Hebre-na 11:19 - Bible azumeina

¹⁹ Abraham mi djib’er ala Alona mi ndak á tchol sana akulo aduk suma matna. Ni kayam ndata ba, mi hulong mi fe Isak d’igi sama tchol akulo aduk suma matnina na.

Hebre-na 11:19 Referans Kwoze

Matiye 9:28

Kid’a mi mbaza avod’a, suma duk ndazina a mba gevemu. Jesus mi djobozi ala: Agi hagi gagazid’a ala an ndak á le na zu? Azi hulong dum ala: Â, Salamina.

Efes-sâ 3:20

Ni mam ma nga kad’enga á lahlena pet suma kal suma ei nga tcheneizina d’oze suma ei nga djib’erei kazina, yam ad’eng mam mba nga d’i le sunda kurid’a.

Ad’u Tinda 22:13

Abraham mi hle iram akulo, mi gol blogomu, mi we gamlâna nga tchola adivim nga haka aduk azlupa, mi vumu, mi ngad’am balum goroma Isak.

Hebre-na 9:24

Kayam Christ mi kal nga nata yima a tinim iram vam mAlona ma suma a lum kabozi ma hle tam ki ma gagazinina d’i. Wani mi kalî kur akulod’a tata á tak tam mbei avok Alona ki tchetchemba keya.

Romê-na 5:14

Wani bugol atchogoid’a hi Adam-mba gak mba ata atchogoid’a hi Moise-sa, matna mi te yam suma; matna mi te yam suma tcho mazid’a ti nga ni d’igi tchila d’a Adam mi tchila yam gata hAlonid’a na d’uo na mi. Adam ni vama taka yam mam ma nga mi mbana.

Matiye 12:36

Wani an nga ni dagiya, zlad’a pet ta suma a nga dat hawa yayaka, a mba hulongôt ded’a kur bur ma dabi ma ka sariyad’a.

Hebre-na 9:9

Wana ni vama taka yam atchogoi d’a tchetchem wanda. Nala, suma a nga he he d’a hawad’a kahle suma ngat buzuna mAlona, wani ahle ndazina a ndak á mbut sama kud’or Alonina memet ki djib’er ra kurum krovod’a d’i.