Hebre-na 1:10 - Bible azumeina

¹⁰ Alona mi de kua ala: Ang Sala suma, kad’u tinda dei ang läd’u andagad’a; akulod’a ni sun nda ang lat kabonga.

Hebre-na 1:10 Referans Kwoze

Ad’u Tinda 1:1

Avok ka va nga d’uo tua d’a, Alona mi lakulod’a kandagad’a.

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Isai 48:13

Ni kabon ba, an gäd’u andagad’a, an b’eng akulod’a woi kabon ma ndjufâ. An yaziya; a tok tu, a mbeï avoronu.

Isai 42:5

Alo ma didin ma lakulod’a ma b’engêt teina, Ma bine andagad’a woi kahle suma deî katna, Ma mi he muzuka mi suma kurutna, Ma mi he muzuka mi suma a nga tit kurutna, mi dala:

Zakari 12:1

Wana ni zla d’a Ma didina mi ngop ki Israel-lîd’a: Ma didin ma b’eng akulod’a ma gäd’u andagad’a ma le muzu’â kur sanina, mi dala:

Isai 64:8

Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.

Isai 51:13

Ang mar kan an Ma didin ma ni lang ma ni b’eng akulod’a woi ni gäd’u andagad’ina. Burâ pet ang nga zlak ki mandarâ avok ma djop vun suma ata yima mam nga go á b’lagang ngeina. Wani mandar mama mi ar nga ni lara ge?

Zla d’a d’ogolâ 8:29

Ata yima mi nga hagad’a malum ma ngolâ tala mbina mi tchila woi yam yima ngamzina d’uo d’a, an nga. Ata yima mi nga ad’u andagad’ina, an nga mi.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina:

Sawal la giled’a 19:1

Ni sawal la David mi hlat mi hat mi ma ngolâ hi suma hle sawalina.

Gat ta a hat á mbàd’id’a 4:19

Ar agi hlagi iragi akulo hur alona á gol afata tilâ ki tchitchiud’a kahle suma akulona pet ba, a lobogi vunagi á kud’urozi á lazi sunda d’i, kayam nahle suma Ma didina Alo magina mi hazi mandjaf ma ding ma nga kaka yam andagad’a petna.

Isai 40:12

Ni nge ba, mi nga mbiyo ma ngolâ hur abom ge? Ni nge ba, mi hle ngola hakulod’a akulo hur abom ge? D’oze ni nge ba, mi nga andaga d’a gugud’upa kur vama nga ahlena d’oze mi hlahina d’a nglod’a kahina d’a gureid’a ki kilona mi ge?

Isai 51:6

Agi hlagi iragi akulo. Bugola, agi gologi iragi kä yam andagad’a. Kayam akulod’a mba d’i val lei d’igi andosâ mi val lei na, andagad’a mba d’i wak kei d’igi baru ma tumusa na, suma a nga kaka katna a mba bo woi d’igi arona mi bo woi na, wani sut manda mba d’i kak didin, d’ingêr manda mba d’i dap pei d’uo mi.

Hebre-na 12:27

Zla d’a ala: Ar kua yan tu d’a, ti tagei nala ahle suma a lazina a mba giged’a, a mba kal leyo, kayam vama bei gigeta ba na, mi ar kaka.