Hebre-na 12:29 - Bible azumeina

²⁹ kayam Alo meina naku d’a nga d’i ngal ahlena woid’a.

Hebre-na 12:29 Referans Kwoze

Gat ta a hat á mbàd’id’a 4:24

Kayam Ma didina Alo magina naku d’a ti ngal yinid’a, nAlo ma yungôrâ mi.

Gat ta a hat á mbàd’id’a 9:3

Agi wagi ini ala ni Ma didina Alo magina ba, mba mi tit avorogi d’igi aku d’a ngal yinid’a na; ni mam ba, mba mi b’lagazi woyo; ni mam ba, mba mi hulongôzi yazi kä avorogiya. Agi mba hlagiziya, agi mba dabazi woi atogo zak d’igi mi de na mi.

Hebre-na 10:27

Wani vama arâ ba wana: Ei nga djubi ki mandarâ sariya d’a nga d’i mbad’a hAlonid’a kaku d’a bibiliu d’a mba d’i ngal suma bei hum vun Alonina woid’a.

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Buzuk ka Abud’a 24:17

Subura hi Ma didinid’a ti nde woi ir Israel-lâ ni d’igi sin aku d’a nga d’i ngal akulo yam ahinad’id’a na.

Daniel 7:9

Daniel mi de kua ala: Ata yima an nga ni gol tua na, a ndjar zlumiyôna kä, ma abizei ma dedeina mi mba mi kak yam zlam mba dinga tu. Baru mam mba atamba ti hapa d’igi gagarad’a na, tumus sa kamba ti djifâ luluî d’igi tumus tumiyôna na. Zlam mamba nga d’i ngal d’igi sin akud’a na, abot ni d’igi abo pus ma akud’a na,

Sawal la giled’a 97:3

Akud’a nga d’i ngal avoromu, nga d’i ngal suma djangû suma a nguyuma.

Sawal la giled’a 50:3

Alo meina nga mi djïya, nga mi kak ki vunam ma du’â d’i, aku d’a b’lak yina nga d’i ngal avoromu, babar ma ngolâ mi nguyumu.

Ndumba 16:35

Akud’a ti tcholï gen Ma didina, ti ngal suma kikis mbà yam dok vahl suma a mba ki dubang ma his djivid’a á ngalina woyo.

Ndumba 11:1

Israel-lâ a nga gureî gureî d’a tchod’a yam Ma didina. Ma didina mi huma, hurum zal ngola, mi sunï akud’a adigaziya. Ti ngal vun kangâ woi burut.

Buzuk ka Abud’a 15:7

Yam ngol mang nga kal teglesa, ang nga zut suma a kak djangûna ki sed’engâ kä; ang ar ayî mang ma bibiliuna nga mi ngalazi d’igi akud’a nga d’i ngal kuzad’a na.

2 Samuel 22:9

Andosâ mi buzuk kei atchinamu, sin akud’a ti nde woi avunamu, nga d’i yak tchutchum d’igi gordjona na.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Jeremi 25:37

Kangâna mi b’leng djed’et abo ayî ma bibiliuna hi Ma didinina.

Ezekiyel 38:19

Kur yungôr mana, kur ayî man ma aku ma bibiliuna, an nga ni dang ngei mbak ala: Kur bur máma andaga d’a Israel-la mba d’i yir gigidji.

2 Korente-na 5:11

Kayam ami suma nga lami mandara Salad’ina, ami nga halami suma ala a mbut huruziya. Wani Alona wami tetet; an wala agi wami kurugi woi tetet mi.

2 Tasaloni’â 1:7

Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

Hebre-na 10:31

Ni vama mandar ma ngolâ á ndabo Alo ma arina.

2 Pierre 3:7

Wani akulod’a kandaga d’a tchetchemba a nga ngomozi ki zlad’a hAlonid’a tu ndata á b’lagazi woi kakud’a kur bur ma a mba ka sariyad’a yam suma tchona á b’lagazi woina.