Hebre-na 13:9 - Bible azumeina

⁹ Ar hat ta ding nga tetenga vid’igi woi d’i. Djivid’a ei sirei ni sira kur sumad’a hAlonid’a, wani nga ni yam te ma teteng ma ndak á le va ki suma a tin huruzi kama d’uo na d’i.

Hebre-na 13:9 Referans Kwoze

Efes-sâ 4:14

Kayam ndata, ar ei kagei d’igi kem suma simet ma lara ge pet nga mi tchazi tata kur hata hi suma kur lop ira ki lem mba vitina na d’uo d’a.

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

Romê-na 14:6

Sama nga mi wal burâ irama, mi walamî á hu Salad’a. Sama nga mi te tena petna, mi tumî á hu Salad’a, kayam nga mi le mersi mAlona. Sama nga mi te tena pet tuo na, mi te d’uo ná hu Salad’a, kayam nga mi le mersi mAlona mi.

1 Jean 4:1

Buniyôn suma od’a, ar agi hagi gagazid’a yam suma a nga dala azi nga ki Muzu’â na pet ti, wani agi kugugiziya, agi wagazi na ni muzuk máma tcholï ni gen Alona zu? Kayam suma djok vun suma lop ira ablaud’a a b’rau wa woi kur duniyad’a.

Sunda hi suma a sunuzinid’a 20:30

Suma a mba tchol nadigagi á hat hat ta tchod’a á tan suma a he gagazid’ina ad’uziya.

Jude 1:12

Sum ndazina a mbut ni vama dap asema ata yi magi ma darigïd’a, zulona nga lazi ki hop mazina d’uo mi. Azi ni d’igi d’ugul la bei mbina d’a simetna nga mi tchat tata d’a na. Azi ni d’igi agu ma le ni vun simetna pî nga mi vut tuo ma mi mit yam mbà ma a pad’am sideyem mbeina na.

1 Timote 6:20

Ang Timote, ang ngom ahle suma a hangzi abongâ. Ang hazigang mi djudjun nda hawa yak ka ndjak nga ki he gagazid’a d’uo d’a ki zla d’a tuguyo d’a azi nga yat ala ni ned’a d’a wani ni zla d’a kad’a.

Jude 1:3

Buniyôna, an min tan ngola á b’irigi mbaktumba yam sut ta ei fata. Wani le ni nana pî, an b’irigi mbaktum ndata á siragi ngingring á dur ayîna yam he gagazi d’a Alona mi hat yam tu mi sum mama peta.

2 Tasaloni’â 2:17

mi b’lengêgi hurugiya, mi siragi ngingring á le sunda djivi d’a lara ge pet ki zla d’a djivid’a.

Matiye 24:24

Suma ka zlad’a a mba tchol a mba yi tazi ala azi ni Mesi, suma dingâ a dala azi ni suma djok vun Alona. A mba lahle suma simat suma nglona kahle suma ndandalâ, kayam le a ndaga ni, a mba lop vun suma Alona mi manazina mi.

Matiye 24:4

Jesus mi hulong dazi ala: Agi gologi tagi djiviya, ar sa mi vid’igi woi d’i.

Kolos-sâ 2:4

An nga ni dagi hina, kayam sa mi lobogi ki lem mamba d’i.

2 Korente-na 1:21

NAlona tamba ba, mi sirami ami ki agi yam Christ, mi tini irei vei mi.

1 Korente-na 8:8

Ni yam tena ba, ei mba hud’i go gen Alona d’i. Le ei teya, d’oze ei tei d’uo pî, ei nga fei va kua d’i.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

Romê-na 14:2

Sama ding nga ki he gagazid’a á tahlena pet, wani ma ding ma amangeî ma kur he gagazid’ina, mi te ni hum aguna hol.

Sunda hi suma a sunuzinid’a 20:32

Ki tchetchemba, an aragi abo Alona, kur suma mam mba nga kad’enga á minigi akulo á hagi ahle suma djivi suma mam nga mi ngomozi akulo yam suma mi tinizi irazi vazina.

2 Tasaloni’â 2:2

Ar djib’er magid’a ti mbut atogo zak d’oze vunadigagi d’i pat yam djok vuna hi sa d’oze yam wal la tchid’a d’oze yam mbaktum mba ala ti tcholï ni hatami ala: Burâ hi Salad’ina mi mba wa da d’a d’i.

1 Korente-na 6:13

Agi nga dagi ala: Tena ni yam haid’a, haid’a ni yam tena mi. Gagazi, wani Alona mba b’lagazi woi djak. Hliu tad’a nga ni yam mizeuna d’i, wani ni yam Salad’a. Salad’a ni yam hliu tad’a mi.

Galat-na 6:1

B’oziyona, le sana mi puk kur tchod’a ni, agi suma Muzu’â hAlonina nga mi tagazi lovotina, agi hulongôm kur lovot ta d’ingêra ki lulumad’a. Wani ar nge nge pî adigagi mi gol tam djiviya, ar mi puk kur tcho ndata d’i.

Sawal la giled’a 112:8

Mi nga mi tchol ngingring, nga mi ring mandar ri gak mi we kus sa yam mam suma djangûnid’a.

Wana ni Zla d’a Djivi d’a Luc mi b’irita 5:38

Wani süm ma ayîna a selem mi kur agolongeî suma awilina.