Biblia Todo Logo
Bib sou entènèt

- Piblisite -




Hor ma tchina 1:2 - Bible azumeina

2 Nga d’i tchi andjege, simina nga mi djang kä irad’u. Aduk suma a le katna pet, sama mi b’lengêt hurutna nga d’i. Buniyôtna pet a mbut ni suma a mbud’ut iratna, a mbut ni suma djangû matna mi.

Gade chapit la Kopi




Hor ma tchina 1:2
30 Referans Kwoze  

Kayam sama mit teina nga mi djib’er kang nguo d’a; sama suburung ata yima azuleina ni nge ge?


Agi hagi gagazid’a yam banagi d’i, agi tinigi hurugi yam ma le kagi heîna d’uo mi. Ang ngom vunang avok atcha d’a nga d’i bur ki sed’eng kur zlat ma tunid’a.


A hum zam ta manda, wani sama b’lengên huruna nga d’i. Man suma djangûna pet a hum zla hohou manda, a le furîd’a yam vama ang luma. Ar ang hulongî ki bur ma ang dum zlam adjeuna, ar azi mbut d’igi an na mi.


An yi suma a le kana, wani a mbud’un iranu. Man suma ngat buzuna ki man suma nglona a bo woi kur azì ma ngolâ kid’a a nga hal tena á ndjun ari mazid’id’a.


Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?


Suma a le kagi adjeuna pet a mba mar kagiya, a mba djib’er kagi d’i, kayam an togi ni d’igi agi ni man suma djangûna hina, an ngobogi ni ngop pa tchod’a yam tcho magi d’a zul heîd’a, yam tcho magi d’a ngola mi.


Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.


Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.


Ndak Jerusalem mba b’lak keid’a, ndak mba le ni nana? Ndak mba d’i tchuk baru d’a hleud’a atagu, ndak mba d’i tchuk ahle suma lora atagu, ndak mba d’i ndal irak kahle suma djifâ, ndak mba d’i min tak hina pet pî, ni hawa hina. Buniyô’â a mba golok is, a hala’î á tchid’a d’ö.


An nga kur pupuluka, an nga ni zam tan bizad’a ki bizad’a, ad’engên dap wa woi abo tcho manda, asogon mi kus wa d’ad’ameî mi.


Adif ma dogo ma ang wuma kambur máma a mba noî atcha d’a gaulang ndata. A mba yo ahle matna pet, a mba arat gandilad’a, a mba mud’ut hliwid’u, a mba ngalat tei kakud’a mi.


Suma dogo ndazina, djib’er mazid’a ni tu. A had’eng mazid’a kamul mazid’a mambur máma.


kayam asuzi natcha d’a gaulangâ, ta vud’uzid’a ti le nahle suma zulona. Nga d’i dala: An ringî bugol buniyôn suma a nga han te mana ki mbiyo manina, ni suma a nga han tumus tumiyô mana ki baru man nda luluîd’a ki mbul mana ki süm guguzlu mandina mi.


Kayam ndata, an nga ni togï buniyôk suma ndak tak lak djivid’a kazina ki suma pet suma ndak huruk vazina ki suma pet suma ndak minizi d’uo na. An mba ni togozï ata yima lara ge pet á durugu, an mba ni fogok ahlena atak keyo, ndak mba d’i arî gandilad’a woi iraziya. Azi mba wak gandila maka woi pid’agi.


Iran ndi zal abo simina, aruwad’an nga mi mbuzuk kurun dudu, mayâwan nga mi vo kä woi yam andagad’a yam b’laka hi sum manid’a, yam gugureina ki kem mba tchapona suma a nga seî kä ir palumba hazinid’ina.


Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?


Sama houd’a b’oziyoma a nga noyômu, buniyôma a nga golom sä woi hina dei. Nga mi halazi á dazi zlad’a ki hud’a pî, nga mi fe sa d’i.


Ni hina ba, an fe ndaka kur tilâ ablaud’a, an ndum andjeged’a ablaud’a kur ndaka mi.


B’oziyona a mbud’un iran d’igi toliyonda na, d’igi toliyon nda mbiyo mat ma djangâ mi so woid’a na.


Suma a nga zar ki simina irazina, a mba ze ki sawal la furîd’a.


Agi gologi tagi djivi á tid’igi asegi hawad’a, ar delegi ti so kazas suo mi! Wani agi nga dagi ala: Ndata ni zla d’a hawa yaka! Ami minimi nalo ma dingâ, ami i zlabami ni ki sed’emu.


Ngul mazid’a b’lagan hurunu, an ve tugud’eid’a; an hal sama wan hohowona, wani sa nga d’i; an hal sama b’lengên huruna, wani an fe nga sa d’uo mi.


Swiv nou:

Piblisite


Piblisite