Hebre-na 9:12 - Bible azumeina

¹² Christ mi kal ata yima Alona mi tinim iram vam ma kal teglesâ, ni ki buzuwa aho’â d’oze buzuwa gro amuzleina abom mbi, wani mi kalî ki buzuwam mam tamba yam tu á wurak kei gak didin.

Hebre-na 9:12 Referans Kwoze

Hebre-na 10:4

Kayam buzuwa amuzlei suma andjuveina ki buzuwa aho’â a ndak á hle tchod’a woi d’i.

Hebre-na 9:15

Kayam ndata, Christ ni Ma aduk suma kAlona yam vun ma djin ma awilinina, kayam suma Alona mi yazina a fahle suma djivi suma didin suma mi hlazi vunam kazina. Azi ndak á fazi yam matna hi Christ ma wurak kazi yam tchila d’a azi tchila yam vun ma djin ma avo’îna.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

Hebre-na 10:19

Kayam ndata b’oziyona, ei ndak á kalei ata yima Alona mi tinim iram vam ma kal teglesâ bei mandarâ ba ni yam buzuna hi Jesus-na.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

Hebre-na 7:27

Wani Jesus mi le nga d’igi suma nglona hi suma ngat buzuna suma dingâ na d’i. Azi ni suma a nga ngat buzuna burâ ki burâ yam tcho mazid’a avogo, bugol yam mba hi sumid’a mi. Wani ata yima mi he tam mbei vama ngat buzuna yam tchod’a hi sumina, mi le hina ni yam tu.

Sunda hi suma hi Levi-nid’a 9:15

Bugola, mi he he d’a hawad’a hablau sumid’a. Nala, mi ve mbekmbere ma a hum á zlup yam tchod’a hablau sumid’ina, mi ngad’amu, mi hum á zlup yam tchod’a d’igi mi le ki vama ngat buzu ma avo’â na mi.

Hebre-na 9:13

Le buzuwa aho’â ki buzuwa amuzlei suma andjuveina ki butna hamuhl hla weid’a suma azi nga yamazi yam suma a mbut ndjendjed’ina á mbud’uzi woi yed’et avok Alona kur hliuna ni,

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

1 Tasaloni’â 1:10

á djup Gorom ma nga mi tcholï akulo mi mba na ge. Ni Goroma Jesus ma mam tcholom akulo aduk suma matnina, ni Ma nga mi sud’i woi kur ayîna hAlona ma nga mi mbana.

Zakari 3:9

Ma didin ma ad’engêm kal petna mi de kua ala: Ahina d’a tu d’a an tinit avok Josue wanda, ira nga kua kid’iziya. An mba ni b’ir b’ir ra ndak á b’irid’a kua, an mba ni hle tchod’a hambas ndatid’a woi kur bur ma tuna mi.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Kolos-sâ 1:14

Ni Ma wurak keina, ni Ma hurum vat tei yam tcho meid’a mi na.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Marik 3:29

Wani sama lara pî ma nga mi las Muzuk ma bei tchod’a ba nina, Alona mba mi vat hurum mbei kam mbuo gak didin, kayam mi le ni tcho d’a bei Alona mi vat hurum mbei kata.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Sunda hi suma hi Levi-nid’a 8:2

Ang yi Aron azi ki groma, ang yo baruna, ang hle mbul ma a vom yam sumina, ang vamuhl ma a hum vama ngat buzu ma zlup yam tchod’ina, ang yo gamlâna mbà, ang hle gagalaga d’a avungô ma a lum bei angufina nga kura,

Hebre-na 9:7

Wani ni ma ngol ma ngat buzuna hol ba, mi kal kur zlub’u d’a mbàd’a yam tu kur bizad’a. Mi kalî ki buzu ma mam ngad’am yam tcho mambina, yam tchod’a hi suma d’a a lat kur vitid’a mi.

Sunda hi suma hi Levi-nid’a 4:3

Le ni ma ngat buzu ma a vom mbulâ kam á tinim iram vama ba, mi le tchod’a mi b’lak ablaud’a ni, mi hamuhl ma azong ma bei daka ba na vama ngat buzuna mi an Ma didina á zlup yam tcho d’a mi lata.

Sunda hi suma hi Levi-nid’a 16:15

Mi ngat mbekmberena á zlup yam tchod’a hablau sumid’a, mi i ki buzuna bugol baru d’a ka ira, mi le ki va máma d’igi mi le ki buzuna hamuhlîna na, mi yam buzuna yam yima we hohoud’a mi na, mi yamam ata abom ma avoroma mi.

Wana ni Zla d’a Djivi d’a Luc mi b’irita 1:68

Ar ei gileigi Ma didina Alona hi Israel-lîna, kayam mi djib’er yam sum mama á wurak kaziya.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

Hebre-na 9:19

Ata yima Moise mi tak suma vun ma hed’a hi gatina petna, mi hle buzuwa gro amuzleina ki buzuwa aho’â zlapa ki mbina ki tumus sa hleud’a hi timinid’a ki hisopma, mi yam buzu máma yam mbaktum mba gata, yam suma pet mi.

Hebre-na 13:12

Kayam ndata, Jesus mi fe ndaka woi bugol azina á mbus suma woi yed’et ki buzuwamu.