Hebre-na 11:31 - Bible azumeina

³¹ Ni yam he gagazid’a ba, Rahap atcha d’a gaulangâ ti mit nga zlapa ki suma bei hum vun Alona d’i, kayam ti ve suma d’u yina atat ki djivid’a.

Hebre-na 11:31 Referans Kwoze

Jacques 2:25

Ni hina ba, Rahap atcha d’a gaulangâ, ti mbut d’ingêr avok Alona ni yam sun nda ti lat ata yima ti ve suma a sunuzina avo hatat ti tinizi kur lovot ta dingid’a mi d’uo zu?

Matiye 1:5

Salmon azi ki Rahap a vut Bowas, Bowas azi ki Rut a vut Obed,

Matiye 1:1

Wana ni mbaktum mba yam andjafâ hi Jesus Christ ma ad’u andjafâ hi David ma ad’u andjafâ hi Abraham-mina:

Josue 1:1

Kid’a Moise azongâ hi Ma didinina mi mit da d’a, Ma didina mi de mi Josue Nun goroma azongâ hi Moise-sâ ala:

1 Pierre 3:20

Azi ni muzu’â hi suma a hum nga vun Alona adjeu d’uo ata yima mi ve tam tatâ kur burâ hi Noe-na kid’a mi nga mi min batod’ina. Kur bato ndata suma tcha, nala, klavandi, a fe suta aduk mbiyo ma kus máma.

1 Pierre 2:8

Mbaktumba hAlonid’a ti de kua ala: Mam nahina d’a dap asem suma, Nahina d’a ti puguzi kä d’a mi. Azi dap asezi atat kayam azi he nga gagazid’a yam zlad’a hAlonid’a d’i. Kayam ndata, Alona mi ngazizi kazi wana.

Hebre-na 3:18

Ni suma lara ba, Alona mi gun tam kazi ala a mba kal ata yima tuk tad’a ki sed’em mbuo ge? Ni suma a kak djangûna ki sed’ema d’uo zu?

Sunda hi suma a sunuzinid’a 15:33

Kid’a azi kak sä kua burâ tchad’a, b’oziyozina a tinizi ki lafiya, a hulong gen suma a sunuzïna. [