Galat-na 6:9 - Bible azumeina

⁹ Ar ei tei tchuk lus á le sun nda djivid’a d’i. Le ei tei tchuk nga lus suo ni, fata yina ndaka, ei mba fed’eya.

Galat-na 6:9 Referans Kwoze

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

2 Tasaloni’â 3:13

Wani agi b’oziyomina, ar tagi tchuk lus yam sun nda djivi d’a led’a d’i.

Hebre-na 12:3

Agi djib’eregi yam mam ma ve tam ad’enga abo suma tcho suma a kak djangûna ki sed’ema. Ar agi kawagi d’i, ar tagi tchuk lus suo mi.

1 Pierre 2:15

Wani ni minda hAlonid’a kayam sun magi d’a le d’a djivid’a ba, agi nga d’elegi lilid’a hi suma bei wed’id’a.

Jacques 5:7

B’oziyona, agi vagi tagi gak mbad’a hi Salad’id’a. Gola! Ni nana ba, sama zuma nga mi djup gak bur ma fet awu ma djivi ma kalâ ki ve tad’a, nga mi djup gak alo ma hod’ogeid’a ki ma dabid’a ge.

1 Pierre 3:17

Djivid’a, le agi nga fagi ndaka yam sun nda djivid’a ni, ndata ni minda hAlonid’a, kal la agi fagi ndaka yam tchod’id’a.

2 Korente-na 4:16

Kayam ndata, ami tami nga tchuk lus si. Le hliwimi nga mi b’lak kei pî, muzugami nga mi mbut awilid’a burâ ki burâ.

Vama ndum mbeina 2:3

Ang nga ve tang ad’enga, ang nga fe ndaka kanu, wani ang tang tchuk nga lus si.

1 Pierre 4:19

Kayam ndata, suma a fe ndaka yam minda hAlonid’ina, ar a i avogovok kur djivi d’a led’a, a he tazi abo Ma d’engzeng ma lahlena petna mi.

Wana ni Zla d’a Djivi d’a Luc mi b’irita 18:1

Jesus mi dazi zla d’a d’ogola á had’azi a tchen teteu bei tazi tchuk lus ba.

Matiye 10:22

Suma pet a mba noyôgi woi yam simiyênu, wani sama mi ve tam ad’enga gak dabid’ina, mba mi fe suta.

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

Matiye 24:13

Wani sama mi ve tam ad’enga gak ad’u dabid’ina, mba mi fe suta.

Sunda hi suma hi Levi-nid’a 26:4

an mba ni sagi alona ata yamu. Andagad’a mba d’i wulugi awuna, agu magina mba mi vut mi.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

Gat ta a hat á mbàd’id’a 11:14

an mba ni sagi alona ata yamu, alo ma hod’ogeid’a kalo ma dabid’a mi. Agi mba dud’ugi awu magina ki guguzlu magid’a, agi mba yorogi mbul magina mi.

Vama ndum mbeina 2:17

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba ni hazi man ma nga ngeid’ina. An mba ni he nge nge pî adigazi ahina d’a hap pa a b’ir nga simi ma awilina kuad’a. Ni d’a sama ding ndak á wat tuo d’a, ni sama vatna hola.

Sawal la giled’a 145:15

Ahlena pet a tin huruzi ni kangû, a tin irazi ni kang angû; ni ang ba, nga hazi tena ata yamu.

Hebre-na 3:6

Wani Christ ni Ma d’engzengâ, ni Gor ma Alona mi tinim yam gong mambina. Le ei nga vei tei ad’enga ngingring, le ei dengeî tei yam hur mei ma tinda ni, ei ni gong ndata.

Sofoni 3:16

Kur bur máma a mba de mi suma Jerusalem-ma ala: Ar agi lagi mandar ri, a mba de mi suma Siyon-na ala: Ar abogi mi ngrap pi.

Hebre-na 3:14

Kayam ndata, le ei vei tei ad’enga yam hur mei ma tin ma avo’â ngingring gak bur ma dabid’a ni, ei ni Jesus ndroma.

Efes-sâ 3:13

Ni kayam ndata ba, an nga ni tchenegiya, ar tagi tchuk lus yam ndak man nda an nga ni fat kagid’a tala ni subur magid’a d’a d’i.

Sawal la giled’a 104:27

Ahle ndazina pet a nga tin djib’er mazid’a ni kang ang kayambala ang hazi te mazina ata yamu d’a.

Hebre-na 12:5

Agi maragi yam zla d’a giget ta Alona gigid’egi d’igi groma na d’a zu? Mbaktumba ti dala: Gorona, ang gol gat ta Ma didina nga mi gad’anga d’igi vama hawana na d’i, ata yima nga mi ngobongâ, ar tang tchuk lus suo mi.

Malatchi 1:13

Agi nga dagi ala: Ni ndaga me na ge! Agi nga hlagi yagi woi vivik mi. An Ma didina ni de na. Ma didin ma ad’engêm kal petna mi dala: Hina wan pî, agi nga mbagi ki vama kula ki ma dileîd’a ki ma tugud’eid’a mi ala ni he d’a hawa magid’a. An mba ni vat abogi zu?

Sawal la giled’a 126:5

Suma a nga zar ki simina irazina, a mba ze ki sawal la furîd’a.

Zla d’a d’ogolâ 11:18

Sama asa’atna mi fe ni mbiyo ma mbut ira, wani sama nga mi zar d’ingêrîna, mi fe ni wurak ka gagazid’a.

Ma tchi wala 11:1

Ang ge te mangâ kä aduk mbina, bur tu ang mba hulong fumu.

Jeremi 45:3

Ang dala: Ndaka nga kanu, kayam Ma didina nga mi mba ki ndak ka dinga kan yam ahle suma tan nga d’i tan abozina. An ni seî wa á muzuka, an ndak á tuk tan ndi.

2 Korente-na 9:6

An gagi humagi ala sama zar akid’eid’ina mba mi fet nakid’eid’a, sama zar ngolina mba mi fet ngola mi.

Ad’u Tinda 29:7

Jakob mi dazi ala: Gola! Afata nga tua, nga ni ler ra tok aho’â kä d’a d’i; agi hazi mbina, agi izi tena kua.

Matiye 9:19

Jesus azi ki mam suma hata a i ad’umu.

Matiye 25:17

Mam ma ve talanda mbàna, mi le hina mi, mi fe kat kua mbà mi.

Marik 3:3

Jesus mi de mi sama abom tche mogod’ina ala: Ang tchol akulo avok suma pet.