Hor ma tchina 1:1 - Bible azumeina

¹ Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Hor ma tchina 1:1 Referans Kwoze

Isai 3:26

Suma avun agrek ma Siyon-na a mba zam taziya, ndak mba d’i tchi horâ; a mba hurumugu, ndak mba d’i ar kaka kä aduk andagad’a mi.

Esdras 4:20

Adjeu amulei suma ad’engâ a nga kur Jerusalem. Ni suma a te yam suma pet suma a nga kaka abo alum ma Efrat-na woi hina, suma a nga wuragazi bege d’a a ngazizi kazid’a d’oze tara d’oze bege d’a a i kakoid’id’a mi.

1 Amuleina 4:21

Salomon mi te yam leu d’a ding nga nguyumba pet, tinï ad’ud’a avun alum ma Efrat-na dei gak mba kur ambas sa Filistê-d’a, gak mi yoï hagad’a ki Ezipte. Kid’a mam nga ki iram tua d’a, amulei suma kur ambas ndatina pet a ge yazi kä ad’umu, a nga hum tara mi.

Isai 54:4

Ndak le mandar ri, kayam ndak mba d’i mbut zulona d’i; ndak tchuk susub’ok ki, kayam sa mba mi mangâk kei d’i. Wani ndak mba d’i mar rei yam zulo mak ma lak ki gogoro’â, ndak mba d’i djib’er yam zulo mak ma kur modono makina d’uo mi.

Sofoni 2:15

Wana nazì ma ngol ma suma kuruma a nga subur tazi a nga kaka ki halasa a nga de kuruzi ala: Nazì meina wan tu go! Ma ding ma d’igi mam na na nga d’uo na. Suma a mba de kam ala: Ni nana ba, mi mbut djona ge? Mi mbut wa yima kaka hahle suma abageina. Suma a nga kal kuana pet a mba le atchap, a mba tchabozi kukup mi.

Hor ma tchina 5:16

Avaval la kamid’a ti tchuk kä woi da’. Ni zla d’a hohoud’a kamiya, kayam ami lami tchod’a.

Isai 22:2

Ang azì ma ngol ma vuna kang wü ma oîd’a ki siwel la gandjaud’ina, ang azì ma furîd’a, mang suma a tchazina, a tchazi nga ni ki mbigeu d’a fiyaka d’i, suma a bona, a tchazi nga navun ayîna d’uo mi.

2 Amuleina 23:35

Jojakim nga mi tar kawei ma hapma ki lora kur leu mamba d’igi Faron Neko mi ngazizi kazi na; nge nge pî mi he mamba, Jojakim mi hat mi Neko.

Vama ndum mbeina 18:7

Agi lat ndaka, agi kid’iyêt irad’u, kayam ndat subur tat kur djivi mata, ti dala: An kak ka hî d’igi amula na, an nga natcha d’a modonod’a d’i, an mba ni yor tan nduo mi.

Ezekiyel 26:16

Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Hor ma tchina 4:1

Alë! Ni nana ba, lora nga d’i wile d’uo ge? Ni nana ba, lor ra bei zozota ba d’a nga d’i ngal wiwilik kuo ge? Ahina d’a a min ki gong nga a tinit irat vata, ti b’rau wa woi ir palumba teteng mi.

Hor ma tchina 2:10

Suma nglo suma Jerusalem-ma a kak nga kä aduk andagad’a ki vunazi ma du’â, a nga ko andagad’a kaziya, a tchuk baru ma ndjondjorona ataziya. Yugunei suma Jerusalem-ma a tchok yazi kä andaga mi.

Hor ma tchina 2:1

Alë! Ni nana ba, Salad’a kur ayî mama mi zlup gor wei d’a Siyon-nda kä ki d’ugula ge? Mi geï subura hi Israel-lîd’a akulo dei gak ti nde kä yam andagad’a. Kur ayî mama mi djib’er nga d’ala ndat ni vama d’igal asema d’a d’i.

Jeremi 50:23

Ni me mama na ge? Babilon ni marto d’a ti to suma yam andagad’ina woid’a. Gola! Ti to wa woi kikizek, ti mbut wa djona aduk suma. Na ni gagazi zu?

Jeremi 40:9

Gedaliya Ahikam gorom ma Safan gorom ngolonina mi gunuzi tam ki sum mazina ala: Agi lagi mandarâ á le sunda mi suma Babilon-na d’i, agi kagagi kur ambasa, agi lagi sunda mamul ma Babilon-na. Hina wani, agi mba kagagi ki djivid’a.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Isai 52:7

Djivid’a yam sama nga mi djï akulo yam ahuniyôna á de zla d’a djivid’a woina, yam ma nga mi de woi yam b’leng nga halasa, yam djivid’a ki sutina, ma nga mi de mi Jerusalem ala: Alona namul ma’â na.

