Hebre-na 12:13 - Bible azumeina

¹³ Agi tid’igi kur lovot ta djivi d’a d’ingêra, kayam asegi ma dileîd’a mi hulongeî d’i, wani mi sira ni sira.

Hebre-na 12:13 Referans Kwoze

Galat-na 6:1

B’oziyona, le sana mi puk kur tchod’a ni, agi suma Muzu’â hAlonina nga mi tagazi lovotina, agi hulongôm kur lovot ta d’ingêra ki lulumad’a. Wani ar nge nge pî adigagi mi gol tam djiviya, ar mi puk kur tcho ndata d’i.

Isai 35:3

Agi siragi abo ma mi mbut amangeîd’ina, agi siragi guguf ma nga mi zlak kekeb’ena mi.

Isai 35:6

Suma dileîd’a a mba pir akulo d’igi dugiyona na, suma ndumîd’a a mba de zlad’a woi ki furîd’a, kayam mbina nga mi djang iram hur fulâ, toliyonda nga d’i djang irat abo ma Araba-na mi.

Jacques 5:16

Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.

Wana ni Zla d’a Djivi d’a Luc mi b’irita 3:5

Hora pet mba d’i tos seyo. Ar a blas ahuniyô suma nglona ki yima ndingâ kä woyo. Vama gunda mba mi d’oba, yima ndjondjohlâ a mbud’um papana mi.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Jeremi 18:15

Wani sum mana a maran ndeyo, a nga ngal dubang ma his djivid’ina mi filei ma hawa ya’â, a nga lá puka kä kur lovot mazid’a, a ar lovot mazi d’a adjeud’a woyo, a nga tit kur lovot ta sa nga mi tit kua d’uo d’a.

Isai 58:12

Ni agi ba, mba hulong minigi yima adjeu ma b’lak keina, agi mba tchologi ad’u ge d’a kur atchogoi d’a kal lei dedeid’a akulo. A mba yagi ala: Suma a min ir gulumun ma dris seina, suma a min lovot ta gureid’ina, suma a hulong mbut ambasa djivid’a á kak kurutna.

Galat-na 2:14

Wani ata yima an golozi a nga tit d’ingêr kur gagazid’a hi Zla d’a Djivid’a d’uo na, an de mi Pierre avunam mbei avok suma pet ala: Ang mala angî ma Juif-fâ na, ang nga tit d’igi andjaf suma dingâ na, ang nga tit d’igi Juif-fâ na d’i. Ni kayam me ba, ang nga le andjaf suma ding suma a he gagazid’ina kad’enga ala a tit d’igi Juif-fâ na ge?

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.