Hebre-na 11:13 - Bible azumeina

¹³ Azi pet a bo ni kur he gagazid’a. Azi nga bei fahle suma Alona mi hlazi vunam kazina, wani azi nga golozi sä woi hina dei ki furîd’a. Azi nga dala azi ni suma tita d’igi angoyogeina na kur duniyad’a ka hî.

Hebre-na 11:13 Referans Kwoze

Hebre-na 11:27

Ni yam he gagazid’a ba, Moise mi ar Ezipte, mi le mandara ayîna hamulîna d’i. Mi ve tam ad’enga d’igi mam we Alo ma bei wum ki irina na.

Sawal la giled’a 39:12

Ata yima ang ngop sanina, ang tom yam tcho mamba, ang b’lagam ahligiyem mbei d’igi fotna mi b’lak ahlena na; gagazi, suma pet ni d’igi vama hawa ya’â na. Tchol ndjö

Ad’u Tinda 23:4

An nangeina adigagiya. Agi han yina adigagi ka hî á tos mad’amanda kua; mi arî mana ki iran fafat.

Jean 8:56

Abugi Abraham mi le furîd’a á we bur ma mba mana. Mi wum mi, mi le hur ma hapma.

Hebre-na 11:39

Azi sum ndazina pet, Alona mi le glangâs ma djivina yam he gagazi mazid’a. Hina pî, azi fe nga vama Alona mi hlazi vunam kama biya d’i.

Efes-sâ 2:19

Kayam ndata, agi andjaf suma dingâ, agi nga ni suma woi dei kAlonina d’uo d’a, wani ki tchetchemba, agi mbud’ugi ni suma hAlonina ndrozina, agi ni suma avo hAlonina mi.

Romê-na 8:24

Ni yam tin hurâ ba, ei fei ki suta. Wani le sana nga mi djup vama mi wuma ni, nga ni hur ma tinda d’i. Ni nge ba, mi djup vama mi wuma ge?

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.

1 Pierre 1:17

Kur tchen magid’a agi nga yagi Alona ala Abugiya. Ni mam ma nga mi ka sariyad’a yam nge nge pî abo tat tu yam vama mi lumina. Kayam ndata, ata yima agi nga kaka ka hî yam andagad’ina, ar agi tagagi tit magid’a ki ge yam magi d’a kä kamba woyo.

Romê-na 4:21

Mam we tetet ala Alona mi ndak á le vama mi hlum vunam kama.

Wana ni mbaktumba hi Job-pa 19:25

Wani an we ma ndjun kana, mi nga ki iramu. Kur bur ma dabid’a mam mba mi tchol akulo yam andagad’a.

Ad’u Tinda 49:18

Ma didina, an djib’er ala ang nga sud’unu!

Ad’u Tinda 47:9

Jakob mi hulong dum ala: Bizan nda tit ta tcha ta’ abo hî tcha ta’ abo hî d’a ni kis yam dok hindi. Bizan ndi kal atogo, ndaka nga kua mi. Ti ndak nga ki bizad’a habuyon ngolo suma a tit d’igi an na na d’i.

Ad’u Tinda 25:8

mi mbut mamara kikra, mi le furîd’a ki mamaramu, mi mid’a.

1 Jean 3:19

Ni hina ba, ei mba wei ala ei ni kur gagazid’a, kayam ei nga ki hur ma bei mandarâ ba na avok Alona.

Matiye 13:17

Gagazi, an nga ni dagiya, suma djok vun Alona azi kablau suma d’ingêrâ a min á wahle suma agi wazina, wani azi wazi nga d’i; azi min á hum vama agi humuma mi, wani azi humum nga d’uo mi.

Ad’u Tinda 49:33

Ata yima Jakob vunam dap zla d’a ded’a mi gromina, mi hulong bur kä, mi duk vunamu.

Sawal la giled’a 119:19

An nakoina yam andagad’a ka hî; ar ang ngeyen vun mang ma hed’a d’i.

Ndumba 24:17

An wumu, wani nga ni tchetchem mbi, an golomu, wani mi nga go d’i. Tchitchiud’a ti ndeï ad’u andjafâ hi Jakob-ma, totogo d’a tamula ti ndeï aduk Israel-lâ, ti to suma Mowap-ma fefed’eziya, ti to suma hi Set-na pet mi.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Jean 12:41

Isai mi de zla ndata hina, kayam mi we subura hi Jesus-d’a, mi de kam mi.

Ad’u Tinda 50:24

Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa.

Ad’u Tinda 49:28

Wana nandjafâ hi Israel ma dogo yam mbàna, wana ni zla d’a abuzi mi dazizid’a. Abuzi mi b’e vunam kazi tutu pet, nge nge pî, mi b’e vunam kamu.

Ad’u Tinda 48:21

Israel mi de mi Josef ala: Gola! An nga ni mid’a, wani Alona mba mi kak ki sed’egiya, mba mi hulongôgi yam ambasa habuyogi ngolod’a.

Buzuk ka Abud’a 2:22

Ti vud’um gor mandjufâ. Moise mi yum ala Gersom, kayam mi dala: An ka’î angeina yam ambasa hi suma dingîd’a.

Sunda hi suma hi Levi-nid’a 25:23

Ma didina mi de kua ala: Agi ndak á guzugi andagad’a woi ki irat fafat ti, kayam andagad’a ni manda. Agi avo hatan ni d’igi angoyogeina ki suma kak ki sed’en ndjöna na.

2 Korente-na 4:18

Kayam ami nga tinimi irami ni yam vama suma a nga wum ki irazina d’i, wani ami nga tinimi irami ni yam vama suma bei wum ki irazina. Kayam vama suma a wuma ni vama kak didina d’i, wani vama suma bei wuma ni vama kak gak didina.

2 Korente-na 5:6

Kayam ndata, ami nga vami tami teteu. Ami wami ala ata yima ami nga kaka kur hliuna tua na, ami ni woi dei ki Salad’a.

Hebre-na 11:14

Azi suma a nga de hina na a tak kei ala azi halî ambas mazid’a.

Hebre-na 11:17

Ni yam he gagazid’a ba, Abraham mi he goroma Isak vama ngat buzuna ata yima Alona kuguma. Ni Abraham ma Alona mi hlum vunama ba, mi he gorom ma tu gid’engâ vama ngat buzuna.

1 Pierre 1:1

Ni an Pierre ma a sunuma hi Jesus Christ-sâ. An nga ni sun mbaktum mba wanda mi agi suma Alona mi managi suma b’rawagi woi kur ambas sa Pong, Galat, Kapados, Asi ki d’a kur Bitini-d’ina.

Ad’u Tinda 21:34

Abraham mi kak ngola yam andaga d’a Filistê-d’a.

Ndumba 10:30

Hobap mi hulong dum ala: An min i d’i! An i ni yam ambas manda aduk simiyênu.