Hebre-na 12:15 - Bible azumeina

¹⁵ Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

Hebre-na 12:15 Referans Kwoze

Hebre-na 3:12

B’oziyona, agi gologi tagi djiviya, ar sa adigagi mi kak ki hur ma tcho ma bei he gagazid’a á wal lei kAlo ma arina d’i.

Gat ta a hat á mbàd’id’a 29:18

Ar sa adigagi mandjuf foze atcha d’oze andjaf foze ades mi ar Alo meina ini woi á hulong á kud’or alona handjaf sum ndazina d’i. Ar sa adigagi mi mbut d’igi sidei agu ma aglarâ na d’uo mi.

Galat-na 5:4

Agi suma min mbud’ugi d’ingêr avok Alona á gagi yagi kä ad’u gatina, agi walagi woi ki Christ, agi kid’agagi woi ata sumad’a hAlonid’a mi.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

2 Jean 1:8

Agi gologi tagi djiviya, ar agi vid’igi vama agi lagi sunda kama woi d’i, wani agi fagi wurak magid’a kam memet.

1 Korente-na 15:33

Agi lobogi tagi d’i: Le sama djivina mi tit ki sama tchona ni, mba mi b’lagamu.

2 Pierre 3:14

Kayam ndata, buniyôn suma od’a, kur djup pa agi nga djubugi bur mámid’a, agi b’ad’agi tagi á kagagi suma yed’etna bei zlad’a kagi ba avok Alona, á kagagi ki sed’em kur b’leng nga halasa mi.

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

1 Korente-na 5:6

Subur ta magid’a nga ata yat ti. Agi wagi nga d’ala anguf fa ngiyeûd’a nga d’i subur afuta d’uo zu?

Jeremi 2:21

An pagi ni d’igi guguzlu d’a djivid’a na d’igi agu ma djivi ma kal teglesâ na. Ni nana ba, agi mbud’ugi tagi ndjendjed’a avoron d’igi guguzlu d’a abagei hur fulîd’a na ge?

Zla d’a d’ogolâ 4:23

Ang ngom djib’er ra kurung krovod’a kal ahle suma dingâ pet, kayam ni yima arid’a tcholï kuana.

Hebre-na 4:11

Kayam ndata, ei b’ad’ei tei á kalei ata yima tuk ta máma. Ar sa adigei mi so vuna d’igi suma adjeu hur fulâ a so vuna á kid’ak kei bei kal ata yima tuk tad’a na d’i.

2 Korente-na 13:5

Kayam ndata, ar agi gologi tagi djiviya, na ni agi nga hagi gagazid’a gagazi zu? Ar agi kugugi tagiya. Agi wagiya, na ni Christ nga kurugi gagazi zu? D’oze agi mba kid’agagi woi zu?

1 Korente-na 10:12

Kayam ndata, le sa mi djib’er ala mi ni tchola ni, mi gol tam djiviya ar mi puk kä d’i.

1 Amuleina 14:16

Mba mi arazi woyo, kayam Jerobowam mi zud’uzi á le tchod’a.

Hebre-na 6:11

Ami minimi ala ar nge nge pî adigagi mi kuk tam á we vama agi tinigi hurugi kama tetet gak bur ma dabid’a.

Gat ta a hat á mbàd’id’a 32:32

Wani guguzlu mazid’a nandjaf guguzlu d’a Sodom-mba, asine mazina nandjaf andaga d’a Gomor-ra. Vut guguzlu mazid’a ni d’igi kuma ma tchona na, ades guguzlu mazid’a nades guguzlu d’a aglara.

Gat ta a hat á mbàd’id’a 4:9

Moise mi dazi kua ala: Wani agi gologi tagi djivi burâ ki burâ kur kak magi d’a yam andagad’id’a tala ahle suma agi wagizi ki iragi pet wana, agi maragizi d’i, ar a buzuk kei kurugi d’uo mi d’a. Agi had’agizi mi grogina ki grogi ngolona mi.

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.

Efes-sâ 5:3

Wani agi ni suma a tinigi iragi vagina. Kayam ndata, ar mizeuna ki sun nda ndjendjed’a ki a’arad’a, ar agi yazi simiyêzi adigagi d’i.

Galat-na 2:13

B’oziyoi Juif suma dingâ a nga zlapa ki sed’em kur mbut ir ndata. Barnabas pî, mi nga zlapa ki sed’ezi kur mbut ir ndata mi.

1 Korente-na 13:8

O mamba nga d’i kak didin. Zlad’a hi suma djok vun Alonid’a mba d’i kal leyo, he d’a hawad’a á de vuna hi suma tetenga mba d’i dap peyo, wed’a hi sumid’a mba d’i kal lei mi.

Buzuk ka Abud’a 32:21

Moise mi de mi Aron ala: Sum ndazina a langî nana ba, ang arazi a le tcho d’a ngol ndata hina ge?

2 Pierre 3:11

Le ahle ndazina pet a mba b’lak kei hina ni, djivid’a agi tid’igi ni tit ta irata á le mandara Alona.

2 Pierre 1:10

Kayam ndata, b’oziyona, ar agi b’ad’agi tagi á tchologi ngingring yam yi d’a Alona mi yagid’a ki man nda mi managid’a mi. Le agi nga lagi ahle ndazina ni, agi mba aragi he gagazi magid’a woi d’i.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Isai 5:4

Vama ar ma an bei lum mi guguzlu mandina ni me ge? An tin hurun ala mba d’i vud’un ni vut ta djivid’a ba, ni kayam me ba, ti vud’un vut ta tchod’a zang nge?

Josue 6:18

Wani agi gologi tagi djiviya, agi dogi abogi ata ahle suma Ma didina mi hagi vuna kazi á b’lagazi woina do ba, agi mbagi ki ndaka ki b’laka yam kangâ hi Israel-lîna d’i.

Wana ni Zla d’a Djivi d’a Luc mi b’irita 22:32

wani an tchen wa Alona kangû, kayam he gagazi manga kid’ak ki. Wani ata yima ang hulong kur lovot mangina, ar ang sira b’oziyongâ.

Wana ni mbaktum mba Paul mi b’irit mi Tit-ta 1:15

Ir suma yed’etna, ahlena pet ni yed’et; wani ir suma tchona ki suma bei he gagazid’a, vama yed’etna nga d’i. Ne mazid’a ki djib’er ra kuruzi krovod’a ni ndjendjed’a.