Biblia Todo Logo
Bib sou entènèt

- Piblisite -




Hebre-na 6:12 - Bible azumeina

12 Kayam ndata, ami minimi ala agi lagi azulomba d’i, wani agi lagi d’igi suma a he gagazid’a suma a ve tazi á ve vama Alona mi hle vunam kama na.

Gade chapit la Kopi




Hebre-na 6:12
36 Referans Kwoze  

Agi djib’eregi yam suma nglo suma avorogi adjeu suma a tchagi wal zlad’a hAlonid’ina. Agi djib’eregi yam tit mazid’a ki mat mazina, ar agi hlagi balum asezi yam he gagazi mazid’a.


Kayam ndata, ar agi vagi tagi ad’enga á le minda hAlonid’a, kayam agi vagi vama mam hlagi vunam kama.


Wana ni vama Christ mi hle vunam kam á heizina: Nari d’a didinda.


Ar agi lagi azulomba kur sun nda led’a d’i. Ar agi lagi sunda mi Salad’a ni ki zlezleûd’a.


Ami nga ki zla d’a ngola á dagi yam zla ndata, wani ad’enga á vad’ud’a, kayam agi mbud’ugi aneka á hum zlad’a.


Kayam ndata, b’oziyona, ar agi b’ad’agi tagi á tchologi ngingring yam yi d’a Alona mi yagid’a ki man nda mi managid’a mi. Le agi nga lagi ahle ndazina ni, agi mba aragi he gagazi magid’a woi d’i.


kayam agi wagiya, kuk ka nga d’i kuk he gagazi magid’id’a, nga d’i zud’ugi á ve tad’a.


Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina.


Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?


Mam nabu suma ngat bayâd’a mi. Wani ni yam ngat bayâ mazid’a hol li, ni yam tit mazi d’a kur lovot ta he gagazid’a mi d’a, d’igi abui ngolo Abraham mi tit kua avok ka mam bei ngat bayâd’id’a na mi.


Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.


Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.


Sama mi le sunda ndjondjôna ni sama b’lak yina wiyema.


Wani sama a ngam yam dangeinina, mba mi i kur dangeina; sama a ngam á tchid’a ki mbigeu d’a fiyakina, a mba tchum ki mi. Wana ni ve tad’a hi suma hAlona suma a he gagazid’ina.


Ni yam he gagazid’a ba, azi kus yam andagad’a teteng, azi le sun nda d’ingêra, azi fe vama Alona mi hlazi vunam kama. Azi duk vun azlona,


Kayam ndata, Abraham mi ve tam ad’enga gak mi fe vama Alona mi hlum vunam kama.


Kayam ndata, ami nga suburumi tami kur Tok ka tetenga hAlonid’a kagi yam ve ta magid’a ki he gagazi magi d’a kur ndakid’a ki djop vun ma agi nga kurâ mi.


Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.


An nAlona hi Abraham-ma, Alona hi Isa’â, Alona hi Jakob-ma mi d’a d’uo zu? Alona nAlona hi suma arinina, nga nAlona hi suma matnina d’i.


Lovota hi sama azulombid’a ti ni d’igi kangâ ma aweid’a na, wani lovota hi suma d’ingêrîd’a ti ni minda woi papana.


Minda hi sama azulombid’a nga d’i mba ki va tu d’i, wani minda hi suma a le sunda akud’a kekengâ mba d’i mbazi ki duzîd’a.


Suma a nga le sunda akud’a kekengâ, a mba te yam suma, wani suma a nga le sunda ndjondjôna a mba ka’î magumeina hi sumina mi.


Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.


Ma houd’a mi mid’a, malaikana a hlum sä gen Abraham. Ma ndjondjoîna mi mit mi, a tozomu.


Wani salama mi hulong dum ala: Ang azong ma tcho ma azulomba, ang le wala an nga ni dut ata yima an yak nga kua d’uo na, an nga ni tok ata yima an zar nga kua d’uo na mi ni,


Suma pola a dala: Ndak ka djif aduk aropma heîd’a, ndak le we nga d’uo ni, ndak i tchit asem d’uwar ma gureina, ndak i pol gro ahok ma’â huyok azina hi suma polina.


Kayam ndata, ar ang hle ni lovota hi suma djivinid’a, ar ang tit ni kur lovota hi suma d’ingêrîd’a mi.


Sama nga mi vit suma iratna woi kur lovot ta tchod’ina, mba mi nde kur zul la mam tam djugud’ota, wani suma iratna a mba te djivid’a djona.


Sama azulomba nga mi mbut tam kä yam azang mama, d’igi bapma nga mi mbut ata kawei mama na.


Swiv nou:

Piblisite


Piblisite