Hor ma tchina 1:4 - Bible azumeina

⁴ Lovot ta i Siyon-nda nga d’i yor tat d’igi sana na, kayam suma a nga mba á le vun tilâ kua d’uo d’a. Vun agrek matna pet mi b’lak keyo, mat suma ngat buzuna a nga zam taziya, yugunei matna a mbut wa hohoud’a, ndat tata ti nga kur hat hur ma ngolâ mi.

Hor ma tchina 1:4 Referans Kwoze

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Jeremi 14:2

Suma Juda-na a nga kur yor tad’a, azì mazi ma nglona mi b’lak keyo, a tchuk susub’ok, a nga bululul kä andaga. Tchina hi suma Jerusalem-ma mi tchol nga mi i akulo.

Jeremi 10:22

Agi humugi vun ma wüna hi suma ma nga mi mbana, ni siwel la gandjau d’a ti tcholï yam ambas sa abo ma norâ á mbut azì ma nglo ma Juda-na djona á mbud’um domina hi hânina mi d’a.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Hor ma tchina 5:13

Azungeîna a nga zi ahina d’a lutna, gugureina a nga puk kä abo aneka hagunid’a.

Isai 3:26

Suma avun agrek ma Siyon-na a mba zam taziya, ndak mba d’i tchi horâ; a mba hurumugu, ndak mba d’i ar kaka kä aduk andagad’a mi.

Hor ma tchina 1:21

A hum zam ta manda, wani sama b’lengên huruna nga d’i. Man suma djangûna pet a hum zla hohou manda, a le furîd’a yam vama ang luma. Ar ang hulongî ki bur ma ang dum zlam adjeuna, ar azi mbut d’igi an na mi.

Sunda hi suma hi Levi-nid’a 26:22

An mba ni sunï amburei suma ayîna a mba vigigi grogina, a mba vigigi d’uwar magina; agi mba feyêgiya, lovot magid’a mba d’i se asuna.

Hor ma tchina 5:14

Momorogeina a ar tok mazi d’a avun azinid’a woyo, azungeîna a ar bei hle sawal mazid’a mi.

Wana ni mbaktumba hi Oze-d’a 2:13

An mba ni d’elet furî mata kur vun til matna, kur vun til mat ma ti luwum kur bur ma tilâ mi deî awilina, kur bur mat ma sabatna, kur vun til mat ma lara ge pet ma a ngama mi.