Hebre-na 11:6 - Bible azumeina

⁶ Wani bei he gagazid’a, sana mi ndak á lAlona tam djivid’a d’i. Kayam sama min hut go gen Alonina, mbeî mi he gagazid’a ala Alona mi nga, mam mi ma nga mi wurak suma a nga halama mi.

Hebre-na 11:6 Referans Kwoze

Zla d’a d’ogolâ 8:17

An nga ni le yam suma a le kana, suma a nga halana a mba fan mi.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

Wana ni Zla d’a Djivi d’a Luc mi b’irita 12:31

Wani agi halagi leud’a hAlonid’a avok tua ba, mam mba hagi ahle suma arâ kam kua.

Sawal la giled’a 119:10

An nga ni halang ki hurun pet; ar an d’es sei yam vun mang ma hed’a d’i!

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

Romê-na 10:14

Le azi hum gagazid’a d’uo ni, azi mba yumî nana ge? Le azi hum zla mamba d’uo ni, azi mba hum gagazid’a ni nana ge? Le sama tchi wala nga d’uo ni, azi mba hum zla mamba ni nana ge?

Hebre-na 3:12

B’oziyona, agi gologi tagi djiviya, ar sa adigagi mi kak ki hur ma tcho ma bei he gagazid’a á wal lei kAlo ma arina d’i.

Sawal la giled’a 73:28

Wani vama lan tan furîd’ina, ni d’ala an hut go geveng ang Alona d’a. Salad’a, Ma didina, an tin hurun ni kayam ang á de zla sun nda ang lata woi pet.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

2 Pierre 1:5

Kayam ndata, ar agi b’ad’agi tagi á igi avogovok kur he gagazi magid’a, agi tid’igi kur sun nda djivid’a, agi wagi ad’u minda hAlonid’a,

Hebre-na 4:6

Suma a hum Zla d’a Djivid’a avo’â a kal nga kua a tuk tazi ki sed’em mbi, kayam a he nga gagazid’a d’i. Wani Alona mi he lovota mi suma hiuna á kal kua.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

2 Pierre 3:14

Kayam ndata, buniyôn suma od’a, kur djup pa agi nga djubugi bur mámid’a, agi b’ad’agi tagi á kagagi suma yed’etna bei zlad’a kagi ba avok Alona, á kagagi ki sed’em kur b’leng nga halasa mi.

Ndumba 14:11

Ma didina mi de mi Moise ala: Sum ndazina a mba son vunan hina gaga’î mindja ge? Ahle suma simat suma an nga ni lazi adigazina hina pet pî, azi nga he gagazid’a kan nduo hina gaga’î mindja ge?

Jean 8:24

Kayam ndata, an dagi ala: Agi mba bogi kur tcho magid’a. Le agi hagi gagazid’a ala an ni Ma nga na d’uo ni, agi mba bogi kur tcho magid’a.

2 Pierre 1:10

Kayam ndata, b’oziyona, ar agi b’ad’agi tagi á tchologi ngingring yam yi d’a Alona mi yagid’a ki man nda mi managid’a mi. Le agi nga lagi ahle ndazina ni, agi mba aragi he gagazi magid’a woi d’i.

Hebre-na 7:19

Kayam gata hi Moise-sa ndak á le vama ndak memetna d’i, wani vama ei tini huri kam ma kal teglesâ mi mba wa. Kayam mamu, ei hud’i go gen Alona.

Sawal la giled’a 78:32

Hina pet pî, azi ar nga bei le tchod’a d’i, azi he nga gagazid’a yam sun mam mba ndandala d’uo mi.

Hebre-na 4:2

Kayam ei humi Zla d’a Djivid’a d’igi suma hur fulîna a humut na mi. Azi humud’u, wani azi le nga sunda kat ti. Kayam ata yima azi humutna, azi he nga gagazid’a kat tuo mi.

Zla d’a d’ogolâ 11:18

Sama asa’atna mi fe ni mbiyo ma mbut ira, wani sama nga mi zar d’ingêrîna, mi fe ni wurak ka gagazid’a.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Ndumba 20:12

Ata yi máma Ma didina mi de mi Moise azi ki Aron ala: Kayamba agi hagi nga gagazid’a kan nduo d’a, agi suburun nga avok ablaud’a d’uo mi d’a, agi mba kalagi ablau ndata kur ambas sa an nga ni hattchid’a d’i.

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Hebre-na 11:26

Mi djib’er ala mi fe ndaka yam Christ ni vama ndjondjoîna kal ndjondjoî d’a Ezipte-d’a, kayam mi tin iram yam wurak ka sä avoromba.

Marik 16:17

Wana nahle suma atchap suma suma he gagazid’a kana a mba lazina: Azi mba dik muzuk ma tchona woi kur suma, a mba de zlad’a ki vuna hi suma teteng mi.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Sawal la giled’a 58:11

Wani sama d’ingêrâ mba mi hel sanda kur bur ma ang mba hlatchugulina, mba mi tit aduk buzuna hi suma asa’atnina.

Wana ni Zla d’a Djivi d’a Luc mi b’irita 6:35

Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

Sawal la giled’a 106:24

Bugola, azi gol ambas sa djivid’a is, azi he nga gagazid’a yam zla mam mba ded’a d’i.

Wana ni mbaktumba hi Job-pa 21:14

Wani a nga de mAlona ala: Ang huttcha woi gevemi dei, ami min tid’imi yam gat manga d’i.

Sawal la giled’a 78:22

Kayam azi he nga gagazid’a kam mbi, a tin nga huruzi yam sut mamba d’uo mi.

Wana ni mbaktum mba a b’irit yam Rut-ta 2:12

Ar Ma didina mi wuragak yam djivi mak ka ndak lata; ar Ma didina Alona hi Israel ma ndak mba á ngei tak atama, mi wuragak ngola!

Matiye 6:16

Jesus mi had’azi kua ala: Ata yima agi d’elegi tagi bei te tenina, agi mbud’ugi tagi hohoud’a d’igi suma lop ira a nga le hina d’i. Kayam azi mbut tazi hohoud’a kayam suma a wazi ala azi nga d’el tazi bei te tena. Gagazi, an nga ni dagiya, a fe wa wurak mazid’a da’.

Matiye 6:5

Jesus mi had’azi kua ala: Ata yima agi nga tchenegi Alonina, agi lagi d’igi suma lop ira na d’i, kayam azi min á tchol akulo kur gongîyo mazi suma toka á tchenda, d’oze grak lovota á tchenda, kayam suma a waziya. Gagazi, an nga ni dagiya, a fe wa wurak mazid’a da’.

Jeremi 2:31

(Agi suma kur atchogoi d’a tchetchem wandina, agi djib’eregi yam zla d’a Ma didina mi data.) Agi Israel-lâ, an mbut ni hur fulâ d’oze ambas sa nduvun nda i’îlika kagi zu? Agi sum mana, ni kayam me ba, agi nga dagi ala: A tchugumi wa akulo da’, ami dok hulongômi geveng nguo ge?

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Matiye 11:26

Gagazi, Abunu, ang le hina ni min manga á lang tang djivid’a.