Hebre-na 7:26 - Bible azumeina

²⁶ Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

Hebre-na 7:26 Referans Kwoze

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

1 Jean 2:2

Ni ma he tam mbei vama ngat buzuna kei kayambala Alona mi vat hurum mbei yam tcho meid’a d’a. Nga ni yam tcho meid’a hol li, wani ni yam tchod’a hi suma pet mi.

Hebre-na 8:1

Zla d’a kal papa d’a ami dagizid’a ba wana: Ei nga ki ma ngol ma ngat buzu ma i kak sä akulo ata bik ka ndjufa hi zlam mba amula hAlo ma ad’eng ma kal papanina.

1 Pierre 2:22

Mam le nga tchod’a d’uo, a hum nga zla d’a kad’a avunam mbuo mi.

1 Jean 3:5

Agi wagi ala Jesus Christ mi nde tam mbei ná hle tchod’a hi sumid’a woyo. Tchod’a nga kurum mbi.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Wana ni Zla d’a Djivi d’a Luc mi b’irita 23:47

Ata yima ma ngol ma azigarâ abom kis ma Romê-na mi wahle suma a lenina, mi gile Alona mi dala: Gagazi, sa máma ni sama d’ingêrâ.

Wana ni Zla d’a Djivi d’a Luc mi b’irita 23:41

Sariya meid’a ni d’ingêr, kayam ei fei ni wuraka yam sun mei d’a led’a, wani sama wana mi le nga tcho d’i.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.

1 Pierre 1:19

Wani mi wuragagi woi ni ki buzu ma kal teglesâ hi Christ-sâ. Christ ni d’igi Gor timi ma bei tchod’a ma bei ndala atam ba na na.

Hebre-na 7:11

Sun nda ngat buzuna d’a a hat mi suma hi Levi-nid’a, nad’u tinda hi gat ta Alona mi hat Israel-lîd’a. Wani ladjï sun mazi d’a ngat buzuna ti nda’î memed’u ni, ni kayam me ba, a hal ma ngat buzu ma ding ma d’igi Melkisedek na ba, nga d’igi Aron na d’uo ge?

Hebre-na 2:10

Kayam Alo ma lahlena pet ma ahlena pet a nga ni ved’a aboma, ni djivid’a iram á mbut Jesus sama ndak memetna yam ndak ka mi fata, á mba ki grona ablaud’a kur subur mamba. Kayam Jesus ni Salazi ma sud’uzina.

Sunda hi suma a sunuzinid’a 4:27

Gagazi, kur azì ma ngol ma wana a kak djangûna kazong mang ma bei tchod’a ba na, nala, Jesus ma ang manama. Herot ki Pôs Pilat kandjaf suma dingâ ki Israel-lâ a zlap vunazi kamu.

Sunda hi suma a sunuzinid’a 3:14

Wani agi noyôgi Ma bei tchod’a ma d’ingêrâ, agi tchenegi Pilat ala mi gagi ma tchi matna akulo.

Jean 14:30

An dok de zla ki sed’egi ngol luo d’a, kayam ma te yamba hi duniyad’a nga mi djïya. Mi nga kad’enga kan ndi,

Jean 8:29

Mam ma sununïna, mi nga ki sed’enu, nga mi aran van ndi, kayam an nga ni lahle suma lum tam djivid’ina burâ ki burâ.

Wana ni Zla d’a Djivi d’a Luc mi b’irita 24:46

Mi dazi ala: A b’ir kur mbaktumba hAlonid’a ala: Mesi mba mi fe ndaka, mba mi tchol akulo aduk suma matna kur bur ma hindina.

Wana ni Zla d’a Djivi d’a Luc mi b’irita 24:26

Mbeî Mesi mi fe ndaka yam ahle ndazina tua ba, mi kal kur subur mamba d’uo zu?

Wana ni Zla d’a Djivi d’a Luc mi b’irita 23:22

Pilat mi dazi kua yam á hindid’a ala: Ana ge? Mi le ni tcho me ge? An fe nga zla d’a ndak á tchid’id’a kam mbi. Kayam ndata, an nga ni tomu, ni gum akulo.

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Matiye 27:18

Kayam mi we tcha ala ni yam yungôra ba, a hum ki Jesus wana.

Isai 53:9

A kam zulumî aduk suma asa’atna, wani a tozomî ki suma ndjondjoîna. Hina pet pî, mi le nga sa tcho d’i, a fe nga zla d’a kad’a avunam mbuo mi.

Sawal la giled’a 68:18

Pus ma dur ayîna hi Ma didinina mablaud’a heî, mi ni dudubud’a ablaud’a mi. Salad’a mi tcholï ki sed’em Sinai, mi mba ata yam ma kak ma a tinim iram vama kur Siyon.

Buzuk ka Abud’a 28:36

Agi yorogi lor ra kal tegles sa bebed’ed’a, agi b’irigi kua d’igi sana mi b’ir simiyêm kur tampong mama na ala: Ma didina ni Ma bei tchod’a ba na.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina:

Ndumba 29:26

Kur bur ma vahlâ agi hagi amuzlei suma azungeîna zlengâ, gamlâna mbà, gro tumiyô suma bizazi tutu suma bei dakina dogo yam fid’i

Hebre-na 2:17

Kayam ndata, mbeî mi mbut tamî d’igi b’oziyoma na kur ahlena pet, kayam mi mbut mazi ma ngol ma ngat buzu ma d’engzeng ma we hohowa suma kur sun mamba avok Alona, kayam Alona mi vat hurum mbei yam tchod’a hi sumid’a.

Hebre-na 3:1

Kayam ndata, agi b’oziyon kretiyê suma Alona yagina, agi tinigi iragi yam Jesus ma Alona sunumï á mbut Ma ngol ma ngat buzuna yam he gagazi d’a ei nga dei woi kata.

Ezekiyel 44:27

Kur bur ma mi kal hur atrang nga krovod’a avun gong man nda kud’orina, ar mi he vama ngat buzu ma yam tchod’ina. An Salad’a Ma didina ni de na.