Hebre-na 11:37 - Bible azumeina

³⁷ A dur suma dingâ kahinad’a, a kuguziya, a ngad’azi ki sï ma kaweina aduk mbàmbà, a tchazi ki mbigeu d’a fiyaka, a tchuguzi bak tumiyôna ki bak b’ogeina ataziya, a nga tchazi irazi tata, a mbud’uzi suma talala, a djobozi vunaziya, a lazi tchod’a heî mi.

Hebre-na 11:37 Referans Kwoze

2 Sunda Hamuleinid’a 24:21

Ata yi máma a ndjak vunazi kamu, a durum kahinad’a yam vun ma hed’a hamulîna, a tchum kur gulumuna hi gong nga kud’ora hi Ma didinid’ina.

Jeremi 26:23

A veï Uriya Ezipte, a mbam mamulâ. Amulâ mi tchumu, mi gum mad’am kur zula hi suma hawanid’a.

1 Amuleina 19:10

Elie mi dum ala: Tan nga d’i lan zlezleû yam ang Ma didina Alo ma ad’engêng kal petna, kayam Israel-lâ a noî vun ma djin ma ang djinim ki sed’ezina woyo, a to yi mang ma teteng ma ngal ahle suma ngat buzuna woyo, a tchi mang suma djok vuna woi mi. An arî an van tu, azi nga halan á tchid’a mi!

2 Amuleina 1:8

Azi hulong dum ala: Sa máma ni ki baru d’a ngol la tumusa atamu, d’ik ma ba’â djinda furum mi. Amulâ mi dazi ala: Ni Elie ma Tisbe-na.

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

2 Korente-na 12:10

Kayam ndata, an nga ki furîd’a ata yima ad’engên nga d’uo na, ata yima suma a nga kragan ngulina, d’oze kur kid’aka d’oze kur djop vuna d’oze kur a’alîd’a yam Christ. Wani ata yima ad’engên nga d’uo na, an nga kad’enga.

Sunda hi suma a sunuzinid’a 14:19

Wani Juif suma hiuna a tcholï Antiyos sa Pisidi-d’a ki Ikoniyum, a mba, a zut ablau suma a dur Paul kahinad’a. A tanam mbei kele, a djib’er ala mi mit wa.

Wana ni Zla d’a Djivi d’a Luc mi b’irita 13:34

Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Matiye 21:35

Suma sunda a yo azungeî mama, a to ma hina, a tchi ma hina, a dur ma hindina kahinad’a mi.

Matiye 8:20

Jesus mi hulong dum ala: Beyaka ti nga ki zulud’u, aluweina a nga ki aziyaziya, wani an Gor Sana ni nga ki yima ni nik yan kuana d’i.

Matiye 3:4

Jean baru mam mba tchuka ni tumus djambala, d’i’â nga djinda furum mi. Te mama nabureina kayuma.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Jeremi 2:30

An to grogina ni hawa na, a hum nga gata d’i. Mbigeu magi d’a fiyaka ti kizak magi suma djok vuna woi d’igi azlona mi kizak ahlena woi na.

1 Amuleina 21:10

Agi tchologi suma asa’atna mbà avoromu, a tchugum zlad’a kam ala: Ang ngul Alona, ang ngul amulâ mi! Bugola, agi im mbei kel azina, agi durum kahinad’a baba, mi mid’a.

1 Amuleina 19:14

Elie mi dum ala: Tan nga d’i lan zlezleû yam ang Ma didina Alo ma ad’engêng kal petna, kayam Israel-lâ a noî vun ma djin ma ang djinim ki sed’ezina woyo, a to yi mang ma teteng ma ngal ahle suma ngat buzuna woyo, a tchi mang suma djok vuna woi mi. An arî an van tu, azi nga halan á tchid’a mi!

1 Amuleina 19:1

Ahap mi väd’u ahlena pet suma Elie mi lazina mi Jezabel, ki tchi d’a mi tchi mat suma djok vuna woi peta mi.

1 Amuleina 18:13

Na ni salana, sa mi dang nga yam ahle suma an lazi ata yima Jezabel ti tchi suma djok vuna hi Ma didinina woina d’uo zu? An ngei suma djok vun Alona kis, an walazi dok vahl dok vahl kur zul ahinad’a mi, an hazi tena ki mbina mi d’uo zu?

1 Amuleina 18:4

Ata yima amula Jezabel ti tchi suma djok vuna hi Ma didinina, Obadiya mi sut suma dingâ kis, mi ngeyezi kur zul ahinad’a dok vahl dok vahl, mi hazi tena ki mbina ata yi máma mi.

2 Samuel 12:31

David mi yo suma kur azinina, mi tinizi ata sun nda ngat aguna ki sïnid’a á wak ahinad’a ki djiga ma kaweina, á ka aguna kandjet ma kaweina, á tchi derengelâ mi. Mi le suma kur azì ma nglo ma Amon-na pet ni na mi. Bugola, mi hulong Jerusalem ki azigar mama pet.

1 Amuleina 19:13

Ata yima Elie mi hum zla ndatina, mi duk iram mbei ki baru mam mba ngola, mi nde mi tchol lei avun zul ahinad’a, mi hum del la dinga nga d’i dum ala: Elie, ang mba ka hî le ni me ge?

1 Amuleina 19:19

Elie mi iya, mi fe Elise Safat goroma nga mi zum kä kamuzleina kakapa dogo yam mbà. Elise tamba ba nga mi zum ki yazi d’a dogo yam mbàd’a. Elie mi hut go gen Elise, mi tchugum baru mam mba ngola kamu.

2 Amuleina 2:8

Elie mi yo baru mam mba ngola, mi d’ud’ud’u, mi wat ki mbiyo aluma. Aluma mi wal lei aduk mbà, azi djak a djak sä woi abo hî kasezi sod’a.

2 Amuleina 2:13

Bugola, mi yo baru d’a ngola hi Elie d’a tchuk kä d’a, mi hulong avun alum ma Jurdê-na.

1 Sunda Hamuleinid’a 20:3

David mi yo suma kur azinina, mi tinizi ata sun nda ngat aguna ki sïna, á wak ahinad’a ki djiga ma kaweina, á ka aguna kandjet ma kaweina mi. Mi le suma kur azì ma Amon-na pet ni na mi. Bugola, mi hulong Jerusalem ki azigar mama pet.

Zakari 13:4

Kur bur máma suma djok vuna a mba le zulona á djok vuna woi yam ahle suma a nde tazi woi irazina, a mba tchuk baru d’a ngol la tumusa á mbut ir suma d’uo d’a.

Hebre-na 11:25

Kayam mam min fe ndaka ki suma hAlonina kal mam fe djivid’a kur tchod’a ata yima ndjö wana.

Hebre-na 13:3

Agi djib’eregi yam suma a nga kur dangeinina, d’igi agi nga ni ki sed’ezi kur dangeina na mi. Agi djib’eregi yam suma suma a nga djobozi vunazina d’igi agi nga ni ki sed’ezi kur djop vuna na mi.