Isai 52:2

Ndak Jerusalem, ndak tchol akulo, ndak po gugum ma ata’â woyo. Ndak gor wei d’a Siyon nda avok kur magombid’a, ndak kak kä á but ziyo ma a djiniksi kele’â woyo.

Isai 14:12

Ang avevel ma fo yina, ni nana ba, a gangî kä woi ge? Ang ma kus yam andjaf sumina, a gangî kä woi andaga!

Sawal la giled’a 122:4

Andjaf suma hi Ma didinina, nala, andjaf suma Israel-lâ, a nga tchol a mba ka hî kuruk á gile simiyê Ma didina d’igi gat ta a hazizid’a ti de na.

Nehemi 9:37

Nga d’i zul ahligiyet mamulei suma ang hazi ad’enga á te kamina kayam tcho mamid’a. A nga te kami ki d’uwar mamina kur min mazid’a. Ami nga kur ndak ka ngola mi.

Nehemi 5:4

Suma hiuna a dala: Ami ndami ni bege d’a balâ yam asine mamina ki guguzlu mamid’a á wurak bege d’a amulâ ngamizi kamid’a.

2 Amuleina 23:33

Faron Neko mi vum mi djinim ki kindjingâ avo Ribla yam andaga d’a Hamat-ta, kayam mi tamula avo Jerusalem mbuo d’a. Ata yi máma Faron Neko mi tin tara yam suma kur ambasina kawei ma hapma tonna hindi, lora kilona dok hindi mi.

Isai 50:5

Salad’a Ma didina mi malan human ndei á humba, an ni som nga vunam mbi, an hulong nga bugol luo mi.

2 Sunda Hamuleinid’a 9:26

Mi te yam amuleina pet, tinï ad’ud’a avun alum ma Efrat-na dei gak mba yam andaga d’a Filistê-d’a, kal gak mba ir haga d’a Ezipte-d’a.

Isai 49:21

Ndak mba d’i de kuruk ala: Ni nge ba, mi vud’uk gro ndazina ge? Kayam grona a dap peyo, an ni gendreged’a, a i ki sed’en magomba, a digin ndeyo. Ni nge wuluzi ge? An arî van tu. Sum ndazina a tcholï ni lara ge?

Jeremi 31:7

Kayam Ma didina mi dala: Agi hlagi sawal la furîd’a yam suma hi Jakob-ma, agi hlagi sawala yam andjaf ma ngol ma kal teglesâ, agi eregi ad’ugi akulo, agi gilegiziya, agi dagi woi ala: Ma didina, ang sut mang suma Israel-lâ ad’uzi d’a ara.

Jeremi 42:2

a de mi ma djok vun Alona Jeremi ala: Ar ang hum tchen mami d’a hud’a. Ang tchen Ma didina Alo mangâ yam djivid’a hi ami suma aramina pet. Kayam avok ami nablaud’a, wani ki tchetchemba, ami arami nakid’eid’a d’igi ang we ki irang ini na.

Ezekiyel 5:5

Wana ni zla d’a an Salad’a Ma didina ni data: Wana ni zla d’a ngad’a yam Jerusalem azì ma ngol ma an tinim aduk andjaf suma d’ad’ar ma an nguyum mbei d’uhl kambasa handjaf ma dingîd’a.

Sunda hi suma hi Levi-nid’a 26:31

An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.

Sunda hi suma hi Levi-nid’a 26:33

An mba ni ndjoyôgi woi vivreng kayî ma durâ; ambas magid’a mba d’i mbut nambas sa abageid’a, azì magi ma nglona mba mi arî djona mi.

Jeremi 44:2

An Ma didin ma ad’engên kal petna, Alona hi Israel-lîna, nga ni dagiya: Agi wagi ndak ka teteng nga an mbat yam Jerusalem kazì ma nglo ma Juda-nid’a pet. Gola! Ki tchetchemba, azì máma mi mbut ini ni djona, sa nga kaka kua d’uo d’a.

Jeremi 44:6

Ayî mana ki hur man ma zal ma gugulu’â a wet teyo, a ngal azì ma nglo ma Juda-na ki ir palum mba Jerusalem-mba suma a mbut ini ni djona ki fula d’igi a nga wazi ini na na.

Hor ma tchina 1:19

An yi suma a le kana, wani a mbud’un iranu. Man suma ngat buzuna ki man suma nglona a bo woi kur azì ma ngolâ kid’a a nga hal tena á ndjun ari mazid’id’a.

Ezekiyel 26:2

Ang gor sana, suma Tir-râ a de yam Jerusalem ala: Tchuhu ngrang! Azì ma ngol ma andjaf suma a kal kuana, mi b’lak wa woyo! Ki tchetchemba, suma a i kuruma a mba mbeï geveya, ei mba mbud’i suma ndjondjoîna kayam mi ar djona da’. Ni kayam ndata ba, an Salad’a Ma didina ni dala: