Hebre-na 13:20 - Bible azumeina

²⁰ Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

Hebre-na 13:20 Referans Kwoze

Jean 10:11

An ni Ma pol tumiyô ma djivina. Ma pol tumiyô ma djivina nga mi he tam mbei yam tumiyôna.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

Sawal la giled’a 23:1

Ni sawal la David mi hlata. Ma didina ni ma polona; va mba kid’agan ndi.

Romê-na 15:33

Ar Alo ma hei b’leng nga halasina, mi kak ki sed’egi pet. Amin!

Ezekiyel 37:26

An mba ni djin vun ma halasa ki sed’eziya. Ni vun ma djin ma gak didina. An mba ni tinizi kua, an mba ni zuluziya, an mba ni tin gong man nda kud’ora adigazi gak didin mi.

2 Tasaloni’â 3:16

Ar Salei ma b’leng nga halasa, mi hagi b’leng nga halasa teteu ata yina pet. Ar Salad’a mi kak ki sed’egi pet mi.

Jean 10:14

An ni Ma pol tumiyô ma djivina. D’igi Abun mi wan an wAbun mi na, an we tumiyô mana, tumiyô mana a wan mi. Kayam ndata, an nga ni he tan ndei á matna yam tumiyô mana.

Zakari 9:11

Ma didina mi dala: Yam vun man ma djin ma ki sed’egi yam buzuna hi vama ngat buzunina, an mba ni tchuk magi suma a nga kä kur golong nga bei mbina ba d’ina akulo.

Sunda hi suma a sunuzinid’a 2:24

Wani Alona mi tcholom akulo, mi pad’am mbei kur ndaka hi matnid’a, kayam matna nga kad’enga á vum kä d’i.

Buzuk ka Abud’a 24:8

Moise mi go buzu ma kä kur halîna, mi yamam yam Israel-lâ, mi dazi ala: Wana ni buzu ma Ma didina mi djin vunam kam ki sed’egi yam zla d’a pet ta mam dagizid’ina.

1 Pierre 2:25

Kayam adjeu agi ni d’igi tumiyô suma a vit teina na, wani ki tchetchemba, agi hulongôgi wa gen Ma pol ma ngomogina.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Sunda hi suma a sunuzinid’a 3:15

Agi tchagi Sala arid’a, wani Alona mi tcholom akulo aduk suma matna. Ami ni suma glangâsâ yam zla ndata.

Isai 63:11

Ata yi máma sum mama a djib’er yam bur ma kalâ yam atchogoid’a hi Moise-sa, a dala: Mam ma mi djagazi alum ma ngolâ woi ma polozina, mi nga ni lara ge? Ma mi tin Muzuk mam ma bei tchod’a adigazina, mi nga ni lara mi ge?

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.

1 Tasaloni’â 1:10

á djup Gorom ma nga mi tcholï akulo mi mba na ge. Ni Goroma Jesus ma mam tcholom akulo aduk suma matnina, ni Ma nga mi sud’i woi kur ayîna hAlona ma nga mi mbana.

Kolos-sâ 2:12

Kayam a tozogi zlapa tu ki Christ kur batemba, kurut a tchologi zlapa tu ki mam mi, kayam agi hagi gagazid’a yam ad’eng nga Alona mi tagat tei ata yima mi tcholom akulo aduk suma matnina.

Jeremi 32:40

An mba ni djin vun Ma djin ma didina ki sed’eziya, an mba ni wal lei ki sed’ezi d’i. An mba ni lazi djivid’a, an mba ni kal mandar mana kuruziya, kayambala azi wal lei ki sed’en nduo d’angû d’a.

1 Sunda Hamuleinid’a 16:17

Ni gat mam mba mi tinit mi Jakob-pa, mi tinit mandjafâ hi Israel-lîna tala ti ka’î hina gak didinu d’a.

1 Pierre 5:4

Fata Ma ngol ma kal tegles ma pol tumiyôna mi nde woid’a, agi mba fagi avaval la subura bei wile mata dap pei ba d’a.

Hebre-na 10:29

Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu?

Hebre-na 9:20

Mi dala: Wana ni buzu ma hle tam ki vun ma djin ma Alona mi hagi vuna kama.

1 Tasaloni’â 5:23

Ar Alo ma b’leng nga halasa mi tinigi iragi vagi mi mam tamba memet. Mi ngomogi muzugagi ki tagi ki hliwigi pet bei zlad’a kagi ba fat ta mbad’a hi Saleina Jesus Christ-sa.

Filip-ma 4:9

Ahle suma agi had’agizina kahle suma agi vagizina kahle suma agi humugizina kahle suma agi wazi atana, ar agi laziya. Hina wani, Alo ma b’leng nga halasa mba mi kak ki sed’egiya.

Romê-na 8:11

Wani le Muzu’â hAlona ma mi tchol Jesus akulo aduk suma matnina mi nga kaka kurugiya ni, Alo ma mi tchol Christ akulo aduk suma matnina mba mi hagi arid’a ata hliwigi ma matna ni yam Muzuk mam ma nga kaka kurugina mi.

Sunda hi suma a sunuzinid’a 5:30

Alona habuyoi ngolona mi tchol Jesus ma agi tchum ata agu ma b’alina akulo aduk suma matna.

Matiye 26:28

kayam ma wana ni buzuwanu. Ni vun ma djin ma awilina hAlonina, ni buzuwan ma mba mi djang ngei yam ablau sumina, kayambala Alona mba mi vat hurum mbei yam tcho mazid’a d’a.

Ezekiyel 34:23

An mba ni tin ma pola kazi ni tu, nazong mana David. Mam mba mi poloziya, mam mba mi arî ma pol ma gagazina.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

2 Samuel 23:5

Alona mi le hina ki sum mana d’uo zu? Mi djin vun ma didina ki sed’enu; vun ma djin ma djivi máma mi nga mi ngomomu. Sut manda kahle suma djivina pet suma an minizina, a mba tcholï natam mam mbuo zu?

Efes-sâ 1:20

mba mi ndat tei yam Christ kid’a mi tcholom akulo aduk suma matna karid’a mi tinim á kak ata bigam mba ndjufa ata yima sä akulonid’a.

Galat-na 1:1

Ni an Paul. An ni ma a sunuma hi sumina d’i, d’oze hi sa d’uo mi, wani ni hi Jesus Christ kAbui Alona ma mi tcholom akulo aduk suma matna karid’ina.

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

2 Korente-na 4:14

Ami wami ala mam ma tchol Salad’a Jesus akulo aduk suma matnina, mba mi tcholomi zlapa ki Jesus. Mam mba mi ndami woi avorom zlapa ki agi mi.

1 Korente-na 15:15

Kal pet ami mbud’umi ni suma le glangâs ma aboina yam Alona, kayam ami dami ala: Alona mi tchol Christ akulo aduk suma matna. Wani le suma matna a mba tchol akulo d’uo ni, Alona mi tchol nga Christ akulo d’uo mi.

1 Korente-na 14:33

Kayam Alona mi yï ná le batranga d’i, wani mi yï ná kagei ki b’leng nga halasa. D’igi a nga le kur Toka hi suma hAlona d’a lara ge pet na,

1 Korente-na 6:14

Alo ma tchol Salad’a akulo aduk suma matna karid’ina, mba mi tcholei akulo karid’a kad’eng mamba mi.

Sunda hi suma a sunuzinid’a 17:31

Mi de na kayam mi nga wa bur ma mam mba mi ka sariya d’a d’ingêra yam suma kur duniyad’ina ki sama mam tinima. Kid’a mi tchol sa máma akulo aduk suma matnid’a, mi le glangâsâ woi kam avok suma pet ala mam mba mi le na.

Sunda hi suma a sunuzinid’a 13:30

Wani Alona mi tcholom akulo aduk suma matna.

Sunda hi suma a sunuzinid’a 2:32

Ni Jesus máma ba, Alona mi tcholom akulo; ami pet ni suma glangâsâ yam zla ndata mi.

Wana ni Zla d’a Djivi d’a Luc mi b’irita 22:20

Bugol tena mi hle kopma hina mi, mi dazi ala: Ma wana ni vun ma djin ma awilina hAlona ma mi djinim ki buzuwan ma mba mi djang ngei kagina.]

Marik 14:24

Mi dazi ala: Ma wana ni buzuwanu, ni vun ma djin ma awilina hAlonina, ni buzu ma mba mi djang ngei yam ablau sumina.

Ezekiyel 37:24

Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.

Isai 61:8

Kayam an Ma didina ni min ni sariya d’a ka d’a d’ingêra, wani an noî hurumba ki sun nda tchod’a woyo. Gagazi, an mba ni wuragazi ngad’a yam sun mazi d’a azi lata, an mba ni djin vunan ki sed’ezi djin nda didinda.

Romê-na 16:20

Alo ma hei b’leng nga halasina mi ar go á miret Seitan kä ad’u asegiya. Ar Saleina Jesus mi vagi sumad’a.

Romê-na 1:4

ni ma Muzuk ma bei tchod’a ba na mi de woi kam kad’enga ala mam mi Alona Goroma ata yima mi tcholom akulo aduk suma matnina, ni Jesus Christ Saleina.

Sunda hi suma a sunuzinid’a 4:10

ar agi pet wagi djiviya, agi Israel-lâ pet wagi mi, ni kad’enga hi simiyê Jesus ma Nazarat ma agi b’alam akulo ata aguna ma Alona mi tcholom akulo aduk suma matnina ba, sa máma mi nga tchola akulo avorogi wana.

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

2 Sunda Hamuleinid’a 30:12

Alona mi le sunda ki suma Juda-na, mi hazi hur ma tuna á le sunda yam vun ma hed’a hamulîna ki ma hi mam suma nglo suma sundina d’igi Ma didina mi de na.

Romê-na 10:7

D’oze ala: Ni nge mba mi surop kä kur zul la yiyika ge? (Nala, á tchol Christ akulo aduk suma matna.)