Wana ni mbaktumba hi Oze-d’a 10:1 - Bible azumeina

¹ Adjeu Israel-lâ a ni guguzlu d’a djivid’a vut heîd’a. Le d’i vut ngola kala ni, a min yima ngal ahle suma ngat buzuna ablaud’a kal mi. Le ambas mazid’a ti mbut ambas sa djif fa heî d’a kala ni, azi tin ahle suma ge humba teteng kal mi.

Wana ni mbaktumba hi Oze-d’a 10:1 Referans Kwoze

Wana ni mbaktumba hi Oze-d’a 8:11

Suma Efraim-ma a zul yima ngal ahle suma ngat buzuna yam tcho mazid’a, wani yi mazi ma ngal ahle suma ngat buzu ma teteng máma nga mi zud’uzi á le tcho d’a kala mi.

Wana ni mbaktumba hi Oze-d’a 12:11

An de zla manda mi suma djok vuna, an ar ahlena a nde tazi woi irazi teteng, an de zlad’a woi ki d’ogolâ mi suma djok vuna mi.

Filip-ma 2:21

Kayam suma hiuna a nga djib’erî yam ahle mazina, wani nga ni yam ahlena hi Jesus Christ-sâ d’i.

Jeremi 2:28

An mba ni hulongôgi humba fata ndaka mba kagid’a ala: Alo magi ma agi minima, mi nga ni lara ge? Le mi ndaga ni, ar mi tchol akulo mi sud’ugiya, kayam agi suma Juda-na, agi nga kalona ngad’a yam azì magi ma nglona gagang.

Sunda hi suma hi Levi-nid’a 26:1

Ma didina mi de kua ala: Agi lagi fileina d’i, agi tinigi angus va avorogi d’i, agi tched’egi va d’uo mi. Agi tinigi ahina d’a djif fa hle tat d’igi angus va hina d’a kur ambas magid’a á kud’urogizi d’i, kayam an ni Ma didina Alo magina.

1 Amuleina 14:23

Azi min yina ata yima ndingâ, a tchet ahinad’a, a tinit akulo yam ahuniyô suma djodjohlâ kad’u agu ma d’uf ma lara ge pet mi.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

Nahum 2:2

Agi suma Ninif-fâ, gola! Ma djangûna nga mi djï kagiya, agi gologi azì ma ad’eng ma ngunguna, agi tchologi ndjola avun lovota, agi djinigi furugi ad’enga, agi vagi tagi ad’enga ngingring mi.

Wana ni mbaktumba hi Oze-d’a 13:6

Ata yima an hagi tena ndak yam mei magid’ina, agi hobogiya, agi hlagi yagi akulo. Ni kayam ndata ba, agi maragi kanu.

Wana ni mbaktumba hi Oze-d’a 13:2

Ki tchetchemba, a nga le tchod’a, a nga i avogovogo, a nga yor angus ahlena ki kawei ma hapma, a nga yor fileina ki lem mazid’a pet. Ni sun nda sama d’alâ mi lat kabomba. A nga de kat ala: Ar suma a nga mba kahle suma ngat buzunina a sop vun gor amuhl ma a yorom máma.

Wana ni mbaktumba hi Oze-d’a 12:8

Agi suma Efraim-ma, agi ni suma mbut abogina, kilo ma mbut ira mi nga abogiya, agi minigi ni mbut ir suma tu.

Wana ni mbaktumba hi Oze-d’a 8:4

A nga tin amuleina bei vun man ma hed’a, a nga tin suma nglo suma avok sumina bei an we ba, a nga yo kawei ma hapma ki lor mazid’a á yor fileina. Ni kayam ndata ba, azi mba b’lak tazi woyo.

Wana ni mbaktumba hi Oze-d’a 2:8

Kayam ndata, an nga ni tchak aweid’a woi kat kur lovot mata á d’elet lovota, an nga ni ngui gulumuna woi kat tala ti fe lovot mata bugol luo d’a.

Wana ni mbaktumba hi Oze-d’a 3:4

Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Wana ni mbaktumba hi Oze-d’a 4:7

Suma ngat buzuna ki zla tazi pet, a d’es sei kur lovot ta an tagazizid’a, a vrak filei ma ndjendjed’a blangân an mala ni subur mazid’a na.

Wana ni mbaktumba hi Oze-d’a 13:15

Le andjafâ hi Efraim-ma nga mi i avogovok aduk b’oziyoma pî, simetna mba mi tcholï abo ma yorogona, ni simet ma tcholï hur fulâ ata Ma didinina. Mba mi som mbiyo mam ma laud’a woyo, mba mi sid’amam golong mamba woi mi. A mba hurumum ahle mam suma guzuzi kal teglesâ mi.

Jeremi 11:13

Kayam agi nga kalona ngad’a yam azì ma nglo ma Juda-na gagang, agi tinigi yima ngal dubang ma his djivid’a ma zulona teteng ir palum mba Jerusalem-mba á ngalagi dubang ma his djivid’ina mi Bäl.

Jeremi 11:17

Ni Ma didin ma ad’engêm kal pet ma pagina ba, nga mi yi ndaka kagi kayam tcho d’a agi Israel-lâ ki suma Juda-na a lagizid’a. Mi dala: A he dubang ma his djivid’ina mi Bäl á zalan hurunu.

Wana ni mbaktumba hi Oze-d’a 2:10

Ti wan nga d’ala ni an Alona ba, ni hat gemena, ni hat süm guguzlud’a ki mbulâ, ni an ba ni hat ndjondjoîd’a, nala bege d’a hapa ki lora suma ndat ti hazi malo ma a yum ala Bäl-lâ ni anu d’i.