Wana ni mbaktumba hi Aze-d’a 2:7 - Bible azumeina

⁷ An mba ni mbut andjaf suma pet batuwak; ahle mazi suma ndjondjoîna pet a mba mba ki sed’ezi ka hî, an mba ni subur gong nga kud’or ra wanda.

Wana ni mbaktumba hi Aze-d’a 2:7 Referans Kwoze

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

1 Amuleina 8:11

Suma ngat buzuna a fe nga lovota á tchol kua á le sun mazid’a abo d’ugula d’i, kayam subura hi Ma didinid’a ti oî gong mamba.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Wana ni Zla d’a Djivi d’a Luc mi b’irita 2:46

Bugol bur ma hindina, a fum kur gong nga kud’ora hAlonid’a. Mi nga kak kä aduk suma hat suma, nga mi humuziya, nga mi djobozi mi.

Wana ni Zla d’a Djivi d’a Luc mi b’irita 2:27

Kid’a Josef azi ki Marie a mba ki gorozina Jesus á le ki sed’em d’igi a b’ir kur gata na d’a, Muzu’â mi zut Simeon mi im kur gong nga kud’ora hAlonid’a.

Ezekiyel 21:27

Vama tagam lovota yam Jerusalem-ma mi nga ved’a abom ma ndjufâ. Mba mi he vuna mi suma tchi suma á tchi wulula, á min vama to gulumuna kä woina, á ndjar vama to gulumuna avun agre’â, á mbu andagad’a akulo ad’u azina, á ka azigar suma ayîna woi dudup mi.

Isai 60:7

D’uwar ma Kedar-râ a mba togomî avo hatagu, gamlâ ma Nebayot-na mba mi mbut ni vama lak sunda. A mba hazi he d’a hawa d’a ngala yam yi man ma ngal ahle suma ngat buzuna, a mba lan tan djivid’a, an mba ni subur gong man nda djifâ.

Ad’u Tinda 22:18

Ni kayam andjavang ba, an mba ni b’e vunan yam suma yam andagad’ina pet, kayam ang humun vunanu.

Galat-na 3:8

Kayam Alona mi de kur mbaktum mamba avok ala mam mba mi mbut andjaf suma dingâ d’ingêr yam he gagazi mazid’a. Mi de Zla d’a Djivid’a mi Abraham adjeu ala: An mba ni b’e vunan yam andjaf suma pet ni kang angû.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Wana ni Zla d’a Djivi d’a Luc mi b’irita 21:38

Ki yorogo tcholol suma pet a mba kur gong nga kud’ora hAlonid’a á hum hat mamba.

Wana ni Zla d’a Djivi d’a Luc mi b’irita 19:47

Nga mi hat suma kur gong nga kud’ora hAlonid’a teteu. Nglo suma ngat buzuna azi ki suma hat gata ki suma nglona hi sumina a nga halam á tchid’a.

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

2 Sunda Hamuleinid’a 5:14

Suma ngat buzuna a fe nga lovota á tchol kua á le sun mazid’a abo d’ugula d’i, kayam subura hi Ma didinid’a ti oî hur gong mamba.

Wana ni Zla d’a Djivi d’a Luc mi b’irita 20:1

Kur bur tu Jesus nga mi hat suma kur gong nga kud’ora hAlonid’a, nga mi tchazi wal Zla d’a Djivid’a mi. Nglo suma ngat buzuna azi ki suma hat gata ki suma nglona a mba atamu,

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Kolos-sâ 2:9

Kayam ndak ka memeta hAlonid’a tata ti nga nata Christ.

Sawal la giled’a 85:9

An min hum zla d’a Ma didina Alo mana mi data. Nga mi de zla d’a halasa mi mam suma d’engzeng suma iratna, kayam azi hulong kur lili mazid’a d’uo d’a.

Isai 2:19

Suma a mba tchuk kur zul ahuniyôna, a tos tazi aduk andaga d’a gugud’upa kä dei á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’ina mandarîd’a!

Isai 60:4

Ndak mbut irak gol gevek ata yina pet. Azi pet a toga, a nga djï gevegu. Grok suma andjofâ a nga djï ata yima deina, a yoï nga grok suma aropma akulo ahlabazi mi.

Ezekiyel 31:16

Ata yima an zud’um kä na, andjaf suma mi zlak abo tchi máma. Ata yima an ni im kä azulei zlapa ki suma a i kä azuleina, agu ma kur Eden-na pet, ma djifâ ki ma djivi ma kal tegles ma Liban-na kaguna pet ma nga mi tche mbinina, huruzi mi b’leng kä ad’u andagad’a.

Ezekiyel 38:19

Kur yungôr mana, kur ayî man ma aku ma bibiliuna, an nga ni dang ngei mbak ala: Kur bur máma andaga d’a Israel-la mba d’i yir gigidji.

Ezekiyel 44:4

Bugola, sa máma mi hlan avun agrek ma norâ, mi mban avun gong nga kud’ora hAlonid’a. An gol yina, ni we subura hi Ma didinid’a ti oî gong mam mba kud’ora. An grif kä avoromu.

Wana ni mbaktumba hi Aze-d’a 1:8

Agi i djagagi yam ahinad’a, agi kagï aguna, agi minigi gong manda. Hina wani, tan mba d’i lan djivid’a, a mba suburun mi.

1 Amuleina 8:10

Ata yima suma ngat buzuna a buzuk kei ata yima a tinim iram vamina, d’ugula ti oî hur gong nga kud’ora hi Ma didinid’a.