Wana ni mbaktumba hi Oze-d’a 10:14 - Bible azumeina

¹⁴ Kayam ndata, siwel la ayîna mba d’i tchol aduk sum magina, azì magi ma ad’eng ma ngunguna pet mba mi b’lak keyo, mba mi b’lak kei ni d’igi Salman mi b’lak Bet-Arbel kur bur ma ayî ma mi ndjirep asud’a ki grotna woina na.

Wana ni mbaktumba hi Oze-d’a 10:14 Referans Kwoze

Wana ni mbaktumba hi Oze-d’a 13:16

Suma Samari-na zlad’a mba d’i vaziya, kayam a kak djangûna kAlo mazina. A mba tchazi avun ayîna, a mba ndjirebezi grozi suma gureina woyo, amiyôzi suma wirâ, a mba zazi huruzi woi mi.

Habakuk 1:10

A nga las amuleina, a nga san ad’u suma nglona; gulumun ma ad’eng ma d’elezina nga d’i. Azi nga mbu andagad’a ad’um akulo, a nga tup kam á dik azì máma.

Nahum 3:12

Yi mang ma ad’eng ma ngunguna mba mi mbut ni d’igi vud’a tulum ma mi ne na na. Ata yima a gazama, mi ndeï kä avun sama mi min á tuma.

Nahum 3:10

Hina pet pî, a im wa magomba, grom suma gureina, a tchazi woi grak lovot ta lara ge pet, a le togina yam mam suma simiyêzi mi nde yinina, a tchuk erdjena kel mam suma nglona pet mi.

Amos 9:5

Salad’a Ma didin ma ad’engêm kal petna, mi tin abom yam andagad’a, ti giged’a; suma a nga kaka katna pet, a nga yor taziya. Ti hop akulo ki zla tat pet d’igi alum ma Nil-lâ na, ti mba d’i hulong kä d’igi alum máma na mi.

Amos 3:8

Azlona le mi breyâ ni, ni nge ba, mi le mandarâ d’uo ge? Salad’a Ma didina le mi de ni, ni nge ba, mi djogom vunam mbei d’uo ge?

Jeremi 48:41

A mba hlazì ma Keriyot-na, A mba yo azì ma ad’eng ma ngunguna mi. Kur bur máma suma gangrang suma Mowap-ma, huruzi mba mi b’lak d’igi atcha d’a hurut nga mi tat á vutid’a na.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Isai 17:3

Ma didin ma ad’engêm kal petna mi dala: Azì ma ad’eng ma ngunguna hi suma Efraim-mina mba mi b’lak keyo, leud’a hi suma Damas-sid’a mba d’i b’lak kei mi. Suma Siri suma a mba arâ a mba ndumuzi ni va d’uo d’igi Israel-lâ na mi.

2 Amuleina 18:33

Agi wagi alona handjaf suma ding ma ndak á sut sum mama nge nge pî kur andaga mamba woi abo an amul ma Asiri-nina nga zu?

2 Amuleina 17:16

Azi ar vun ma hed’a hi Ma didina Alo mazinina woi pet, azi yor lora gro amuzleina mbà, azi min agu ma murgulina malo d’a a yat ala Asera-d’a, azi grif kä a kud’or ahle suma akulona pet, azi le sunda malo ma a yum ala Bäl-lâ mi.

Ad’u Tinda 32:11

An nga ni tchenengû, ang sud’un ndei abo wiyena Esau, kayam an nga ni le mandarâ abomu, kayam mam mba mi tchan grona kasuyoziya.

Jeremi 13:14

An mba ni tchuguzi ata tazi huneîd’a, abuyod’a ki grod’a abo tazi tu. An mba ni wazi hohowozi d’i, an mba ni keng sa woi tu d’i, an mba ni hat hurun kazi d’i, vama mba mi d’elen á dabazi woina nga d’uo mi. An Ma didina ni de na!

2 Amuleina 17:3

Salmanasar amul ma Asiri-na mi mba mi dur ayîna ki Ose. Ose mi hulong ge yam kä ad’umu, mi hum tara.

Wana ni mbaktumba hi Oze-d’a 10:15

An Ma didina nga ni dagiya: Agi suma Betel-lâ, an mba ni le ki sed’egi ni hina dedege yam asa’at magi d’a ngol la kala, a mba tchamul ma Israel-lâ tchi tua ba yina fo.

Amos 3:14

Kur bur ma an mba ni mba á ngop Israel-lâ yam tcho mazid’ina, an mba ni to yima ngal ahle suma ngat buzu ma Betel ma tetengâ kä woyo, kengêm ma djidjid’engâ mba mi dris kä woi andaga mi.

Mise 5:11

An mba ni dap magi suma kumana woyo, a mba fe sama mi djop ki tchitchiud’ina avo hatagi d’uo mi.