Hebre-na 6:4 - Bible azumeina

⁴ Yam suma a we woi tetet suma a djuk he d’a hawa d’a tcholï akulod’a suma a fe b’raud’a hi Muzuk ma bei tchod’a ba

Hebre-na 6:4 Referans Kwoze

Matiye 5:13

Jesus mi had’azi kua ala: Agi ni d’igi ndjuvuna hi suma yam andagad’ina na. Le ndjuvuna ayâm pat teyo ni, a mba minim ni ki me ge? Mi ndak á le va d’i, wani a komzi ni woyo; suma a mba mired’em kä kaseziya.

Jean 15:6

Le sama nga kaka zlapa tu ki sed’en nduo ni, Abun mba mi gum mbei d’igi a gabo guguzlud’a woi na, mba mi so woi mi. Bugola, a togomu, a tchugum aduk akud’a, a ngalam mbeyo.

Efes-sâ 2:8

Alona mi sud’ugi ni yam suma mamba ata lovot ta he gagazid’a. Wani nata sun magi d’a led’a d’i, kayam sana mi subur ki tam mbi. Wani ni he d’a hawad’a hAlonid’a.

Jean 3:27

Jean mi hulong dazi ala: Le Alona mi he va mi sa d’uo ni, sana mi ndak á le va yam tam mbi.

Hebre-na 10:32

Wani agi djib’eregi yam bur ma avo’â. Ata yima agi wagi b’od’a hAlonid’ina, agi vagi tagi ad’enga kur ndjiget ta ngola ki djop vuna.

Matiye 12:45

Wani mi iya, mi yoï muzuk ma tcho ma dingâ kid’iziya ma kalam ki tchod’ina, a tchuk kur gong ndata, a kak kua. Sa máma tcho mam mba dananda mba d’i kal la avoka. A mba le hina dedege ki suma tcho suma kur atchogoi d’a wandina mi.

Galat-na 3:2

an nga ni djobogi va tu. Na ni agi fagi Muzu’â hAlonina ni yam sunda hi gat ta agi lata, d’oze ni yam Zla d’a Djivi d’a agi humut ta agi hagi gagazid’a kata zu?

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.

1 Jean 5:16

Le sana mi we wiyema mi le tcho d’a ndak á im kur matna d’uo d’a ni, mi tchen Alona kamu. Hina wani, Alona mba mi hum arid’a, nala, nga mi he arid’a mi suma le nga tcho d’a ndak á izi matna d’uo d’a. Wani tcho d’a le d’a ding nga ndak á i sana kur matnid’a ti nga. Ni kayam ndata ba, an nga ni dala: Ar mi tchen Alona kad’u d’i.

Hebre-na 2:4

Ata yi máma, Alona tamba mi le glangâsâ zlapa ki sed’ezi kahle suma simata kahle suma atchapma kahle suma ndandalâ teteng, yam he d’a hawad’a hi Muzuk mam ma bei tchod’a ba na d’a mi b’rawat mi suma yam min mambid’a.

1 Timote 4:14

Ang gol he d’a hawa d’a Alona hangzid’a ta d’i. Ni d’a suma djok vun Alona a dat zlat tei ata yima suma nglo suma gol Toka a tin abozi kangâ.

Sunda hi suma a sunuzinid’a 11:17

Le Alona mi hazi he d’a hawad’a d’igi mi heizi mi ei kid’a ei hei gagazid’a yam Salad’a Jesus Christ-sa na ni, an ni nge ba, ni d’el Alona ge?

Efes-sâ 4:7

Nge nge pî Alona mi hum he d’a hawad’a d’igi Christ mi humzi na.

Efes-sâ 3:7

An mbut ma a sunuma á tchi wal Zla d’a Djivid’a yam sumad’a hAlonid’a. Kur djivi mamba mi han ad’eng mamba á le sunda.

Sunda hi suma a sunuzinid’a 10:45

Juif suma a he gagazid’a suma a mba ki Pierre-râ a le atchap, kayam Alona mi vo Muzuk ma bei tchod’a ba na yam andjaf suma dingâ mi.

Sunda hi suma a sunuzinid’a 8:20

Wani Pierre mi dum ala: Ang ba woi ki bege manga, kayam ang djib’er ala á fe he d’a hawad’a hAlonid’a ni ki beged’a!

Jean 6:32

Kayam ndata, Jesus mi dazi ala: Gagazi, an nga ni dagiya, ni Moise ba, mi hagi te ma tcholï akulona d’i, wani nAbun ba, mi hagi te ma gagazi ma tcholï akulona.

Ndumba 24:3

Mi de zla d’a d’ogol mamba ala: Wana ni zlad’a hi an Baläm Beyor goromid’a, Wana ni zlad’a hi an sama ni we woi tetetna,

Galat-na 3:5

Ata yima Alona mi hagi Muzuk mamina, mi lahle suma ndandalâ adigagi ni yam sunda hi gat ta agi lata, d’oze ni yam Zla d’a Djivid’a agi humut ta agi hagi gagazid’a kata zu?

Sunda hi suma a sunuzinid’a 15:8

Alona ni ma we hur sumina, mi le glangâsâ woi kazi ala mi hazi Muzuk ma bei tchod’a d’igi mi heizi mi ei avok na.

Jean 4:10

Jesus mi hulong dat ala: Ladjï ndak we he d’a hawad’a hAlonid’a ki an ma ni dak ala: Ndak hanï mbiyo do’, an tche na ni, ni ndak ba mba tchenen mbiyo ma tched’a, an mba ni hak mbiyo ma he arid’ina mi.

2 Timote 4:14

Alezandre ma yor kawei ma hleuna, mi lan tchod’a ngola heî. Salad’a mba mi wuragam yam sun mam mba mi lata.

Romê-na 1:11

Kayam tan nga ni lan zlezleû á wagiya, á hagi he d’a hawad’a hi Muzu’â hAloninid’a á siragi ngingring mi.

2 Korente-na 4:4

Azi nga he gagazid’a d’i, kayam alo ma tcho ma kur duniya d’a wandina, mi duguzi irazi woyo. Mi d’elezi á we b’od’a hi Zla d’a Djivi d’a subura hi Christ ma hle tam dedege d’igi Alona na na.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Efes-sâ 1:18

An nga ni tchenem ala mi malagi djib’er magid’a woi á wagi vama mam yagi á tinigi hurugi kama, kahle suma djivi suma ndjondjoî suma mam nga mi ngomozi akulo yam sum mamina,

Sunda hi suma hi Levi-nid’a 13:55

Bugol bur ma kid’iziya ma a mbuzum kuana, mi golom kua. Le guvur ndata ti djok nga zla d’a ding nguo, ti i nga avogovok kuo ni, va máma mi ni ndjendjed’a; ar a ngalam mbei kakud’a, kayam nabom ma ding ma ad’u kä na tu ba, mi b’laga.

Sunda hi suma hi Levi-nid’a 14:43

Le tugud’ei ndata ti huruguk hur gonga kua, bugol la a pat ahuniyôna woi a hurogot tei a gulud’uta ni,