir-Hares-sâ mi.

Jeremi 18:8

Wani le andjaf ma an de zlad’a kama mi hulong mbut hurum yam asa’at mamba ni, an mba ni ar ndak ka an ngamzi kam á lumzid’a woyo.

Jeremi 42:10

Le agi aragi kaka kur ambas sa wanda ni, an mba ni minigi akulo, an mba ni b’lagagi woi d’i, an mba ni pagi ad’ugi kä, an mba ni pad’agi woi d’i. Kayam an mbut hat hurun yam tcho d’a an lagizid’a.

Hor ma tchina 3:32

Wani ata yima mi gad’ama, mi wum hohowom yam o mam mba ngol la bei dabid’a.

Ezekiyel 6:9

Suma a mba sut tei ndazina a mba djib’er kan aduk andjaf suma a mba izi magomba kuana. A mba djib’er kan ata yi máma, kayam an ni tozi huruzi ma mizeuna ki irazi d’a nga sod’a á le gaulangâ ki filei mazinid’a woyo. Azi tazi mba gol tazi ni suma ndjendjed’a yam sun nda tcho d’a azi lata ki sun mazi d’a ndjendje d’a lara ge pet mi.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Wana ni mbaktumba hi Oze-d’a 7:1

Ma didina mi dala: Ata yima an min le sum mana djivid’a an min sut Israel-lîna, tchod’a hi suma Efraim-mid’a ki tchod’a hi suma Samari-nid’a, mba d’i buzuk kei avoronu. Kayam azi ni suma ka zlad’a, suma kula a nga kal avo, suma tchigeta a nga tchola ir palumba á b’lak ahlena mi.

Mise 5:3

Gor ma a vud’um máma mba mi polozi kad’enga hi Ma didinid’a ki ngola hi Ma didina Alo mamid’a. Azi mba kak ki halasa, kayam suma a suburum gak avun dabid’a handagad’id’a.

Gat ta a hat á mbàd’id’a 29:22

Moise mi de kua ala: Kur atchogoi d’a nga d’i mbad’a hi grogi suma a mba vud’uzi blogoginid’a, andjaf suma dingâ a mba tcholï yam andaga d’a deid’a mi, a mba we tugud’ei d’a tchod’a ki b’lak ka Ma didina mba mi b’lak kambas ndatid’a, a mba wambasa mba d’i ngal lei abo aku d’a ngal ki sufred’a pet, mba d’i mbut butna,

2 Sunda Hamuleinid’a 36:15

Ma didina Alona habuyozi ngolona mi sunï mam suma sunda atazi yam ablaud’a á gazi humaziya, kayam mam min sut sum mama ki yam ma kaka mi.

Jeremi 9:6

A nga mbut ir taziya. Ni kayam mbut ir mazid’a ba, a noî á hulongî gevenu.