Galat-na 5:3 - Bible azumeina

³ An nga ni de kua mi sama lara pî ma ngad’am bayâd’ina ala mbeî mi ngom vun ma hed’a hi gatina pet.

Galat-na 5:3 Referans Kwoze

Galat-na 3:10

Kayam suma a ge yazi kä ad’u gatina, Alona mi gazi vuna. Kayam mbaktumba hAlonid’a ti dala: Sama kid’ak á ngom ahlena pet suma gata dum kazi á led’ina, Alona mi gum vuna.

Romê-na 2:25

Le ang ge yang kä ad’u gata ni, bayâ mang nga ngata ni djivid’a kangû. Wani le ang tchila yam gata ni, bayâ mang nga ngata mbut ni vama hawana.

Gat ta a hat á mbàd’id’a 27:26

Sama mi ndak nga vun gat ta wanda, mi le nga sunda kat tuo na, Ma didina mi gum vuna! Ablau suma petna a hulong ded’a ala: Amin!

Efes-sâ 4:17

Ni kayam ndata ba, an nga ni de, nga ni le glangâsâ ki simiyê Salad’a ala ar agi tid’igi d’igi andjaf suma bei wAlona a nga tit kur djib’er mazi d’a hawa yaka na d’uo d’a.

Gat ta a hat á mbàd’id’a 31:21

Fata ndak ka tetenga ki hohoud’a a mba mba kazid’a, andjavazi mba mi mar yam sawal ndata d’i. Ti arî d’igi glangâs ma kazina na. An we djib’er ra kuruzid’a ini avok bei an kalazi kur ambas sa an hlazi vunan kat á hazizid’a.

Gat ta a hat á mbàd’id’a 8:19

Wani le agi maragi yam Ma didina Alo magina, le agi igi bugol alo ma dingâ, le agi lum sunda agi grivigi kä avoromu ni, an nga ni dagi ini woi avunagiya, agi mba dabagi woyo.

Matiye 23:18

Agi nga dagi ala: Le sana mi gun tamï ki yima ngal ahle suma ngat buzuna ni, gun nda kola ni hawa, wani le mi gun tamï ki he d’a hawa d’a yam yima ngal ahle suma ngat buzunid’a ni, gun ndata mba d’i vumu.

1 Jean 4:14

Ei wei wa, ei nga lei glangâsâ ala: Abui Alona mi sunï Goroma á sut suma kur duniyad’ina.

1 Tasaloni’â 4:6

ar sa mi tchila yam gata á le ir wiyem ma kur Christ-sâ kur ahle ndazina d’i. Ami dagi woi mbak, ami gagi humagi mi, suma a le tcho d’a hina d’ina, Salad’a mba mi kazi sariyad’a kaziya.

Sunda hi suma a sunuzinid’a 20:21

An le glangâsâ mi Juif-fâ kandjaf suma dingâ ala a mbut huruzi yam tchod’a avok Alona, a he gagazid’a mi Salad’a Jesus mi.

Sunda hi suma a sunuzinid’a 2:40

Ata yi máma, Pierre mi dazi zlad’a teteng ngola, mi lazi glangâsâ, nga mi gigid’ezi ala: Sud’ugi tagi woi aduk suma tcho suma kur atchogoi d’a wandina.

Wana ni Zla d’a Djivi d’a Luc mi b’irita 16:28

kayam b’oziyona a nga vahl. Mi dazi zlad’a, ar azi mba kur ndak ka wanda d’i.

Matiye 23:16

Ni zla d’a hohoud’a kagi agi suma duk suma tagagi lovota mi ndrogi suma dukina. Agi nga dagi ala: Le sana mi gun tamï ki gong nga kud’ora hAlonid’a ni, gun nda kola ni hawa, wani le mi gun tamï ki lor ra kur gong nga kud’ora hAlonid’a ni, gun ndata mba d’i vumu.

Nehemi 9:34

Amulei mamina, suma nglo mamina, suma ngat buzu mamina kabuyomi a tin nga humazi yam gat manga d’i, a tin nga humazi djivid’a yam vun ma he mangâ d’uo mi na, yam ngop pa ang ngobozid’a d’uo mi.

Sunda hi suma a sunuzinid’a 15:1

Suma dingâ a tcholï Jude, a mba Antiyos, a hat b’oziyoina ala: Le agi ngad’agi nga bayâd’a d’igi gata hi Moise-sa he vuna na d’uo ni, agi ndak á fagi suta d’i.

Galat-na 5:2

Ar agi humugi djiviya. An Paul nga ni dagiya, le agi ngad’agi bayâd’a ni, Christ mba mi le vama djivi kagi d’i.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.