Hebre-na 9:10 - Bible azumeina

¹⁰ Ahle ndazina ni yam ted’a ki tched’a ki mbus sa tetenga. Azi ni vun ma hed’a hi sumina hawa gak bur ma Alona mi mbut ahlena pet awilid’ina.

Hebre-na 9:10 Referans Kwoze

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.

Efes-sâ 2:15

Mi pleî gata hi Juif-fîd’a ki vun ma he máma woyo, kayam andjaf suma mbà ndazina a mbut sama awilina zlapa tu ki mamu. Ata yi máma, halasa mba adigaziya.

Hebre-na 7:16

Wani mam mbut ma ngat buzuna ni yam minda hi sumid’a d’i, wani mi mbut ma ngat buzuna ni kad’enga hari d’a bei dabid’a ba d’a.

Ezekiyel 4:14

An dala: Alë! Salad’a Ma didina, an wal lei kahle suma ndjendjed’a ni dedei, an te nga vama mat toze vama vana vuma yan tu d’i, kazongôn dei gak ini. Vama ndjendje tu pî, mi ngen nga avunan ndi!

Gat ta a hat á mbàd’id’a 23:11

gak fladege, mi mbus sei ki mbina, bugol la afata nik dad’a, mi kal kur kangâ tua.

Sunda hi suma hi Levi-nid’a 16:24

Mi mbus tam mbei aduk mbina ata yima ding ma a tinim iram vama, mi hulong tchuk baru mama atamu, mi i he va mam ma ngat buzu ma ngala ki ma hablau sumina, mi zlup yam tcho mamba ki d’a hi sumid’a mi.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

Hebre-na 9:1

Vun ma djin ma avo’â nga ki vun ma hed’a á kud’or Alona kur gong mamba ka hî yam andagad’a.

Hebre-na 6:5

suma a djuk zla d’a djivid’a hAlonid’ina, a we ad’enga hatchogoi d’a nga d’i mbad’a mi na,

Hebre-na 2:5

Kayam andaga d’a nga d’i mba d’a ami nga dami kat wanda, Alona mi hat nga ad’u ad’enga hi malaikanid’a d’i.

Gat ta a hat á mbàd’id’a 21:6

Suma nglo suma kur azì ma nglo ma go ki mad’a sa mámina, a mbus abozi yam amuhl hla a kuzut mogonot kur hor ndatid’a,

Sunda hi suma hi Levi-nid’a 16:4

Mi mbus tam mbeyo, mi tchuk baru d’a ngol la luluî d’a a tinit irat vata atam ki kalsong ma luluîna, mi djin d’ik ma luluîna furumu, mi d’ut kadamul la luluîd’a kam mi. Wana ni baru ma a tinim iram vam ma mam tchugum atama.

Buzuk ka Abud’a 40:12

Ang mba ki Aron azi ki groma avun zlub’u d’a ngaf tad’a, ang dazi ala a mbus abozi kasezi woyo.

Hebre-na 13:9

Ar hat ta ding nga tetenga vid’igi woi d’i. Djivid’a ei sirei ni sira kur sumad’a hAlonid’a, wani nga ni yam te ma teteng ma ndak á le va ki suma a tin huruzi kama d’uo na d’i.

Hebre-na 6:2

yam hat ta yam batem mba tetenga kabo ma tin ma yam sanina, yam tchol la akulo aduk suma matnid’a ki sariya d’a didinda d’uo d’a.

Efes-sâ 1:10

Ni nga hurâ hAlona ma mi ngam kurum á ndagam vunam ata yima dabid’a á tok ahlena pet suma sä akulona ki suma yam andagad’ina tu ad’u amul ma tuna, nala, Christ.

Galat-na 4:9

Wani ki tchetchemba, agi wagi wa Alona, kal pet Alona mi wagi mi. Ni nana ba, agi dok hulongôgi ata hat ta adjeu d’a amangeî d’a hohoud’a d’ei ge? Agi min mbud’ugi magumei mazina d’ei zu?

Marik 7:4

Le azi tcholï su’â ni, a nga te va d’i mbeî a mbuzî tazi tua. Ahle suma dingâ ngola a nga, ni suma azi a vazi a nga ngomozina, nala, mbus hur kopma ki duguyona ki duguyo suma a yorozi ki kawei ma hleunina mi.

Sunda hi suma hi Levi-nid’a 22:6

Sama mi do ahle suma hina na, mba mi mbut ndjendjed’a gak fladege, mi te he d’a hawa d’a a tinit irat vata d’i, wani mi mbus tam mbei aduk mbina.

Buzuk ka Abud’a 29:4

Ang mba ki Aron azi ki groma avun zlub’u d’a ngaf tad’a, ang dazi ala a mbus abozi kasezi woi ki mbina.

Ndumba 6:3

ar mi tche süm guguzlu d’a azleîd’a d’oze süm ma azleî ma a gizeyêm ki süm ma ayînina d’i, ar mi te vud’a guguzlu d’a arid’a d’oze d’a sod’a d’uo mi.

Hebre-na 7:12

Wani le a mbut sunda hi suma ngat buzunid’a kä ni, mbeî a mbut gata kä mi.

Sunda hi suma hi Levi-nid’a 13:58

Baruna d’oze vayirâ, d’oze baru ma aduburo’â, d’oze vama lara ma a lum ki ba’â ma a mbuzum mbei ma guvur mamba pat teina, a mbuzum mbei yang á mbàd’a; mba mi mbut yed’et mi.